Concello Castrelo de Miño

Inscríbete aquí para participar na andaina solidaria ata as 23:59 horas do xoves 17 de maio.

| Concello Castrelo de Miño — Wed, 16 May 2012 08:00:00 +0200

Ampliase o prazo de inscrición online ata o xoves 17 de maio.

Ampliase o prazo de inscrición SÓ A TRAVES DESTE ENLACE ata o xoves 17 de maio ás 23:59 horas.

I Andaina Solidaria de Castrelo de Miño

| Concello Castrelo de Miño — Wed, 16 May 2012 07:00:00 +0200

Andaina a prol de UNICEF e da súa campaña "Gotas para Níxer".

Participa na I Andaina Solidaria a favor de UNICEF en Castrelo de Miño o próximo 20 de maio ás 9 da mañá (dorsais a partir das 8:00 horas). A andaina ten saída e chegada no Parque Náutico de Castrelo de Miño. INSCRÍBETE XA!!! Esta cita deportiva pretende reunir a un gran número de camiñantes por unha boa causa: axudar a UNICEF nos seus proxectos de potabilización de auga no Níxer. A inscrición realizarase ingresando 8 euros na conta de Novagalicia Banco 2080-0423-17-3040002788 ata o día 15 de Maio. Tamén podes facer a túa inscrición online pinchando neste enlace. O percorrido será de 14 quilómetros, e contará con 2 avituallamentos durante o percorrido. Os camiñantes inscritos tamén recibirán un xantar o remate da proba e un vale desconto de 50% en Prol Sport Ourense. Podedes participar co voso animal de compañía, e recibirá un agasallo. Contamos convosco!

Bando 9: Axudas para facilitar a obtención do permiso de condución clase B

| Concello Castrelo de Miño — Wed, 16 May 2012 00:00:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Consellería de Traballo e Benestar mediante orde do 4 de maio de 2012 pola que se establecen as bases reguladoras que rexen as axudas para facilitar a obtención do permiso de condución clase B e favorecer as seguridade viaria dos mozos e mozas galegos (Diario Oficial de Galicia nº 91, de 14 de maio de 2012). A contía da axuda será de 200 euros por beneficiario. Requisitos que han de cumprir as persoas interesadas:

Ter entre 18 e 30 anos de idade cumpridos no momento de presentar a solicitude.
Estar en situación de desemprego cunha antigüidade mínima de 6 meses no momento de presentar a solicitude.
Ter residencia en Galicia.
Ser titular do carné Xovén vixente no momento da solicitude.
Non ter un nivel de ingresos na unidade familiar superior ao 2,5 veces o IPREM.

Para acceder á axuda deberán obter o carné de conducir entre o 1 de xaneiro e o 15 de outubro de 2012 e, ademais, superar con éxito un curso gratuíto de educación viaria organizado pola dirección xeral de Xuventude e voluntariado. O prazo de presentación de solicitudes será ata o 1 de setembro de 2012, salvo que antes se esgote o crédito dispoñible. O que se fai público para xeral coñecemento. Castrelo de Miño, 14 de maio de 2012 Xurxo Rodríguez Méndez

As Escolas Deportivas Municipais contaron coa colaboración das rapazas do Castrelo FSF

| Concello Castrelo de Miño — Fri, 11 May 2012 13:00:00 +0200

Ultimamente os mércores nas escolas deportivas municipais, estámonos acostumando a boa compaña,...

Ultimamente os mércores nas escolas deportivas municipais, estámonos acostumando a boa compaña, este mércores tocou a colaboración ou quizás debería dicir a involucración das nosas rapazas do Castrelo FSF, para cos cativos, estiveron hora e media compartindo con eles a súa experiencia no fútbol sala, a nosa porteira colleu as futuras promesas da escuadra para ensinarlles os seus trucos a hora de facer unha boa parada, Ana a nosa capitana encargouse dos mais cativos, para que aprenderan a facer mellor os pases, as fintas..... e a benxamina Alba encargouse dos mais maiores, xogando con eles, apertando os defensas, tirando a porta... Para nos e unha ledicia ver como as nosas xogadoras, se involucran nas ensinanzas dos mais cativos e lles conten as súas experiencias, dende o Concello, moitas grazas rapazas e a seguir con estes logros que estades conseguindo, tanto no terreo deportivo, lanzando cara arriba a este Castrelo FSF, como no persoal con esta vontade de compartir o voso tempo cos pequenos. Podedes ver as fotografías desta xornada deportiva no Facebook do Concello.

O Concello de Castrelo anímavos a participar no concurso 'Imaxes con Fondo', que premiará fotografías solidarias e concienciadoras

| Concello Castrelo de Miño — Tue, 08 May 2012 13:00:00 +0200

- A categoría xuvenil está dotada cunha cámara Canon mentres que o galardón para as persoas adultas...

O Fondo Galego de Cooperación vén de convocar o certame 'Imaxes con Fondo' para convidar á reflexión arredor da solidariedade e da repercusión das nosas prácticas sobre os países do Sur. Na categoría de persoas adultas, o premio será unha viaxe a Cabo Verde para realizar un traballo fotográfico sobre un dos proxectos apoiados no arquipélago pola entidade organizadora. O apartado xuvenil, dirixido a mocidade de entre 13 e 17 anos, está dotado cunha cámara Canon EOS 1100 e o seu obxectivo, máis un lote de produtos de comercio xusto. 'A solidariedade dá sentido ás nosas vidas' é o lema da categoría xuvenil, á que se poderán presentar imaxes que amosen a solidariedade na nosa sociedade, tanto no día a día como en actividades puntuais. No apartado para persoas adultas, titulado 'Cambia, reivindica e constrúe', búscanse fotografías que reflictan como determinadas accións das sociedades do Norte inciden negativamente sobre as poboacións do Sur. O concurso 'Imaxes con Fondo' está aberto a persoas de calquera nacionalidade, sempre que residan en Galicia. Cada participante poderá presentar ata un máximo de tres fotografías individuais, ou ben ata tres series compostas de tres instantáneas cada unha, co acompañamento dunha breve descrición en galego nun "tweet" de 140 caracteres. Admítense obras inéditas, en cor ou en branco e negro, con formato jpg e unha resolución mínima de 300 ppp, dun tamaño que non exceda os 5 mb. As imaxes deberán enviarse entre o 15 de abril e o 15 de outubro ao enderezo imaxesconfondo@yahoo.es. No mes de novembro darase a coñecer o fallo do xurado, composto por representantes do Fondo Galego e das Deputacións e Concellos socios, integrantes da Coordinadora Galega de ONGD e membros de prestixio do mundo da fotografía e das artes plásticas. As condicións para a presentación e as bases ao completo poden consultarse aquí. Para a súa redacción contouse coa colaboración da Asociación Galega de Reporteiros Solidarios (Agareso), a Asociación Provincial de Fotógrafos Profesionais de Pontevedra, a Asociación Provincial de Fotógrafos Profesionais de Lugo, a Agrupación Fotográfica Galega e a Asociación Fotográfica Galega 'Phosgalicia'. A actividade 'Imaxes con Fondo' encádrase no Plan de Sensibilización 2012 do Fondo Galego de Cooperación, cofinanciado pola Xunta de Galicia.

O Castrelo FSF gañou o derradeiro partido da tempada

| Concello Castrelo de Miño — Mon, 07 May 2012 21:10:00 +0200

Impúxose o Santa Teresita por 4 goles a 3.

O sábado día 5 de maio xogamos o derradeiro partido de liga, da tempada 2011-2012 contra o Santa Teresita. Parte da plantilla das nosas rapazas estaban ausentes, por distintos motivos, así que afrontámolo partido con so 6 xogadoras, pero con moito animo. Comezou o partido e no primeiro minuto marcamos o noso primeiro gol obra de Laura, a partir deste comezou un traballo costa arriba, sendo superadas polas rivais que nos marcaron 3 goles, antes de que pitara o descanso conseguimos o 2-3 obra da nosa porteira desde a propia area. Comezamos o segundo tempo, con mais ánimos e loitando, tendo o banquiño os mínimos xa que o único cambio se atopou mal. O final a loita deu resultado e fomos capaces de remontar o partido, rematando con 4 a 3. O final compartimos uns pinchos co equipo rival dando mostras de que a mellor vitoria é a do deporte. Podedes ver as fotografías do encontro no Facebook do Concello.

O 23 de maio comeza o curso de patrón de navegación básico que se impartirá en Castrelo de Miño

| Concello Castrelo de Miño — Mon, 07 May 2012 14:50:00 +0200

Esta titulación serve para o manexo de embarcacións de ata 7,5 metros (se é de motor), e 8 metros...

O curso iniciase o dia 23 de Maio ás 20:00 horas no salón de actos do albergue municipal. Está constituido por tres probas, unha teórica que desemboca nun examen oficial na escola náutico-pesqueira de Vigo, unhas prácticas de navegación que se realizarán nun barco homologado e outras prácticas de radiocomunicacións que se impartirán en Castrelo cun simulador de radio homologado. As clases teóricas serán os mércores pola tarde durante aproximadamente un mes. Para ampliar información e inscribirse deben poñerse en contacto con: ESTELAS: 988 22 22 66 - 609834414 www.estelas.net e www.quieroserpatron.com

A II Copa Deputación Ourense de Triatlón terá lugar o próximo domingo 13 de maio en Castrelo

| Concello Castrelo de Miño — Sun, 06 May 2012 19:10:00 +0200

Os participantes do Aviaman 2012 deberán competir nos 2.000 metros de natación, 75 quilómetros de...

O Club Beariz Triatlón en colaboración coa Federación Galega de Triatlón, a Deputación Provincial de Ourense e os concellos de Castrelo de Miño, Leiro e Avión organiza o día 13 de Maio de 2012 a segunda edición do Aviaman que constitúe a II Copa Deputación de Ourense de Triatlón e pretende consolidarse como unha referencia dentro do panorama nacional deste deporte. A esixencia e beleza do seu percorrido convértena nunha proba única e diferente. Un reto posible pero co punto de dificultade e esixencia que a converten nun desafío persoal para tódolos participantes. A saída desta proba terá lugar en Castrelo ás 7:30 horas coa desputa da proba de natación.

O Educamóbil visitará Castrelo o día 24 de maio

| Concello Castrelo de Miño — Fri, 04 May 2012 19:00:00 +0200

Estará situado no patio do Colexio de Castrelo de Miño

O xoves 24 de maio, a partir das 16:30 horas e ata as 20:00 horas, estará no patio do CEIP de Castrelo de Miño o “Espacio Móbil de atención á infancia”, proxecto levado a cabo pola Deputación Provincial de Ourense dirixido ás familias con nenos/as de entre 4 e 11 anos. Trátase dunha alternativa educativa e de ocio que permitirá ás familias unha ampliación do horario de atención aos nenos e nenas fora do horario escolar. Estarán atendidos polo persoal cualificado da Deputación que desenvolverá actividades adaptadas as idades dos participantes.

Onte no Pavillón Municipal de Castrelo de Miño houbo Escolas Deportivas Municipais e adestramento do Ponte Ourense FSF

| Concello Castrelo de Miño — Thu, 03 May 2012 12:30:00 +0200

Onte a tarde na escola base recibimos a axuda dunha das xogadoras do equipo do Castrelo FSF, a...

Onte a tarde na escola base recibimos a axuda dunha das xogadoras do equipo do Castrelo FSF, a benxamina Alba, coa que desfrutaron os cativos do CEIP Castrelo de Miño practicando deportes e estando moi atentos as súas ensinanzas. Podedes ver as fotografías desta actividade no Facebook do Concello. E as 20 horas recibimos o primeiro e segundo equipo do Ponte Ourense de Fútbol Sala Feminino, para adestrar no noso campo. Varias das xogadoras do noso equipo baixaron a disfrutar vendo como se preparan equipos de esta categoría, e disfrutando da súa compaña. No Facebook do Concello podedes ver as fotografías do adestramento. Grazas o Ponte Ourense, por facernos disfrutar do voso adestramento e xa sabedes, cando queirades voltar, esperámosvos!

