Ir arriba

Xoves, 28 de Marzo do 2024

Cargando ...
/
o tempo
Búsqueda de artículos

Novas de Castrelo

  • Mércores, Xoves, 28 de Marzo do 2024

Música, viño e gastronomía no IV Ribeiro Blues Winefestival

A celebración terá lugar os días 11 e 12 de agosto no Parque Náutico de Galicia en Castrelo de Miño.

Galería de fotos

Fotografías de Alberte Paz
Fotografías de Alberte Paz
Fotografías de Alberte Paz
Fotografías de Alberte Paz
Fotografías de Alberte Paz
Cartaz RBWF 2017
Música, viño e gastronomía no IV Ribeiro Blues Winefestival
O parque náutico de Castrelo de Miño acollerá a cuarta edición do "Ribeiro Blues Winefestival", os días 11 e 12 de agosto, para gozar dunha nova maridaxe de música, viño e gastronomía. A presentación desta iniciativa cultural tivo lugar na maña de onte no Pazo Provincial, acto no que participou o vicepresidente da Deputación de Ourense, Rosendo Fernández, e o alcalde do Concello de Castrelo de Miño, Xurxo Rodríguez.
Rosendo Fernández destacou a importancia da "cooperación" para levar a cabo iniciativas como este festival que "con esta cuarta edición consolídase como unha cita coa cultura que nos achega algunhas das mellores propostas nacionais e internacionais da chamada música negra ou de raíz". Asemade o vicepresidente da Deputación de Ourense sinalou que este evento é "unha idea innovadora para promocionar un dos sectores económicos estratéxicos da nosa provincia, o vitivinícola". Nese mesmo senso, Xurxo Rodríguez lembrou que a viticultura é "a nosa principal actividade".
O alcalde de Castrelo de Miño explicou que este festival naceu "froito da colaboración de tres institucións: a Deputación de Ourense, o Consello Regulador da Denominación de Orixe Ribeiro, e o Concello de Castrelo de Miño, que continúan a traballar da man para celebrar, un ano máis, o "Ribeiro Blues Winefestival".
Nesta cuarta edición participarán "24 adegas e colleiteiros de toda a D.O. Ribeiro que ofrecerán os seus mellores viños acompañados polos diferentes postos gastronómicos de street food que estarán presentes no festival", sinalou Xurxo Rodríguez, quen explicou que co obxectivo de continuar a mellorar as actuacións musicais cada ano e recollendo as propostas das adegas participantes, "nesta edición seguimos a apostar polos grupos galegos e incluímos no cartel a bandas tributos, a dous grupos internacionais e sesións DJ".
"A entrada ao recinto será de balde, pero co obxectivo de poñer en valor o produto, os asistentes poderán adquirir un ticket por un custe de 10 euros para degustar os viños das diferentes adegas participantes", engadiu o alcalde de Castrelo de Miño.
O festival dará comezo o venres, 11 de agosto, coas actuacións de The Soul Jacket, Fatzilla e Greenwater, e o sábado, 12 de agosto, será a quenda para Shirley Davies & The Silverbacks, Los Fabulosos Weekend e Spanish Castle Magic. Ambas xornadas finalizarán cunha sesión Dj a cargo de Peón Kurtz Dj Set.
Toño López e Guillermo Gagliardi do grupo The Soul Jacket foron os encargados de poñer música ao remate da presentación do ?IV Ribeiro Blues Winefestival".
 
Concello de Castrelo de Miño

Avda. do Concello, 18 - 32430 Castrelo de Miño (Ourense)
Telf. 988 493 000 | Fax 988 493 100

Copyright © 2017 Concello de Castrelo de Miño. - Todos os dereitos reservados // Privado - Deseño, maquetación e programación web a medida Grupo5.com