A secretaria xeral para o Deporte visita as obras deportivas realizadas en Castrelo de Miño

Supervisaron o estado das infraestruturas reformadas a tenor do convenio asinado o pasado mes de setembro de 2017 entre a Xunta de Galicia e a Deputación de Ourense para a realización de obras nas distintas instalacións deportivas da provincia.

No caso do concello de Castrelo de Miño, a responsable do Deporte Galego e o vicepresidente da Deputación visitaron as obras realizadas nos embarcadoiros boiantes da pista olímpica de remo. Deste xeito, estas actuacións consistiron na mellora e anclaxe dos pantaláns e na instalación de tres novas ramplas de acceso.
Estas instalacións contaron cun orzamento de 22.000 euros que foron subvencionados pola Xunta (50%) e a Deputación (50%)

O alcalde de Castrelo de Miño manifestou a súa satisfacción pola realización desta primeira fase da mellora das instalacións da pista olímpica de remo, e informounos da situación actual do proceso de licitación das obras da segunda fase que nestes intres está realizado o concello de Castrelo de Miño e que conta un orzamento de 100.000 euros aportados pola Deputación de Ourense.