Fotografías da Feira de Castrelo do mes de abril

| Concello Castrelo de Miño — Tue, 01 May 2012 00:00:00 +0200

Promocionouse a I Andaina Solidaria de Castrelo de Miño, que terá lugar o vindeiro 20 de Maio.

O domingo celebrouse a tradicional Feira de Castrelo. A feira deste mes de abril foi unha feira solidaria. Nela houbo un stand de Unicef onde se promocionou entre outras cousas a campaña Gotas por Níxer e a I Andaina Solidaria de Castrelo de Miño, que terá lugar o vindeiro 20 de Maio.
Ademais os alumnos e alumnas do colexio de Castrelo de Miño expuxeron os seus traballos e manualidades que realizaron co gallo do día Mundial da Auga. Podedes ver as fotografías da Feira Solidaria no Facebook do Concello.

ANUNCIO 18/2012: Programa renove de rehabilitación de vivendas existentes. (VI422A-D).

| Concello Castrelo de Miño — Mon, 30 Apr 2012 15:00:00 +0200

O pasado 26 de abril de 2012 publicouse no Diario Oficial de Galicia nº 80, a orde do 12 de abril...

O pasado 26 de abril de 2012 publicouse no Diario Oficial de Galicia nº 80, a orde do 12 de abril de 2012 pola que se convoca para o ano 2012 a concesión de subvencións para actuacións de rehabilitación, para familias e comunidades de propietarios, ao abeiro do Programa Renove do Plan de Vivenda e Rehabilitación 2009-2012. Esta orde ten por obxecto aprobar a convocatoria para o procedemento de concesión de subvencións, en réxime de concorrencia non competitiva, destinadas aos promotores de actuacións de rehabilitación de edificios e vivendas existentes acollidos, mediante cualificación protexida, ao Plan de Vivenda e Rehabilitación 2009-2012. Beneficiarios: Persoas físicas e comunidades de propietarios que promovesen actuacións de rehabilitación e que estean en posesión da cualificación definitiva, e ademais cumpran as condicións e requisitos que prevén os artigos 8 e 62 do Decreto 402/2009, do 22 de outubro. Documentación

Solicitude normalizada segundo o Anexo, xunto coa seguinte documentación.
Autorización para consultar os datos de identidade e, de ser o caso, autorización para solicitar a acreditación de discapacidade, de non outorgala, fotocopia compulsada do DNI do solicitante e/ou da acreditación da discapacidade.
Declaración responsable sobre a veracidade do solicitante de ter aberta, ao seu nome, a conta en que desexe que se realice o pagamento.
Se é o caso, certificación da entidade de crédito conforme concedeu o préstamo convido ao abeiro do Plan de Vivenda e Rehabilitación 2009-2012.
Copias compulsadas das facturas e xustificantes de pagamento, de acordo co establecido no artigo 42 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, segundo a relación que figura como anexo IV á solicitude.
Declaración responsable da unidade familiar, segundo modelo anexo V, para os efectos da solicitude das axudas de vivenda e autorización para solicitar por vía telemática as acreditacións relativas a ingresos e débedas.
Documentación acreditativa do uso da vivenda, anexo.
Declaración de todas as solicitudes efectuadas ou concedidas para a mesma actuación nas distintas administracións públicas competentes.

O prazo de presentación de solicitudes será ata o 25 de maio de 2012 Neste ámbito, como axente de emprego e desenvolvemento local do concello estou á súa enteira disposición nas oficinas municipais para atender a calquera dúbida ou consulta que lle poida xurdir e proporcionarlle a colaboración necesaria na tramitación das solicitudes que poida presentar ó abeiro desta orde.

ANUNCIO 17/2012: Axudas para prevención e defensa contra os incendios forestais en montes veciñais en man común (MR651A-B).

| Concello Castrelo de Miño — Mon, 30 Apr 2012 14:46:00 +0200

O pasado 20 de abril de 2012 publicouse no Diario Oficial de Galicia nº 76, a orde do 11 de abril...

O pasado 20 de abril de 2012 publicouse no Diario Oficial de Galicia nº 76, a orde do 11 de abril de 2012 pola que se establecen as bases reguladoras para a concesión de subvencións para a prevención e defensa contra os incendios forestais en montes veciñais en man común, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013 e se convocan para o ano 2012. Esta orde ten por obxecto establecer as bases reguladoras da concesión de subvencións que os titulares de montes veciñais en man común e as súas agrupacións poderán percibir para a posta en marcha de actuacións preventivas establecidas na lexislación galega sobre incendios forestais e a súa convocatoria para o ano 2012 en réxime de concorrencia competitiva. Beneficiarios: Poderán ser beneficiarios das axudas expostas nesta orde, Os titulares de montes veciñais en man común así como as súas agrupacións e mancomunidades, sempre que non incorran en ningunha das circunstancias determinadas no artigo 10.2 da Lei 9/2007, de subvencións de Galicia. Requisitos: 1. A superficie forestal mínima por expediente será de duascentas cincuenta hectáreas (250 ha). Para acadar a superficie as comunidades de montes veciñais en man común (en diante CMVMC) poderán formar unha agrupación, as cales terán que ser estremeiras ou pertencer a un mesmo distrito forestal e sempre localizarse nunha mesma provincia. 2. Excepcionalmente, no caso de que a CMVMC, mancomunidade ou algunha das CMVMC que integren a agrupación estea localizada nalgún espazo declarado como zona de especial protección dos valores naturais, segundo o recollido no Decreto 72/2004, do 2 de abril, polo que se declaran determinados espazos como zonas de especial protección dos valores naturais (DOG n.º 69, do 12 de abril) a superficie mínima a que fai referencia o primeiro parágrafo sería de 100 ha. 3. As CMVMC deberán estar legalmente constituídas e regulamentariamente inscritas no rexistro provincial de montes veciñais en man común, de acordo co disposto no artigo 57 do Decreto 260/1992, do 4 de setembro, para poder acceder a estas subvencións. Liñas da subvención: Liña I. Subvencións para o control selectivo de combustible. Actividades subvencionables. a) Devasas: Consistirá na roza mecanizada do mato a feito. Non se inclúe nesta actuación as rozas en rexenerado de piñeiro nin en montes cunha fracción de cabida cuberta arborizada igual ou superior ao 20%. A altura do mato despois da roza non deberá superar, en xeral, os 10 cm. b) Faixas auxiliares de pista. Consistirá na eliminación nas marxes de vías e camiños forestais, do estrato arbustivo e subarbustivo, ata os catro metros desde a aresta exterior da vía ou camiño, sempre que sexa tecnicamente viable. Incluirase nesta actuación a roza de noiros e/ou da plataforma cando sexa necesario. O traballo realizarase con tractor de rodas de mais de 100 CV de potencia, dotado de brazo rozador ou rozadora de cadeas, segundo as necesidades. A altura do mato despois da roza non deberá superar, en xeral, os 10 cm. c) Roza mecanizada en rexenerado de piñeiro. Consistirá na roza mecanizada por faixas do mato con arboredo, co obxecto de defender a masa forestal, diminuír a densidade de pés e facela viable. A masa forestal procederá da rexeneración natural de antigos piñeiros afectados polo lume, e a altura máxima dos pés será de 1,80 metros. O traballo realizarase con tractor de rodas de máis de 100 CV de potencia, dotado de brazo rozador ou rozadora de cadeas, segundo as necesidades. A altura do mato despois da roza non deberá superar, en xeral, os 10 cm. A superficie mínima para solicitar para todas as devanditas actuacións será de 10 ha e a máxima de 20 ha, para expedientes con CMVMC, mancomunidades ou agrupacións de CMVMC de menos de 1.000 ha clasificadas como MVMC e de 40 ha como máximo, para expedientes en que a devandita superficie sexa maior o igual a 1.000 ha. Estes máximos poderán incrementarse ata 30 ha no primeiro caso, sempre que, polo menos, se soliciten 10 ha para roza mecanizada en rexenerado de piñeiro e ata 60 ha, para o segundo caso, sempre que polo menos se soliciten 20 ha para roza mecanizada en rexenerado de piñeiro. Liña II. Subvencións para a construción de puntos de auga. Actividades subvencionables. Os puntos de auga deberán cumprir, ao menos, coas seguintes premisas:

a) Permitirán a carga de vehículos motobomba do SPDCIF. b) Levarán peche perimetral de seguridade e protección. c) As dimensións do punto de auga serán as que figuran a seguir:

- Depósito de auga 5×4×2,5 m (volume útil 40 m3). - Depósito de auga 6×4×2,5 m (volume útil 50 m3). - Depósito de auga 7×4×2,5 m (volume útil 60 m3).

Subvencionarase un máximo dun punto de auga para expedientes con CMVMC, mancomunidades ou agrupacións de CMVMC de menos de 500 ha clasificadas e de dous puntos de auga para expedientes en que a devandita superficie sexa maior o igual a 500 ha. Ademais, o beneficiario deberá manter operativos para a prevención e defensa contra incendios forestais estas infraestruturas durante, ao menos 20 anos, polo que deberá garantir:

a) Un acceso axeitado a eles dos medios do SPDCIF. b) Un caudal continuo e suficiente. c) Un baleiramento do depósito axeitado. d) Manterán a zona perimetral libre de vexetación arbórea e arbustiva.

Documentación 1. Solicitude, total e correctamente completada, segundo o anexo I. O solicitante deberá ser a CMVMC, a través do seu representante legal (presidente da CMVMC). 2. Fotocopia do NIF da CMVMC (en caso de agrupación, de todas as comunidades que a integran) ou mancomunidade. 3. Certificado tomado en asemblea xeral, asinado polo secretario, conforme autorizan ao solicitante para pedir subvencións á Consellería do Medio Rural e do Mar, para a execución das accións obxecto da solicitude. 4. Datos dos montes obxecto da subvención, segundo o anexo III. 5. Para as agrupacións: acordo dos titulares dos terreos forestais para a designación dun solicitante-representante para efectos de tramitación da subvención, segundo o anexo IV. 6. Declaración das subvencións solicitadas, tanto das aprobadas como das pendentes de resolución, para esta mesma finalidade, das distintas administracións públicas competentes ou das entidades vinculadas ou dependentes delas, ou anexo V debidamente asinado. No caso de agrupacións, cada CMVMC integrante, deberá presentar unha declaración de subvencións. 7. Dous exemplares do documento descritivo das actuacións. Aquelas comunidades que solicitasen subvención no ano 2011 e non se lle concedese por falta de orzamento, poderán presentar simplemente o anexo da solicitude xunto cun escrito asinado polo representante legal en que expoña que solicita a subvención nas mesmas superficies de actuación que a convocatoria pasada, sempre e cando se manteñan os mesmos órganos legais (xunta reitora ...). O prazo de presentación de solicitudes será ata o 21 de maio de 2012 Neste ámbito, como axente de emprego e desenvolvemento local do concello estou á súa enteira disposición nas oficinas municipais para atender a calquera dúbida ou consulta que lle poida xurdir e proporcionarlle a colaboración necesaria na tramitación das solicitudes que poida presentar ó abeiro desta orde.

Lingua de namorar

| Concello Castrelo de Miño — Fri, 27 Apr 2012 22:07:00 +0200

Lingua de namorar é un concurso en liña de mensaxes de amor en lingua galega dirixido a todos os...

