Indicacións técnicas para actuar despóis da xeada

A Estación de Viticultura e Enoloxía de Galicia (EVEGA) acaba de facer públicas diversas recomendacións técnicas para lograr mitigar as consecuencias que sobre os viñedos causaron as baixas temperaturas a semana pasada.

Tal e como sinala o organismo, a xeada afectou maiormente aos pámpanos que chegaron a chamuscarse. Ocorreu tamén nas inflorescencias, que algunhas salvaron e outras murcharon. Con todo, indican que o estado de crecemento dos órganos afectados e da intensidade dos danos é variable dunhas zonas e dunhas plantas a outras.

Por iso, para levar a cabo calquera actuación de mellora por parte dos viticultores haberá de observar en cada cepa a afectación que puidese sufrir, desde as puntas ata a base dos pámpanos.

En primeiro lugar, recoméndase esperar uns días ata a estabilización do tempo, o cal tamén haberá de aproveitarse para observar a reacción das cepas. Así, o viticultor actuará dun modo ou doutro dependendo de si a afectación ao pámpano é parcial ou total.

En caso de ser parcial haberá de diferenciar, á súa vez, entre si as puntas están chamuscadas pero con poucos ou ningún acio afectado, ou se a maior parte dos acios están afectados.

Puntas chamuscadas, pero con poucos ou ningún dos acios afectados. Haberá de distinguir entre acios afectados e os que non o estean. En caso de haber pouca afectación naqueles, non haberá de podar polo momento.

Maior parte dos acios afectados. Repodar con tesoiras ou navallas ben afiadas para lograr un corte limpo que evite que as netas superiores agromen. Haberá de utilizarse produtos cicatrizantes primeiro e despois estimulantes e fertilizantes.

Para o caso de que os gromos estean completamente afectados, non habería que podar. Con todo, a EVEGA sinala que si as viñas tiñan xa vexetación moitos viticultores poderían estar a podar para tirar a podremia de diante. Ademais, os pámpanos caídos poderían estorbar a agromada dalgún cono secundario. Tamén, para este caso faise necesario a utilización de produtos cicatrizantes primeiro, e despois estimulantes e fertilizantes.

Estas indicacións foron elaboradas pola EVEGA.