'Os pintores non teñen recordos', en Seixalbo

O vindeiro domingo 14 de maio ás 21:00 os veciños de Seixalbo poderán desfrutar da obra "Os pintores non teñen recordos" do obradoiro municipal de teatro de Castrelo de Miño. Será ao aire libre, no Auditorio de Penouzos, e encádrase no plan de intercambio cultural que o Concello de Castrelo de Miño puxo en marcha e que ten por fin levar a cultura de Castrelo a outros municipios á vez que trae a correspondente doutros lugares ao noso pobo. Por iso, Seixalbo (Ourense) acompañaranos o domingo día 7 ás 21:00 da man de Cantigas de Seixo e nós faremos o mesmo co noso taller de teatro unha semana despois.