Lingua de namorar é un concurso en liña de mensaxes de amor en lingua galega dirixido a todos os mozos e mozas de 14 a 35 anos. O obxectivo principal de Lingua de namorar, organizado pola Secretaría Xeral de Política Lingüística e a Dirección Xeral de Xuventude con motivo do 17 de maio, Día das Letras Galegas e de Internet, é dinamizar o uso da lingua galega entre os mozos e mozas nas súas relacións persoais e nas novas tecnoloxías, nomeadamente en internet e na mensaxería instantánea. O concurso Lingua de namorar consiste en enviar unha mensaxe de amor, dun máximo de 350 caracteres, que poderá redactarse en prosa ou en verso. Cada participante poderá enviar un máximo de dúas mensaxes ao concurso. O prazo para enviar as mensaxes permanecerá aberto ata o 17 de maio. Para participar é preciso cubrir o formulario de inscrición que atoparás na páxina www.xunta.es/linguagalega/linguadenamorar. Do 18 ao 25 de maio abrirase un prazo para que os usuarios e usuarias voten polas súas mensaxes favoritas. Cada usuario/a poderá votar por un máximo de tres mensaxes en cada unha das categorías de idade. Establécense dúas categorías de idade:

Categoría A: de 14 a 19 anos
Categoría B: de 20 a 35 anos

As mensaxes gañadoras recibirán os seguintes premios: - Categoría A:

1º Un computador netbook
2º Unha consola Wii
3º Unha cámara de fotos dixital

- Categoría B:

1º Un iPad
2º Un libro electrónico cunha selección de títulos en galego
3º Unha cámara de fotos dixital

O xurado do concurso reunirase unha vez rematado o prazo de votación e elixirá as mensaxes gañadoras de entre as 100 declaracións máis votadas polos usuarios e usuarias en cada unha das categorías de idade. Os nomes das persoas gañadoras publicaranse o 30 de maio neste espazo web. No mes de xuño haberá unha entrega de premios que terá lugar en Santiago de Compostela.

Bando 8/2012: Aclaración do periodo de facturación do último recibo de auga de 2011

| Concello Castrelo de Miño — Fri, 27 Apr 2012 21:49:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que nos comprobantes bancarios do último recibo de auga expedido este mes, ainda que só figuran os meses de novembro e decembro de 2011, correspóndese co consumo de auga dos meses de xullo, agosto, setembro,outubro, novembro e decembro (6 meses), xa que o anterior recibo expedido anteriormente en 2011 correspondiase co consumo de auga dos meses de xaneiro, febreiro, marzo, abril, maio e xuño ( 6 meses). A partires de agora tras a aprobación da ordenanza de establecemento de taxas relacionadas coa xestion integral do ciclo da auga publicada o 27 de decembro do 2011 no Boletín Oficial de Ourense, os recibos de consumo de auga expediranse trimestralmente. En vindeiras datas todos os usuarios recibirán nota informativa no seu domicilio sobre a nova taxa de xestión integral de consumo de auga que entrou en vigor neste ano 2012. O que se fai público para xeral coñecemento. Castrelo de Miño, 27 de abril de 2012 O alcalde, Xurxo Rodríguez Méndez

Bando 7/2012: Programa de vacacións para persoas con discapacidade

| Concello Castrelo de Miño — Fri, 27 Apr 2012 21:40:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Consellería de Traballo e Benestar convocou o PROGRAMA DE VACACIÓNS PARA PERSOAS CON DISCAPACIDADE, ofertase Residencia de Colonias e Convivencias "Aixiña". Rúa Vigo, 5- 1º. Sanxenxo (Pontevedra).

1ª quenda: Do 2 ao 8 de setembro de 2012.

2ª quenda: Do 9 ao 15 de setembro de 2012.

Cada participante aboará 80 euros, que inclúe aloxamento e manutención.

Para ser beneficiario deste programa os requisitos serán os seguintes:

Ter unha idade comprendida entre os 25 e os 60 anos.

Ser galego/a ou residente en Galicia.

Posuir unha discapacidade acreditada.

O prazo de presentación de solicitudes estará aberto ata o 29 de xuño.

Para obter máis información ou cursar a solicitude os interesados poden dirixirse ó departamento de servizos sociais do concello, todolos días en horario de 9 a 14 ou chamando o 988493000.

O que se fai público para xeral coñecemento.

Castrelo de Miño, 24 de abril de 2012

O alcalde, Xurxo Rodríguez Méndez

Bando 6/2012: Programa Benestar en Balnearios

| Concello Castrelo de Miño — Fri, 27 Apr 2012 20:14:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Consellería de Traballo e Benestar convocou o PROGRAMA BENESTAR EN BALNEARIOS, ofertase a modalidade de Balnearios coa opción de “todo incluído”; sendo o desprazamento por conta das persoas beneficiarias. Para ser beneficiario deste programa os requisitos serán os seguintes:
- Ser maior de 65 anos, ou de 60 reunindo a condición de pensionista, na data en que remata o prazo de presentación de solicitudes. - Residir na Comunidade Autónoma de Galicia - Valerse por si mesmo para as actividades da vida diaria e atoparse en condicións de participar no Programa. - Non padecer enfermidade infecto-contaxiosa, en fase activa, nin trastornos mentais condutuais non compensados, que poidan alterar a normal convivencia durante o transcurso da quenda. - Precisar os tratamentos balneoterápicos solicitados e carecer de contraindicación médica para a recepción dos mesmos. - Ter uns ingresos persoais mensuais, procedentes de pensións ou de calquera outro concepto, inferiores a 763,61 €. - Efectuar a oportuna inscrición e pagamento do prezo estipulado, no prazo e termos que se establecen nos apartados que se indican na resolución. Asi mesmo, poderán ser beneficiarios das prazas os cónxuxes ou os que acrediten relación análoga a conxugal dos que cumpran os requisitos anteriores. O prazo de presentación de solicitudes estará aberto ata o 11 de maio. Para obter máis información ou cursar a solicitude os interesados poden dirixirse ó departamento de servizos sociais do concello, todolos días en horario de 9 a 14 ou no teléfono 988493000. O que se fai público para xeral coñecemento. Castrelo de Miño, 24 de abril de 2012 O alcalde, Xurxo Rodríguez Méndez

O domingo celebrase a Feira de Castrelo do mes de abril

| Concello Castrelo de Miño — Wed, 25 Apr 2012 17:16:00 +0200

A deste mes será unha feira solidaria cun stand de Unicef.

O derradeiro domingo de cada mes celébrase a tradicional Feira de Castrelo. A feira deste mes de abril será unha feira solidaria. Nela haberá un stand de Unicef onde se promocionará entre outras cousas a campaña Gotas por Níxer e a I Andaina Solidaria de Castrelo de Miño, que terá lugar o vindeiro 20 de Maio. Ademáis os alunos e alunas do colexio de Castrelo de Miño exporán os traballos e manualidades que realizaron co gallo do día Mundial da Auga. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

As alumnas e alumnos do CEIP Castrelo de Miño enfrontáronse hoxe cos do CEIP Quins no Programa Xogade

| Concello Castrelo de Miño — Tue, 24 Apr 2012 19:21:00 +0200

Como cada mes desprazámonos o pavillón municipal de Ribadavia, a competir no Programa Xogade, co...

Como cada mes desprazámonos o pavillón municipal de Ribadavia, a competir no Programa Xogade, co colexio de Quins. Saímos ás 10 da maña do colexio de Castrelo de Miño para comezar o torneo ás 11 horas. O torneo consiste nun repaso por distintos deportes: voleibol no que os nosos nenos melloraron espectacularmente, bádminton onde aínda non nos atopamos un rival que nos gañe, minibasket onde quedamos moi igualados, balonmán e fútbol sala, a nosa especialidade. Pasando unha maña moi divertida e despois dunha merecida ducha retornamos o noso colexio para xantar. Podedes ver as fotografías do evento no Facebook do Concello.

Actividades da aula de Novas Tecnoloxías no mes de maio

| Concello Castrelo de Miño — Tue, 24 Apr 2012 11:17:00 +0200

As actividades previstas para o mes de maio son as seguintes: Curso de iniciación a...

As actividades previstas para o mes de maio son as seguintes:

Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

Luns, mércores e venres, dende o luns 7 ata o venres 18 de maio en horario de 18:00 a 20:00 horas.

Curso de internet para persoas maiores (Identificar os servizos electrónicos que ofrece a Internet ,Localizar na Internet páxinas de interese sobre temáticas concretas empregando motores de busca, Empregar os recursos dispoñibles na Internet para comunicarse con outras persoas, Mercar en internet).

Luns, mércores e venres, dende o luns 21 ata o venres 25 de maio en horario de 18:00 a 20:00 horas.

Curso de organización de viaxes (preparación dunha viaxe, reserva de aloxamentos e compra de billetes).

Luns e mércores, dende o luns 28 ata o mércores 30 de maio en horario de 18:00 a 20:00 horas. Para novas inscripcións chamar o telefono da aula 988493225, pasar pola aula en horario de 17 a 21 horas ou enviar un correo electrónico a dirección dinamiza@castrelo.org.

Hoxe conmemorouse o Día do Libro no Colexio de Castrelo de Miño

| Concello Castrelo de Miño — Mon, 23 Apr 2012 23:13:00 +0200

Hoxe no CEIP Castrelo de Miño, celebrouse o Día do Libro recibindo o CRA Amencer (escolas unitarias...

Hoxe no CEIP Castrelo de Miño, celebrouse o Día do Libro recibindo o CRA Amencer (escolas unitarias rurais de San Cristovo, Sampaio e Francelos). Os nenos pasaron unha maña moi divertida, con talleres de teatro, pintura, manualidades, xogos..... Os nosos rapaces se encargaron de axudar e ensinar os mais cativos. Podedes ver as fotografías das actividades realizadas no Facebook do Concello.

O Castrelo FSF gañou os partidos que o enfrontaron ao Amoeiro FSF e ao Maceda FSF

| Concello Castrelo de Miño — Mon, 23 Apr 2012 18:23:00 +0200

O Castrelo FSF ocupa o terceiro posto da clasificación na Liga Provincial Feminina.

Este fin de semana o noso equipo desprazouse ata Maceda. O partido un pouco cedo contra o colista tiña boas expectativas. Comezou a primeira parte un pouco "caixón desastre" por parte das nosas rapazas, fallando en algunhas xogadas e fallando moitos tiros a porta. Rematou a primeira parte cun marcador igualado a 0-0. Voltamos do descanso e as rapazas do Castrelo despertaron, presionando o equipo de Maceda, e marcando un tras outro tanto ata o remate do partido cun resultado de 1 a 4. As fotos deste partido podedes velas no Facebook do Concello. O pasado fin de semana, xogamos un partido importante contra un bo rival, o Amoeiro FSF. Comezou a primeira parte bastante igualada, pero co control maioritariamente polo Castrelo FSF, nos fomos o descanso con 1-0. A volta do descanso, o Amoeiro comezou os primeiros minutos apertando as nosas rapazas, a partires do minuto 10 de xogo as nosas encomezaron a presionar conseguindo un disparo de fora da area de Rut dun saque de córner, pillando desprevida a porteira rival, e os poucos minutos outro tanto da mesma xogadora, tamén dende fora da area. O partido rematou cun 3-0. As fotos deste partido podedes velas no Facebook do Concello.

Xornada de portas abertas na ruta do viño do Ribeiro

| Concello Castrelo de Miño — Sat, 21 Apr 2012 00:46:00 +0200

Esta xornada celebrarase o vindeiro día 26 de maio, nas adegas adheridas á Ruta do Viño do Ribeiro.

O vindeiro día 26 de Maio celebrarase a "Xornada de Portas Abertas" que se levará a cabo nas diferentes rutas do viño de Galicia. Temos o enorme placer de poder formar parte desde o Concello de Castrelo de Miño da ruta do Ribeiro e entre os nosos veciños con algunhas das adegas participantes nesta actividade. As adegas do noso concello que participan nesta xornada son as seguintes:

Adega Eduardo Peña
Adega María do Pilar
Adega Pousadoiro

Esta actividade enmárcase na necesidade actual de valorar e promocionar os territorios como activos económicos rendibles, ademais de estimular a innovación comercial cara o turismo do viño. De tal xeito a oferta do viño comparte protagonismo con outro tipo de ofertas modernas coma o turismo rural e o termalismo.

O Concello de Castrelo quere potenciar a pesca de anguías no Miño

| Concello Castrelo de Miño — Wed, 11 Apr 2012 01:00:00 +0200

-O alcalde aproveita a obra de ampliación da central hidroeléctrica para solicitar unha escala. -...

As autoridades locais aproveitan a solicitude de Gas Natural-Unión Fenosa para instalar un novo grupo de xeración de enerxía con vistas a un mellor aproveitamento do caudal do Miño para pedir a Medio Ambiente que se contemple a construción dunha escala para que as anguías e as troitas poidan remontar a presa. O expediente está nestes momentos na fase de redacción do proxecto de impacto medioambiental. O alcalde de Castrelo de Miño, Xurxo Rodríguez Méndez, ten en conta que a central non dispón de ningún sistema para que os peixes ascendan polo río. O rexedor recorda que antes do funcionamento da central eléctrica (finais da década dos anos 60) existía unha importante poboación sobre todo de anguías, "que xeraban unha grande riqueza económica", puntualizou. Ao respecto, engadiu que "como se vai redactar o informe de impacto medioambiental aproveitamos para pedir que se contemple a escala". O Concello acondicionou cinco áreas destinadas á práctica da pesca, considerando que pode chegar a converterse nun "atractivo máis do municipio, xa que o río ten outras especies, pero coas anguías e as troitas atraería máis xente", matizou Méndez. Coa instalación dun novo grupo de xeración eléctrica, que irá enterrado na marxe dereita da presa, a empresa pretende utilizar os caudais evacuados pola central de Velle, cun rendemento alto, dando continuidade a súa vez ao fluxo de caudais a turbinar na central de caudal ecolóxico de Frieira. "Tamén permitirá aproveitar, o mesmo que na Frieira e Velle, parte dos vertidos que se producen nestes tres saltos, practicamente todos os anos en épocas de augas altas", segundo recolle a solicitude. Fonte: La Región

Bando 5/2012: Novo teléfono de avarías de abastecemento de auga potable e saneamento

| Concello Castrelo de Miño — Wed, 04 Apr 2012 19:32:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que no pleno ordinario de 30 de marzo do 2012 foi aprobada a proposta de Convenio de cooperación entre a Deputación Provincial de Ourense e o concello de Castrelo de Miño para a prestación de asistencia técnica, xurídica e financeira na xestión dos servizos municipais de abastecemento de auga potable, saneamento e depuración de augas residuais, delegando na Deputación Provincial de Ourense as competencias que o concello ten atribuídas en materia de xestión tributaria e recadación das taxas dos servizos de abastecemento e saneamento, así como o de reparación de avarías ou calquera outra incidencia. Para dar aviso de calquera avaría ou incidencia pode chamar aos seguintes números de teléfono:

DÍAS LABORAIS DE 9:00 A 13:00 HORAS: 988 259 696 DÍAS LABORAIS A PARTIR DAS 13 HORAS E DÍAS FESTIVOS 619 819 292

Desde o Concello de Castrelo de Miño planificamos adecuadamente, e realizamos todas as xestións necesarias estas últimas semanas, para que non se produzan incidencias neste cambio de xestión dos servizos. De se producir calquera incidencia pregamos a todos/os os/as veciños/as que no la comuniquen no teléfono 988 493 000 ou nas oficinas municipais, para darlle solución de inmediato. O que se fai público para xeral coñecemento. Castrelo de Miño, 04 de abril de 2012 O alcalde, Xurxo Rodríguez Méndez

X Festa da Rosquilla nas Bouzas

| Concello Castrelo de Miño — Wed, 04 Apr 2012 14:13:00 +0200

Os días 14 e 15 de Abril na honra a San Antón.

O sábado 14 e o domingo 15 de Abril celebran no pobo das Bouzas a 10ª edición da Festa da Rosquilla. Na cea que terá lugar o sábado 14, antes das afamadas rosquillas das Bouzas elaboradas artesanalmente polos veciños e veciñas das Bouzas, degustaranse fabas e lacón cocido. O programa das festas é o seguinte:

Día 14

Ás 11:00 horas Pasarrúas a cargo da Charanga Sorcha. Ás 12:30 horas Misa Solemne con procesión acompañada pola mesma charanga. Sesión vermú a cargo da Charanga Sorcha. Ás 21:00 horas cea popular: con fabas e lacón cocido, a continuación degustación de Rosquillas de As Bouzas. Festa e verbena amenizada pola genial Orquestra Jerusalen e a Charanga Sorcha (Lembranzas e Bailes).

Día 15

Ás 18:30 horas Procesión e Misa Solemne. Ás 14:00 horas sesión Vermú e VI Comida do Pobo acompañada por un dúo musical.

Bando 4/2012: Anuncio cobro do imposto de vehículos de tracción mecánica (IVTM)

| Concello Castrelo de Miño — Wed, 04 Apr 2012 13:38:00 +0200

XURXO RODRÍGUEZ MÉNDEZ, ALCALDE DO CONCELLO DE CASTRELO DE MIÑO (OURENSE).

FAGO SABER que unha vez aprobadas as listas cobratorias do Imposto de Vehículos de Tracción Mecánica do exercicio 2012, ponse en coñecemento dos contribuíntes e demais interesados do Concello de Castrelo de Miño que dende o 1 de abril de 2012 ata o 31 de maio de 2012 terá lugar o cobro en período voluntario. Forma de pago: Todos os recibos que non estean domiciliados en contas bancarias serán enviados por correo ós domicilios dos contribuíntes para que estes poidan facelos efectivos nas oficinas bancarias indicadas no mesmo. En caso de non recibilos nas datas sinaladas, deberán dirixirse ás oficinas de “Catoure S.L.”, sitas na Praza Maior nº 5 de Ribadavia. Medios de pago: En efectivo nos bancos indicados nos recibos ou mediante domiciliación bancaria. Advertencia: Transcorrido o período de pago voluntario, as débedas serán esixidas polo procedemento de constrinximento e aboarase o recargo correspondente, o interese de demora e no seu caso as costas que se produzan. A non recepción do documento de pago non exime da obriga do seu abono dentro do período fixado sendo obriga do contribuínte a solicitude do mesmo no caso de non recibilo. O que se fai público para xeral coñecemento. Castrelo de Miño, 1 de abril de 2012 O alcalde, Xurxo Rodríguez Méndez

Máis de 80 remeiros do club inglés Thames estarán concentrados en Castrelo de Miño durante Semana Santa

| Concello Castrelo de Miño — Mon, 02 Apr 2012 15:43:00 +0200

- A expedición chegou a Castrelo o sábado pola noite e xa iniciaron os seus adestramentos que se...

O prestixioso club de remo londinense do Thames elixiu por segundo ano consecutivo as instalacións de Castrelo de Miño para realizar a súa tradicional concentración de Semana Santa. Nesta ocasión a expedición é aínda máis numerosa que a do ano anterior alcanzando a cifra de 90 persoas entre deportistas, adestradores e directivos. Hai que destacar que máis da metade da expedición correspóndese ao equipo de mozas xa que se trata dun dos mellores clubs de remo feminino de Londres. As características do lugar son moi apreciadas polos membros do club inglés xa que poden gozar dun lugar tranquilo, lonxe das masificacións doutras pistas como a de Sevilla á que acudiran en anos anteriores, e cunhas condicións magnificas para o remo ao poder contar con pista olímpica de 2.000 m. ademais duns 10 km. de rio navegable para adestramentos de longa distancia o que resulta ideal para a súa preparación. Ademais o Club Náutico Castrelo de Miño facilitoulle a contratación de todos os servizos necesarios como o aloxamento, a manutención, os traslados, aluguer de lanchas... e acondicionou a pista de regatas e balizou o rio varios quilómetros para que poidan navegar por el sen perigo. A maioría da expedición atópase aloxada no albergue municipal situado no propio Parque Náutico de Castrelo e os demais repártense en varias casas rurais da comarca, pero o programa de adestramentos non lles deixa moito tempo libre para o turismo xa que a partir das 7 da mañá realizan o almorzo para realizar unha primeira sesión de adestramento matinal. Algúns días realizan unha segunda sesión entre as 11 e as 12 do mediodía e pola tarde outra máis. Dada a cantidade de deportistas e de sesións de adestramento o Concello de Castrelo de Miño puxo á súa disposición os vestiarios das piscinas municipais do mesmo xeito que se fai na competicións para que poidan dispor dun mellor servizo. O club londinense trouxo por estrada dous remolques cargados de embarcacións de adestramento e competición que xa ocupan parte do Parque Náutico, aínda que o Club Náutico de Castrelo dálle cabida no seu hangar aos mellores botes cos que se preparan para participar na Henley Royal Regatta, que é a regata de clubs máis prestixiosa do Reino Unido e que terá lugar no mes de Xullo. "Fonte da noticia: http://www.clubnauticocastrelo.es"

Bando 3/2012: Xestión dos servizos a partires do 1 de Abril de 2012

| Concello Castrelo de Miño — Fri, 30 Mar 2012 12:05:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que no pleno extraordinario celebrado o xoves 8 de marzo de 2012 foi aprobada a proposta de acordar a separación do Concello de Castrelo de Miño da Mancomunidade de Concellos do Ribeiro, recuperando así a titularidade de todas as competencias no seu día delegadas neste ente supramunicipal, con efectos do 31 de marzo de 2012. Polo tanto desde o 1 de Abril de 2012 o Concello de Castrelo de Miño xestionará do xeito que sigue as competencias recuperadas:

RECADACIÓN: Esta competencia xa fora recuperada en 2010 e desde entón xa está sendo xestionada polo Concello coa asistencia técnica de Catoure. Non haberá polo tanto ningún cambio. Teléfono de contacto: 988 470 516 ou 988 226 214.

PROTECCIÓN CIVIL: Este servizo prestarase en colaboración coa Agrupación de Voluntarios de Protección Civil de Castrelo de Miño e de Emerxencias Galicia. Teléfono de Emerxencias: 112.

SERVIZOS SOCIAIS: Serán xestionados polo propio Concello. Os dependentes e usuarios de axuda no fogar continuarán recibindo sen interrupción e polos/as mesmos/as traballadores/as a atención no seu domicilio desde o día 1 de abril. O/A traballador/a social atenderá ao público nas oficinas municipais desde a primeira semana de abril. Teléfono de contacto: 988 493 000.

RECOLLIDA DE LIXO: O Concello de Castrelo de Miño asinou un convenio de colaboración coa Deputación Provincial de Ourense e recollerase o lixo nas mesmas condicións que ata o de agora. Para solicitar a recollida de voluminosos e trastos, seguirase o mesmo procedemento habitual: a súa solicitude por escrito nas oficinas municipais. Teléfono de contacto: 988 493 000.

Fotografías e vídeo da Feira de Castrelo do mes de marzo

| Concello Castrelo de Miño — Mon, 26 Mar 2012 18:19:00 +0200

Xa podedes ver no Facebook do Concello as fotografías da Feira de Castrelo do mes de marzo adicada...

Xa podedes ver no Facebook do Concello as fotografías da Feira de Castrelo do mes de marzo adicada as motos de enduro.

O sábado celebrouse un curso práctico de protección civil

| Concello Castrelo de Miño — Mon, 26 Mar 2012 16:40:00 +0200

O sábado a maña os mais veteranos da agrupación de voluntarios de protección civil de Castrelo de...

O sábado a maña os mais veteranos da agrupación de voluntarios de protección civil de Castrelo de Miño, deron un pequeno curso de incendios os recen incorporados a agrupación, foi unha maña divertida, con algo de traballo, suor e calor, no que se puideron ver distintas situacións durante un lume forestal. A verdade cuns alumnos moi aplicados e atentos a todas as explicacións dadas por os seus compañeiros. Grazas por a vosa participación, os alumnos Hector, Vanesita, Camilo, Anxo e Hemerita; e os profesores Dany, Cesar, Laura e Maribel. Podedes ver as fotografías do curso no Facebook do Concello.

O Castrelo FSF venceu o Xunqueira FSF no partido deste domingo

| Concello Castrelo de Miño — Mon, 26 Mar 2012 16:30:00 +0200

O domingo 26 ás 11 horas disputouse o partido entre o Castrelo FSF e o Xunqueira FSF. Un partido no...

O domingo 26 ás 11 horas disputouse o partido entre o Castrelo FSF e o Xunqueira FSF. Un partido no que tivemos o rival acurralado no seu campo durante case todo o encontro, con moitos tiros a porta por parte das nosas rapazas e pouco traballo para a nosa porteira. O final o encontro decantouse para o Castrelo FSF por 5-1. Recibimos a visita dun gran amigo do equipo, Pepe Baliñas e a súa dona, en representación do club Ponte Ourense. Trouxo un agasallo para a adestradora Maribel Rodríguez polo seu cumpreanos, unha camiseta conmemorativa da aficion do Ponte. E o remate do encontro coma non podía ser menos as xogadoras sorprenderon a súa adestradora con distintos pratos e torta incluída para celebrar o seu cumpreanos. Grazas Castrelo FSF ¡¡¡Sodes grandes!!! Podedes ver as fotografías do partido no Facebook do Concello. Tamén houbo tempo para a diversión, o sábado pola tarde desprazámonos a Ourense o Pavillón dos Remedios, invitados polo club Ponte Ourense a ver un partido de liga nacional, fomos o encontro un grupo de xente dos equipos de fútbol sala e fútbol do concello.

A escola de Castrelo de Miño participou no Programa Xogade

| Concello Castrelo de Miño — Mon, 26 Mar 2012 12:02:00 +0200

Tiveron como rival ó Cortegada.

O mércores pasado, como todos os meses, os alumnos e alumnas do CEIP Castrelo de Miño desprazáronse a Ribadavia para participar no programa Xogade. Esta vez tocou como rival a escola de Cortegada. Os nosos pequenos participaron en xogos, como o voleibol, balonmán, bádminton, basket e fútbol sala, pasando unha maña entretida e divertida. Retornaron a escola de Castrelo de Miño ás 13:30 para xantar todos xuntos cos compañeiros que agardaban. Podedes ver as fotografías do evento no Facebook do Concello.

O alcalde de Castrelo de Miño e o presidente da Deputación de Ourense mantiveron unha xuntanza para avanzar na colaboración entre ambas institucións e mellorar a prestación de servizos municipais

| Concello Castrelo de Miño — Mon, 26 Mar 2012 05:36:00 +0200

Este pasado venres 23 de Marzo o alcalde de Castrelo de Miño Xurxo Rodríguez Méndez mantiña unha...

Este pasado venres 23 de Marzo o alcalde de Castrelo de Miño Xurxo Rodríguez Méndez mantiña unha xuntanza co Presidente da Deputación de Ourense D. Manuel Baltar na sede desta institución sita na rúa Progreso en Ourense. Tras a decisión tomada polo Concello de Castrelo de Miño de abandonar a Mancomunidade de Concellos do Ribeiro, o alcalde e o equipo de goberno están intensificando nestas ultimas datas as xuntanzas de coordinación para que a partires do 1 de Abril o Concello de Castrelo de Miño preste directamente todos os servizos aos seus veciños e veciñas. Neste xuntanza o alcalde manifestoulle a importancia da colaboración entre a Deputación e o Concello de Castrelo de Miño, e transmitiulle a necesidade de seguir colaborando entre ambas institucións. - De feito o Concello de Castrelo de Miño asinará un convenio coa Deputación Provincial, para que esta sexa a encargada do servizo de recollida de lixo en Castrelo de Miño a partires do 1 de Abril de 2012. - Ambas institucións asinarán tamén en breve un novidoso convenio para a xestión integral do ciclo da auga en Castrelo de Miño e que vai supor unha importante mellora no servizo prestado aos veciños e veciñas do noso concello. - Outro dos temas plantexados polo alcalde Xurxo Rodríguez Méndez foi a solicitude de mellora da estrada provincial OU304 (Astariz - A Armada), unha das principais vías de comunicación do concello e que usan diariamente unha terceira parte dos veciños de Castrelo de Miño, e que precisa unha mellora e ampliación urxente. Durante a xuntanza, alcalde e presidente intercambiaron distintas opcións sobre a posibilidade de financiación desta necesaria obra para todos os veciños de Castrelo e especialmente para os das parroquias de Macendo e Astariz. - Outra das solicitudes plantexadas polo alcalde de Castrelo de Miño ao Presidente da Deputación provincial foi a posibilidade de colaboración da institución provincial co servizo de protección civil municipal. - E finalmente tamén estudaron as vías de colaboración para continuar apostando pola mellora da Parque Náutico de Galicia de Castrelo de Miño. Tanto no eido deportivo, coa mellora da pista de remo e co vindeiro Campionato de España de Remo. Así mesmo tamén se estudaron novas posibilidades turísticas para completar ás xa existentes (piscina e catamarán turístico municipal) e avanzar cara un parque acuático que se converta nun referente turístico provincial e galego.

Concurso de marcapáxinas no CEIP Castrelo de Miño

| Concello Castrelo de Miño — Mon, 26 Mar 2012 05:30:00 +0200

O xoves coincidindo co día internacional da auga, tamén se entregaron os premios dun concurso de...

O xoves coincidindo co día internacional da auga, tamén se entregaron os premios dun concurso de marcapáxinas. Todos os deseños eran preciosos e cunha gran imaxinación dos nosos rapaces, o cal para o xurado foi unha decisión moi difícil a hora de dar os premios. O final foron para Rodrigo, Xoel, María e Martín. Parabéns a todos os nosos pequenos deseñadores. As fotografías da entrega de premios podedes velas no Facebook do Concello.

Os alunos e alunas do CEIP Castrelo de Miño celebran o Día Mundial da Auga

| Concello Castrelo de Miño — Mon, 26 Mar 2012 04:08:00 +0200

O xoves 22 de marzo celebrouse o Día Mundial da Auga, que ten como fin fomentar a...

O xoves 22 de marzo celebrouse o Día Mundial da Auga, que ten como fin fomentar a conservación e o desenvolvemento de todos os recursos relacionados coa auga. Os profesores e alunos do CEIP Castrelo de Miño realizaron numerosas actividades ao longo destas ultimas semanas que foron presentadas no festival que se realizou no colexio na tarde do xoves 22 de marzo. Podense ver as fotografías desta actividade no Facebook do Concello.

O alcalde de Castrelo de Miño foi recibido polo Subdelegado do Goberno en Ourense

| Concello Castrelo de Miño — Thu, 22 Mar 2012 20:55:00 +0100

O alcalde de Castrelo de Miño Xurxo Rodríguez Méndez mantiña este xoves 22 de marzo unha xuntanza...

O alcalde de Castrelo de Miño Xurxo Rodríguez Méndez mantiña este xoves 22 de marzo unha xuntanza co novo Subdelegado do Goberno de España en Ourense D. Roberto Castro Garcia na sede desta institución no Parque de San Lázaro en Ourense.Neste xuntanza o alcalde transmitiulle a importancia da colaboración que o Goberno até o de agora ven mantendo co Concello de Castrelo de Miño, e transmitiulle a necesidade de seguir colaborando entre ambas institucións. Un dos temas sobre os que intercambiaron información foi sobre o Padroado do Parque Náutico de Castrelo de Miño, onde a Subdelegación do Goberno en Ourense é unha das 11 institucións públicas que asistiron á súa constitución. Tamén coordinaron a colaboración que a Subdelegación de Goberno en Ourense vai prestar no vindeiro Campionato de Remo de España que se celebrará a mediados do mes de xuño en Castrelo e que desprazará ata o noso concello a máis de 1.000 deportistas e 2.000 visitantes de todo o Estado, e que polo tanto precisa da colaboración dos corpos e forzas de seguridade do Estado, tanto en labores acuáticas como en terra.

Xuntanza de coordinación con Protección Civil de Castrelo de Miño

| Concello Castrelo de Miño — Thu, 22 Mar 2012 19:03:00 +0100

Tras a decisión tomada polo Concello de Castrelo de Miño de abandonar a Mancomunidade de Concellos...

Tras a decisión tomada polo Concello de Castrelo de Miño de abandonar a Mancomunidade de Concellos do Ribeiro, o alcalde e o equipo de goberno están intensificando nestas ultimas datas as xuntanzas de coordinación para que a partires do 1 de Abril o Concello de Castrelo de Miño preste directamente todos os servizos aos seus veciños e veciñas.Por este motivo, o alcalde de Castrelo de Miño Xurxo Rodriguez Mendez, e a concelleira responsable da área de Protección Civil Maribel Rodriguez Perdiz, asistían este sabado 17 de marzo á asemblea da Asociación de Voluntarios de Protección Civil e mantiñan unha xuntanza cos seus membros para coordinar a prestación deste novo servizo que vai ser asumido polo Concello en colaboración coa AVPC de Castrelo de Miño. A asociación de voluntarios de Protección Civil hai catro anos que se creou en Castrelo de Miño, e convertiuse nunha das agrupacións máis numerosas de toda a comarca do Ribeiro. Desde os seus inicios fixo unha clara aposta pola formación e todos os seus membros realizaron numerosos cursos en todas as disciplinas. Destacan especialmente as labores realizadas no parque náutico de Castrelo nas múltiples competicións que se realizan ao longo de todo o ano, tanto nas intervencións acuáticas como na organización do tránsito na estrada, e a participación nos operativos de rescate no río Miño. Así mesmo hai que destacar as intervencións realizadas polo Grupo Local de Pronto Auxilio, tanto na extinción de incendios forestais, como na importantísima labor de vixiancia e prevención que realizan durante toda a época estival. Na mesma xuntanza o alcalde fixo entrega dos diplomas acreditativos dos cursos realizados polos seus integrantes, e comprometeu unha intensificación do apoio que ata o de agora ven prestando o Concello á AVPC, e que xa permitiu que neste tempo conte con sede propia, vehículos, pequena cisterna de intervención rápida, gran cisterna forestal, remolque de intervención rápida, zodiac e equipamento acuáutico, e todo o equipamento e vestiario necesario.

A Feira de Castrelo do mes de marzo estará adicada as motos de enduro

| Concello Castrelo de Miño — Wed, 21 Mar 2012 00:43:00 +0100

Celebrarase a II Xuntanza de Enduro de Castrelo de Miño.

O derradeiro domingo de cada mes celébrase a tradicional feira de Castrelo. A feira deste mes estará adicada á II Xuntanza de Enduro de Castrelo de Miño. Haberá unha exposición no campo da Feira e saída as 10:30 horas da mañá polas rutas forestais de Castrelo de Miño. A inscrición será o mesmo día a partires das 9:00 horas na cafetería do Parque Náutico (ATENCIÓN CAMBIO DE HORA: na noite do sábado o domingo adianta unha hora o reloxo). E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Actividades da aula dinamización no mes de abril

| Concello Castrelo de Miño — Tue, 20 Mar 2012 19:50:00 +0100

As actividades previstas para o mes de abril son as seguintes: Curso de iniciación a...

As actividades previstas para o mes de abril son as seguintes:

Curso de iniciación a informática (para persoas sen coñecementos previos) (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 2 ata o venres 13 de abril en horario de 18:00 a 20:00 horas.

Curso de busqueda de emprego a través de internet (creación de Curriculum e carta de presentación, utilización dos recursos de Internet para buscar emprego, insertar os curriculums en diferentes páxinas web de emprego).

De luns a mércores, dende o luns 16 ata o mércores 18 de abril en horario de 18:00 a 20:00 horas. Para novas inscricións e máis información: Complexo de Turismo Náutico, s/n. 1º Andar. Castrelo de Miño Telf: 988493225 dinamiza@castrelo.org A Aula de Castrelo de Miño conta co seguinte horario: de luns a venres, de 16:00 a 20:00 horas, sendo de 16:00 a 18:00 horario de aula aberta e adicando o horario de 18:00 a 20:00 a accións formativas.

Bando 2/2012: Programa galego de detección precoz do cancro de mama

| Concello Castrelo de Miño — Tue, 20 Mar 2012 16:07:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Consellería de Sanidade, a través do “PROGRAMA GALEGO DE DETECCIÓN PRECOZ DE CANCRO DE MAMA”, pon a disposición das señoras que serán citadas mediante carta persoaliza un medio de transporte gratuíto, para facilitarlle o acceso dende o municipio de Castrelo de Miño á Unidade de Exploración Mamográfica ubicada na Xefatura Territorial da Consellería de Sanidade sita na Avenida de Zamora, nº 13 en Ourense. O uso deste transporte non é obrigatorio, polo que dependendo da hora en que cada muller teña cita na Unidade de Exploración de Ourense, que se indicará na carta que lle mande a Consellería de Sanidade tamén poderá acudir polos seus propios medios. De facer uso do servizo de transporte gratuíto, os autobuses estacionarán os días que lle indiquen na carta ás horas e nas paradas seguintes: LUGAR HORARIO MACENDO ...........................................8,00...................10,00................12,00 (diante do consultorio médico) BARRAL .............................................. 8,20...................10,20................12,20 (diante do clube náutico) PRADO DE MIÑO................................. 8,25...................10,25................12,35 (na parada de autobús) ASTARIZ .............................................. 8,35 .................10,35.................12,35 (diante do grupo escolar) Para calquera dúbida ou cambio de cita poderán dirixirxe ao 981141414. Castrelo de Miño, 19 de marzo de 2012. O alcalde, Xurxo Rodríguez Méndez.

O Concello de Castrelo de Miño apoia a Declaración das MIL FESTAS MÁIS PARA A LINGUA GALEGA.

| Concello Castrelo de Miño — Mon, 19 Mar 2012 00:45:00 +0100

Presentarase en Compostela, na Cidade da Cultura, o día 22 ás 18:00 horas.

O Concello de Castrelo de Miño apoia a Declaración das MIL FESTAS MÁIS PARA A LINGUA GALEGA. Na seguinte ligazón podese leer o manifesto desta iniciativa.

O Castrelo FSF venceu este fin de semana ó Celanova

| Concello Castrelo de Miño — Mon, 19 Mar 2012 00:22:00 +0100

As rapazas do Castrelo venceron por 7 goles a 0.

Este fin de semana as rapazas do Castrelo FSF enfrontouse a un xove Celanova. Foi un partido tranquilo e divertido, con moitas oportunidades de gol das nosas mozas. Debutou a pequena do equipo María Merens Pérez, e como era de esperar con un gran partido pola súa parte, defendendo con moitas ganas e animándose nos ataques e tiros a porta. Cunha gran afluencia de publico, vitoreando un tras outro tódolos goles das nosas xogadoras. O final vitoria para o Castrelo FSF por 7-0. Despois do partido unha merecida merenda. Podedes ver as fotografías do partido no Facebook do Concello.

O Concello de Castrelo recupera o contorno da igrexa de Santo Estevo

| Concello Castrelo de Miño — Thu, 15 Mar 2012 21:18:00 +0100

O proxecto municipal inclúe a reforma da praza de Santo Estevo e a mellora da estrada.

O Concello de Castrelo de Miño iniciou as obras de acondicionamento do entorno do conxunto arquitectónico de Santo Estevo, que destaca pola súa igrexa barroca, a praza, un cruceiro, a casa reitoral e unha fonte pública. Tratase do quinto proxecto de similares características, despois das reformas realizadas en todo o pobo de Santa María, e nas prazas de Prado, Astariz e Macendo. Todas elas forman parte dun plan global que se puxo en marcha no ano 2008 de recuperación de entornos degradados, que trala realización das obras están motivando aos veciños a rehabilitar as súas propias vivendas en consonancia co espazo público reformado e seguindo as recomendacións da arquitecta municipal. Desta forma, segundo indicou o alcalde de Castrelo de Miño, Xurxo Rodríguez Méndez, xa se arranxaron máis de dez inmobles particulares e outros tantos están en marcha. O proxecto de Santo Estevo contempla o levantamento do asfalto nunha superficie de aproximadamente 500 metros cadrados para ser substituído por pedra, lastra e formigón cepillado. Ao mesmo tempo, está prevista a integración na mesma praza dun tramo da estrada, coa utilización dos mesmos materiais, sendo asfaltado o resto deste vial ata a parte alta do pobo. Aínda que a intervención en Santo Estevo estaba prevista para o ano 2011 iniciase agora porque foi necesario incorporar as recomendacións do servizo de Patrimonio a fin de executar o proxecto en consonancia co conxunto histórico. Nesta ocasión, o Concello incluíu as obras nos plans provinciais por un importe total de 42.000 euros. Podes seguir o estado das obras no Facebook do Concello, onde iremos actualizando as fotografías a medida que vaian transcorrendo as obras.

O Concello de Castrelo de Miño recupera e restaura o cruceiro de Vide

| Concello Castrelo de Miño — Wed, 14 Mar 2012 00:22:00 +0100

O Concello encargou a unha experta a súa restauración, seguindo as pautas indicadas por Patrimonio.

O cruceiro de finais do século XVIII ou principios do XIX foi esnaquizado por un camión durante o pasado mes de abril, mentres realizaba unhas obras en Vide. As autoridades municipais encargaron o traballo a unha restauradora especializada que reside en Castrelo de Miño e que foi encaixando as pezas rotas durante os dous últimos meses, ao mesmo tempo que incorporaba algunhas novas para substituír ás pulverizadas. Desta forma, os veciños de Vide recuperaron este elemento patrimonial que tamén serve de referencia na celebración das distintas procesións que se realizan ao longo do ano. Noemi Penela Garcia, é diplomada en Restauración e Conservación de Bens Culturais pola Universidade de Barcelona. Fai sete anos que exerce e, aínda que é natural da Coruña, fai catro que reside en Ourense e máis recentemente en Castrelo. Penela explicou que “tratase dun Ben de Patrimonio Histórico catalogado”, por ese motivo o seu traballo estivo supervisado en todo momento e debeu seguir as indicacións de Patrimonio. Segundo sinalou, o camión que realizaba unhas obras en Vide derrubou o cruceiro. Como resultado do accidente, o fuste partiuse en tres cachos e a cruz en cinco, ao mesmo tempo que se desintegraron algúns pedazos de granito, motivo polo cal foi necesario realizar inxeccións de pedra e resinas especiais, ao mesmo tempo que se reforzaron as xuntas con aceiro inoxidable. Finalmente, someteuse a unha limpeza e aplicóuselle un tratamento contra os liques. O cruceiro foi colocado no seu emprazamento orixinal e a súa recuperación non supuxo ningún custe ao Concello, xa que desde a entidade municipal se lle requeriu o pago a compañía aseguradora do camión. As fotografías do proceso de restauración do cruceiro podédelas atopar no Facebook do Concello.

Castrelo de Miño acorda en Pleno a súa separación da Mancomunidade do Ribeiro con efectos do 31 de marzo de 2012

| Concello Castrelo de Miño — Thu, 08 Mar 2012 16:26:00 +0100

No pleno extraordinario celebrado hoxe xoves 8 de marzo ás 12:00 horas, foi aprobada por maioría...

No pleno extraordinario celebrado hoxe xoves 8 de marzo ás 12:00 horas, foi aprobada por maioría absoluta a proposta da alcaldía de: - Acordar a separación do Concello de Castrelo de Miño da Mancomunidade de Concellos do Ribeiro, recuperando así a titularidade de todas as competencias no seu día delegadas neste ente supramunicipal, con efectos do 31 de marzo de 2012. Polo tanto desde o 1 de Abril de 2012 o concello de Castrelo de Miño xestionará do xeito que sigue as competencias recuperadas: - Recadación: (Competencia xa recuperada en 2010 e xestionada polo Concello desde entón). - Protección Civil: En colaboración coa agrupación de Voluntarios de Protección Civil de Castrelo de Miño. - Servizo Sociais: Xestionado polo propio Concello. - Recollida de Lixo: En colaboración coa Deputación Provincial de Ourense.

O XVIII Rally de Ourense de Clásicos Deportivos e o IX Rally de Ourense Antiguos percorrerán Castrelo

| Concello Castrelo de Miño — Thu, 01 Mar 2012 00:00:00 +0100

Celebraranse os días 9 e 10 de xuño.

X Concentración Internacional e Show Bike As Burgas

| Concello Castrelo de Miño — Thu, 01 Mar 2012 00:00:00 +0100

Percorrera Castrelo o sábado 26 de maio sobre ás 12:45 horas.

A Asociación Cultural Torques Ourense organiza a X Concentración Internacional e Show Bike As Burgas. O sábado día 26 de maio a ruta motociclista pasará polo concello de Castrelo de Miño. Pasarán pola estrada OU-402 en dirección a Ribadavia sobre ás 12:45 horas.

Adestramento do Castrelo FSF xunto coas rapazas do Ponte Ourense

| Concello Castrelo de Miño — Tue, 28 Feb 2012 14:21:00 +0100

Onte a tardiña as rapazas do Castrelo FSF tiveron un adestramento, no Pavillón dos Remedios de...

Onte a tardiña as rapazas do Castrelo FSF tiveron un adestramento, no Pavillón dos Remedios de Ourense coas rapazas do equipo do Ponte Ourense de primeira división. A nosa chegada o pavillón fomos recibidas pola directiva e adestradores do equipo pontino, e logo polas xogadoras. Logo de cambiarse pasaron a pista a quentar, entre risas e anécdotas, puxéronse a estirar, e se fixeron dous equipos para comezar a xogar un partidillo amistoso. Despois de un intenso adestramento de hora e media, e dunha merecida ducha despedímonos de todo o equipo. Dende aquí non temos mais que agradecemento polo aprendido, polas correccións das xogadoras as nosas rapazas e as súas ensinanzas no campo de xogo, o mesmo para Oscar o seu adestrador que en todo momento estivo pendente delas. E dende logo aceptamos a invitación a voltar. No Facebook do Concello podedes ver as fotografías e videos do adestramento.

Resultado do A.D. Castrelo de Miño

| Concello Castrelo de Miño — Mon, 27 Feb 2012 18:53:00 +0100

Onte as 16:00 horas os rapaces do A.D. Castrelo de Miño perderon por 2 a 0 nun campo de herba...

Onte as 16:00 horas os rapaces do A.D. Castrelo de Miño perderon por 2 a 0 nun campo de herba artificial e cun equipo díficil e duro coma é o S.D.C. Arrabaldo.

A Feira de Castrelo do mes de febreiro estará adicada aos alimentos labregos

| Concello Castrelo de Miño — Wed, 22 Feb 2012 11:05:00 +0100

O derradeiro domingo de cada mes celébrase a tradicional feira de Castrelo. A feira deste mes...

O derradeiro domingo de cada mes celébrase a tradicional feira de Castrelo. A feira deste mes estará adicada aos alimentos labregos. Labregos e labregas chegados de todo o País dannos a coñecer na Feira de Castrelo ás súas produccións. Alimentos frescos e transformados que proceden directamente das súas explotacións, e que ofrecen á cidadanía sen ningunha manipulación que non fose feita por eles, que son quen producen e quen transforman. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Provisión dunha praza de auxiliar administrativo-secretaría Xulgado de paz

| Concello Castrelo de Miño — Wed, 22 Feb 2012 11:00:00 +0100

1. Bases e convocatoria de concurso-oposición libre para a provisión en réxime de interinidade...

1. Bases e convocatoria de concurso-oposición libre para a provisión en réxime de interinidade dunha praza de auxiliar administrativo-secretaría xulgado de paz, escala administración xeral. Bases e convocatoria do concurso (25/05/2011) 2. Bando 18/2010: Convocatoria dunha praza de auxiliar administrativo. Apertura de prazo para a presentación de instancias no proceso de contratación dunha praza de Auxiliar Administrativo. O prazo de presentación de instancias rematará o vindeiro 10 de xuño de 2011. Bando 18/2011 (26/05/2011) 3. Listaxe provisional de admitidos e excluidos para a provisión en réxime de interinidade dunha praza de auxiliar administrativo-secretaría Xulgado de paz. Listaxe provisional admitidos auxiliar administrativo (22/06/2011) 4. Resolución do tribunal calificador dos méritos para a praza interina de Auxiliar Administrativo - Secretaría Xulgado de Paz no Concello de Castrelo de Miño.Data do primeiro exercicio da fase de oposición. Resultado da fase do concurso (27/10/2011) 5. Data do primeiro exercicio da fase de oposición: MÉRCORES 23 DE NOVEMBRO DE 2011, ÁS 11 DA MAÑA NO SALÓN DE PLENOS DAS INSTALACIÓNS DO CONCELLO, ACTUALMENTE NO ALBERGUE DO COMPLEXO TURÍSTICO NÁUTICO DE CASTRELO DE MIÑO (RÚA ALEJANDRO FERRER, S/N, CASTRELO DE MIÑO) 6. Resolución do Tribunal Calificador pola que se publican as cualificacións obtidas no primeiro exercicio da fase da oposición e que se fixa a data de celebración do segundo. Cualificacións primeiro exame (24/11/2011) 7. Data do segundo exercicio da fase de oposición: MARTES 10 DE XANEIRO DE 2012, ÁS 11:30 DA MAÑA NO SALÓN DE PLENOS DAS INSTALACIÓNS DO CONCELLO, ACTUALMENTE NO ALBERGUE DO COMPLEXO TURÍSTICO NÁUTICO DE CASTRELO DE MIÑO (RÚA ALEJANDRO FERRER, S/N, CASTRELO DE MIÑO) 8. Resolución do Tribunal Calificador pola que se publican as cualificacións obtidas no segundo exercicio da fase da oposición e as puntuacións totais no proceso selectivo. Cualificacións 2º exame e puntuacións totais no proceso selectivo (13/01/2012) 9. Resolución de Alcaldía pola que se resolve o concurso-oposición libre para a provisión en interinidade dunha praza de auxiliar administrativo-secretaria xulgado de paz. Resolución pola que se resolve o concurso-oposición libre (22/02/2012)

Resultados dos equipos de fútbol deste fin de semana

| Concello Castrelo de Miño — Wed, 22 Feb 2012 00:03:00 +0100

Ámbolos dous equipos remataron os seus partidos cun empate.

O sábado día 18 as rapazas xogaron na casa contra o Caldelao equipo que se encontra no segundo posto da liga, foi un partido moi disputado; comezou marcando o equipo rival os poucos minutos do comezo, pero enseguida as rapazas do Castrelo reaccionaron, loitando cada un dos balóns que collían, logrando así a pase de Laura marcar o primeiro tanto por Martina; os poucos minutos de este tanto veu xa o segundo marcado por Laura. O resto do partido foi moi intenso, con grandes xogadas, por parte dos dous equipos, e ante a insistencia do rival a falta de 50 segundos para o remate empataron o encontro, o Castrelo non se rendeu e aínda tivo tempo de dous tiros a porta contraria, pero a gran efectividade da porteira do Caldelao fixo imposible marcar. O encontro rematou co resultado de 2-2. Podedes ver as fotografías deste encontro no Facebook do Concello. Os rapaces xogaron na casa contra o C.F. Os Chaos, un partido intenso que rematou cun 1-1.

Actividade formativa da aula de dinamización para o mes de marzo

| Concello Castrelo de Miño — Tue, 21 Feb 2012 01:45:00 +0100

As actividades formativas pasan a ser os luns, mércores e venres.

As actividades previstas para o mes de marzo son as seguintes:

Grupo 1 : Curso de internet para persoas maiores (Identificar os servizos electrónicos que ofrece a Internet ,Localizar na Internet páxinas de interese sobre temáticas concretas empregando motores de busca, Empregar os recursos dispoñibles na Internet para comunicarse con outras persoas, Mercar en internet).

De luns, mércores e venres, dende o luns 5 ata o venres 9 de marzo en horario de 18:00 a 20:00 horas.

Curso de iniciación a informática (para persoas sen coñecementos previos)(iniciación a informática, correo electrónico, comunicación en tempo real a través de internet e outros recursos web).

Luns, mércores e venres, dende o luns 12 ata o venres 23 de marzo en horario de 18:00 a 20:00 horas.
Para novas inscripcións chamar o telefono da aula 988493225, pasar pola aula en horario de 16 a 20 horas ou enviar un correo electrónico a dirección dinamiza@castrelo.org.

Fotografías da Festa do Entroido

| Concello Castrelo de Miño — Mon, 20 Feb 2012 19:07:00 +0100

Xa podedes ver as fotografías da Festa do Entroido no Facebook do Concello.

O domingo 19 de Febreiro celebrouse a tradicional Festa do Entroido en Castrelo de Miño. Xa podedes ver as fotografías no Facebook do Concello.

Os rapaces do concello participaron novamente no Programa Xogade

| Concello Castrelo de Miño — Mon, 20 Feb 2012 18:34:00 +0100

Está destinado a fomentar e estender a practica da actividade físico deportiva.

O mércores pasado dentro do programa xogade os nenos do colexio de Astariz, volveron a Ribadavia, para ter un encontro coa escola da Arnoia. Os nenos pasaron unha maña divertida xogando o voleibol, balonmán, baloncesto, bádminton e como non fútbol sala. Tedes as fotografías no Facebook do Concello.

Bando 1/2012: Cursos de formación na Fundación Coren

| Concello Castrelo de Miño — Fri, 17 Feb 2012 00:00:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Fundación Coren informan dunha serie de cursos que van realizar proximamente nas aulas de formación da Fundación Coren (Razamonde-Cenlle) e que poderían ser de interese. Os cursos ofertados son os seguintes: 1. PRAGAS E ENFERMIDADES DE CULTIVOS AGRÍCOLAS E FROITEIRAS. MÉTODOS DE CONTROL. Nº horas: 20 Datas: 27.02.2012 – 02.03.2012 Prazo inscrición: ata 22.02.2012 Cota: 15 euros. 2. FABRICACIÓN DE COMPOST E TÉCNICAS ECOLÓXICAS EN AGRICULTURA. Nº horas: 20 Datas: 05.03.2012 – 09.03.2012 Prazo inscrición: ata 29.02.2012 Cota: 15 euros. 3. ESTUDO DO SOLO E TÉCNICAS DE ABONADO. Nº horas: 20 Datas: 12.03.2012 – 17.03.2012 Prazo inscrición: ata 08.03.2012 Cota: 15 euros. 4. NOCIÓNS BÁSICAS DE DESEÑO DE XARDÍNS Nº horas: 20 Datas: 19.03.2012 – 23.03.2012 Prazo inscrición: ata 15.03.2012 Cota: 15 euros. 5. EMERXENCIAS E PRIMEIROS AUXILIOS Nº horas: 20 Datas: 13.03.2012 22.03.2012 Prazo inscrición: ata 29.02.2012 GRATUITO Todos os interesados en participar deberán dirixirse á Fundación Coren, teléfono 98840480 con horario de inscricións de 7:00 a 15:00 horas. O que se fai público para xeral coñecemento. Castrelo de Miño, 16 de febreiro de2012 Xurxo Rodríguez Méndez

Curso de atención domiciliaria

| Concello Castrelo de Miño — Thu, 16 Feb 2012 14:08:00 +0100

Entregarase diploma acreditativo.

Celebrarase no Centro de Día de Vide do 24 de Febreiro o 9 de Marzo. Os horarios serán os seguintes:

Martes e mércores de 16:30 a 19:00 horas.
Venres de 15:30 a 18:00 horas.

É totalmente gratuíto e entregarase un diploma acreditativo. As inscricións realizaranse no Concello ou chamando o teléfono 988 477 230.

Participa no Domingo de Entroido

| Concello Castrelo de Miño — Tue, 07 Feb 2012 19:15:00 +0100

No pavillón municipal de Astariz o domingo 19 de Febreiro.

O domingo 19 de Febreiro celebrase a tradicional Festa do Entroido en Castrelo de Miño. Ás 14 horas haberá Xantar Popular con cocido, orellas e viño do Ribeiro. O prezo é de 12€ e podes mercar a vosa entrada antes do 15 de febreiro no Concello ou no Pavillón. Ás 17 horas haberá Concurso de disfraces cun agasallo para todos os asistentes disfrazados. Tamén haberá premios para os mellores disfraces e comparsas.

Fotografías do stand de Castrelo de Miño en “Xantar. Salón Galego de Gastronomía e Turismo”

| Concello Castrelo de Miño — Tue, 07 Feb 2012 15:52:00 +0100

O stand de Castrelo de Miño tivo unha gran afluencia de xente durante toda a Feira.

O Concello de Castrelo de Miño estivo presente cun stand promocional en “Xantar. Salón Galego de Gastronomía e Turismo” que se celebrou do 1 ó 5 de febreiro de 2012 en Expourense. Xa podedes ver as fotografías do stand que Castrelo de Miño instalou en Xantar no Facebook do Concello.

Festas en Prado de Miño

| Concello Castrelo de Miño — Thu, 02 Feb 2012 18:25:00 +0100

O día 4 de Febreiro na honra a San Blas.

Grandes Festas en Prado de Miño na honra a San Blas o sábado 4 de febreiro. Ás 12:30 horas misa solemne e procesión amenzada pola Charanga Castro Bello. A partir das 20 horas festa coa Orquestra Fin de Siglo. Ás 21 horas II Cea Gastronómica do San Blas (callos, chourizos, viño, licor café e chocolate). O remate da cea teremos verbena coa Orquetra ata altas horas da madrugada.

Actividade formativa da aula de dinamización no mes febreiro

| Concello Castrelo de Miño — Thu, 02 Feb 2012 00:50:00 +0100

As actividades previstas para o mes de febreiro son as seguintes: Curso de internet para...

As actividades previstas para o mes de febreiro son as seguintes:

Curso de internet para persoas maiores (Identificar os servizos electrónicos que ofrece a Internet ,Localizar na Internet páxinas de interese sobre temáticas concretas empregando motores de busca, Empregar os recursos dispoñibles na Internet para comunicarse con outras persoas, Mercar en internet).

De luns a xoves, dende o luns 6 ata o xoves 9 de febreiro en horario de 18:00 a 20:00 horas.

Curso de iniciación a informática (para persoas sen coñecementos previos)(iniciación a informática, correo electrónico, comunicación en tempo real a través de internet e outros recursos web).

Luns, mércores e venres, dende o luns 13 ata o xoves 23 de febreiro en horario de 18:00 a 20:00 horas.
Para novas inscripcións chamar o telefono da aula 988493225, pasar pola aula en horario de 16 a 20 horas ou enviar un correo electrónico a dirección dinamiza@castrelo.org.

O Concello de Castrelo de Miño estará presente en “Xantar. Salón Galego de Gastronomía e Turismo”

| Concello Castrelo de Miño — Wed, 01 Feb 2012 03:51:00 +0100

Se celebrará do 1 ó 5 de febreiro de 2012 en Expourense.

O Concello de Castrelo de Miño estará presente cun stand promocional en “Xantar. Salón Galego de Gastronomía e Turismo” que se celebrará do 1 ó 5 de febreiro de 2012 en Expourense. Xantar e unha das feiras estrela das que se celebran en Ourense e por ela pasan arredor de 20.000 visitantes, converténdoa nun lugar ideal para darnos a coñecer no mercado máis próximo, a cidade de Ourense. No stand de Castrelo haberá degustacións de balde ás 12 horas con viños do Ribeiro de Castrelo de Miño. Cada día adicarase a unha das festas do noso Concello:

Mércores 1: Adicado a Festa da Anguía que se celebra en Barral.
Venres 3: Adicado a Festa do Xarrete e Xarrote que se celebra en Macendo.
Sábado 4: Adicado a Festa do Paspallás á brasa que se celebra en Cortiñas.
Domingo 5: Adicado a Festa da Rosquilla que se celebra nas Bouzas.

O domingo 5 de febreiro será o día de Castrelo de Miño na Feira Xantar. A participación é moi importante así que animamos a tódolos veciños a visitar o stand de Castrelo en Xantar.

Fotografías da Feira de Castrelo do mes de xaneiro

| Concello Castrelo de Miño — Mon, 30 Jan 2012 16:25:00 +0100

Xa están a vosa a disposición as fotografías da Feira de Castrelo do mes de xaneiro.

O Concello de Castrelo de Miño organizou o 29 de xaneiro, a habitual Feira de Castrelo de Miño no entorno do Parque Náutico. Nesta ocasión a protagonista foi Internet. No Facebook do Concello podedes botarlle unha ollada as fotografías deste evento.

Resultados deste fin de semana dos equipos de fútbol

| Concello Castrelo de Miño — Mon, 30 Jan 2012 15:41:00 +0100

Este fin de semana o Castrelo xogou no Campo da Feira en Ourense contra o Santa Teresita. Nun bo...

Este fin de semana o Castrelo xogou no Campo da Feira en Ourense contra o Santa Teresita. Nun bo partido, cheo de moitas oportunidades o Castrelo FSF inaugurou o marcador no primeiro tempo con gol de Laura. Os poucos minutos a mesma Laura inaugurou o marcador contrario nun rexeite. Comezando a segunda parte as rapazas do Castrelo FSF saíron con ganas, rematando o partido con 2-3, con goles de Alba e Ana, sumando así outra victoria para o Castrelo FSF que vai escalando postos na clasificación. Podedes ver as fotos do encontro no Facebook do Concello. Os rapaces do Castrelo foron xogar a Carballeda de Avia, contra o Lodairo perdendo por 5-1.

A Feira de Castrelo: Castrelo Internet

| Concello Castrelo de Miño — Tue, 24 Jan 2012 16:04:00 +0100

O derradeiro domingo de cada mes celébrase a tradicional feira de Castrelo. A feira deste mes...

O derradeiro domingo de cada mes celébrase a tradicional feira de Castrelo. A feira deste mes estará adicada a Internet. Haberá demostracións de acceso a Internet de internetrural.eu, probas e navegación e explicación de distintos productos. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Resultados dos partidos deste fin de semana

| Concello Castrelo de Miño — Mon, 23 Jan 2012 18:31:00 +0100

O equipo feminino de fútbol sala xogou na casa contra o Maceda FSF impoñéndose por 2-0. O primeiro...

O equipo feminino de fútbol sala xogou na casa contra o Maceda FSF impoñéndose por 2-0. O primeiro gol foi un remate de Martina finalizando unha xogada de pases de todo o equipo, e o segundo de Laura utilizando a picardía nun saque de banda. O equipo dos rapaces xogaron en Vilariño de Conso contra o Vilariño B e perderon por 1-0.

Festas en Astariz

| Concello Castrelo de Miño — Fri, 20 Jan 2012 18:08:00 +0100

Os días 21 e 22 de xaneiro.

Grandes festas en Astariz na honra a San Sebastián.

Día 21.

Ás 13 horas anuncio das festas con gran tirada de foguetes. A partir das 20 horas festa a rachar coa Orquestra Alianza. De seguido haberá cea con empanada e churrasco regado con viño do Ribeiro,para todos os asistentes.

Día 22.

Ás 10 horas pasarrúas a cargo da Banda de Música de Ramirás . Ás 12 horas Misa solemne e Procesión. A saída ofrecerase un viño do Ribeiro para todos.

Resultados dos equipos de fútbol deste fin de semana

| Concello Castrelo de Miño — Tue, 17 Jan 2012 03:03:00 +0100

Este sábado as rapazas do Castrelo FSF xogaron contra o Amoeiro FSF a domicilio e gañaron 0 a 2....

Este sábado as rapazas do Castrelo FSF xogaron contra o Amoeiro FSF a domicilio e gañaron 0 a 2. Podedes ver as fotos do evento no Facebook do Concello. E os rapaces do Castrelo de Miño C.F.xogaron o domingo no campo de Castrelo contra o Salamonde F.C. perdendo por 2 a 5. Podedes ver as fotos do evento no Facebook do Concello.

Festas en Macendo

| Concello Castrelo de Miño — Mon, 09 Jan 2012 17:00:00 +0100

Os días 13, 14, 16 e 17 de xaneiro.

Festas en Macendo na honra do San Antón os días 13, 14, 16 e 17. O programa das festas é o seguinte:

Día 13.

Festa a cargo de Azalea.

Día 14.

Misa solemne ás 12 horas amenizada pola Charanga Monterrei. Ás 13:30 horas sesión vermouth a cargo da Orquestra Marimba. Festa pola noite amenizada pola Orquestra Marimba.

Día 16.

Procesión ás 16 horas na honra de San Antón a cargo da Charanga Viña Reboreda.

Día 17.

Misa solemne ás 12 horas amenizada pola Charanga Viña Reboreda. O campo estará cuberto cunha carpa e haberá calefacción. Haberá lacón e orella a fartar para tódolos asistentes.

Videos e novas fotografías da XIII San Silvestre de Castrelo de Miño

| Concello Castrelo de Miño — Fri, 06 Jan 2012 00:00:00 +0100

Xa podedes ver tamén os resultados definitivos da proba.

Parabéns a tódolos participantes na San Silvestre de Castrelo de Miño e a todos os que a fixestes posible. Accede as clasificacións da proba pinchando no seguinte enlace. Xa tedes a vosa disposición as fotografías do evento no Facebook do Concello.

Festa de Reis

| Concello Castrelo de Miño — Tue, 03 Jan 2012 13:00:00 +0100

O Obradoiro de Teatro Municipal de Castrelo de Miño representará a primeira obra de teatro da...

O venres 6 de xaneiro ás 5 da tarde os Reis Magos visitarán Castrelo de Miño nas súas tres maxestuosas carrozas. Entrarán en Castrelo de Miño por Santa María, mentres os paxes van ata Macendo, e desfilarán hasta o pavillón municipal do Colexio, en Astariz, onde recibirán a todos os nenos de Castrelo de Miño e lle entregarán agasallos a cada un deles. O Obradoiro de Teatro Municipal de Castrelo de Miño, formado por veciñose veciñas de Castrelo, representará a primeira obra de teatro da temporada 2012. Ao remate haberá música, festa, roscón de reis, cava, chocolate…

Fotografías da Festa de Fin de ano

| Concello Castrelo de Miño — Tue, 03 Jan 2012 12:52:00 +0100

Celebrouse no Centro de Día de Vide

Xa podedes ver as fotografías da Festa de Fin de ano que se celebrou no Centro de Día de Vide, están todas no Facebook do Concello.

Actividades da aula de dinamización no mes de xaneiro

| Concello Castrelo de Miño — Mon, 02 Jan 2012 16:21:00 +0100

Este mes de xaneiro cursos de iniciación a informática e de redes sociais.

As actividades previstas para o mes de xaneiro son as seguintes:

Grupo 1 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 9 ata o xoves 12 de xaneiro en horario de 18:00 a 20:00 horas.

Grupo 2 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 16 ata o xoves 19 de xaneiro en horario de 18:00 a 20:00 horas.

Curso de uso de redes sociais (entender que son as redes sociais e como inflúen nas relacións persoais, coñecer os distintos tipos de redes sociais, seleccionar a rede social máis acorde cos seus intereses, participar nunha rede social de maneira activa e segura).

De luns a xoves, dende o luns 23 ata o xoves 26 de xaneiro en horario de 18:00 a 20:00 horas.
Para novas inscripcións chamar o telefono da aula 988493225, pasar pola aula en horario de 16 a 20 horas ou enviar un correo electrónico a dirección dinamiza@castrelo.org.

Festa fin de ano

| Concello Castrelo de Miño — Fri, 30 Dec 2011 00:02:00 +0100

A partir das 00: 30 horas no Centro de día de Vide.

A partir das 00: 30 horas no Centro de día de Vide: Música, baile, cotillón,cava, chocolate con churros e moita festa!!

Fotografías da visita dos rapaces de Castrelo de Miño a Pazolandia

| Concello Castrelo de Miño — Fri, 30 Dec 2011 00:00:00 +0100

O xoves 29 de decembro os cativos de Castrelo fixeron unha visita a Pazolandia.

Como todos os anos, o Concello de Castrelo de Miño realizou unha visita organizada ao parque de atraccións de Pazolandia, sito no pazo dos deportes Paco Paz. Xa podedes ver as fotografías desta visita no Facebook do Concello.

Bando 34/2011: Subvencións a proxectos de enerxías renovables

| Concello Castrelo de Miño — Tue, 27 Dec 2011 16:53:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a pasado 13 de decembro de 2011 publicouse no Diario Oficial de Galicia nº 236, RESOLUCIÓN do 1 de decembro de 2011 pola que se establecen as bases reguladoras e se anuncia a convocatoria anticipada de subvencións a proxectos de enerxías renovables con financiamento procedente de fondos comunitarios derivados do Programa operativo Feder-Galicia 2007-2013. OBXECTIVO Regular a concesión de subvencións ás actuación e proxectos de enerxias renovables referentes a

421A - Enerxía solar térmica (ST)
421B - Enerxía solar fotovoltaica illada (FI)
421C - Enerxía solar fotovoltaica conectada á rede (FR)
421D - Caldeiras de biomasa (CB)
421E - Biogás/Gasificación (BG)
421F - Outras (OT) - Instalacións mixtas: solar fotovoltaica e enerxía eólica e/ou enerxía minihidráulica

A contía máxima da subvención será o 35% do investimento subvencionable, agás para instalacións municipais, nas cales esta porcentaxe poderá incrementarse ata o 45%. Establécese a axuda máxima por proxecto en 60.000 euros PRAZO PARA FACER A SOLICITUDE Desde o 14 de decembro de 2011 ata o 4 de febreiro de 2012. O que se fai público para xeral coñecemento. Castrelo de Miño, 26 de decembro de 2011 Xurxo Rodríguez Méndez

Bando 33/2011: Plan Renove de Fiestras 2011

| Concello Castrelo de Miño — Tue, 27 Dec 2011 16:45:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a o pasado 12 de decembro de 2011 publicouse no Diario Oficial de Galicia nº 235, RESOLUCIÓN do 1 de decembro de 2011 pola que se establecen as bases reguladoras para a concesión de subvencións en réxime de concorrencia non competitiva relativa ao Plan Renove de Fiestras. OBXECTIVO A rehabilitación dos ocos acristalados da fachada, tanto no referente ao acristalamento como aos marcos ou perfís, co fin de acadar melloras significativas na demanda enerxética do edificio. A contía da axuda ascenderá a un máximo de 100€/m² de oco, cuns límites de :

- 3.000€ por vivenda unifamiliar/piso

- 50.000€ en edificios.

En calquera caso, a cantidade da subvención non poderá ser superior ao 25% do custo total da obra. PROCEDEMENTO PARA ACCEDER ÁS AXUDAS O comprador diríxese a unha entidade adherida ao Plan Renove de Fiestras 2011 e merca as fiestras que cumpran os requisitos. PRAZO PARA FACER A RESERVA DE FONDOS. Desde o 11 de xaneiro ata o 29 de marzo de 2012 ou ata que se esgote o crédito. O que se fai público para xeral coñecemento. Castrelo de Miño, 26 de decembro de 2011 Xurxo Rodríguez Méndez

Bon Nadal para todos os veciños e veciñas de Castrelo de Miño

| Concello Castrelo de Miño — Tue, 27 Dec 2011 15:50:00 +0100

O Concello de Castrelo de Miño deséxalles unhas moi Felices Festas e un Próspero Aninovo...

O Concello de Castrelo de Miño deséxalles unhas moi Felices Festas e un Próspero Aninovo 2012.

Feliz Novidade a tod@s

Inscricións na XIII San Silvestre de Castrelo de Miño

| Concello Castrelo de Miño — Tue, 27 Dec 2011 15:49:00 +0100

O sábado 31 de Decembro ás 16:30 no Parque Náutico.

A tradicional carreira de fin de ano terá a saída no Parque Náutico de Galicia ás 16: 30 horas. Aqui podedes ollar o Regulamento, así como os percorridos da categoría absoluta e cadete. Para inscrición pincha no seguinte enlace.

Bando 32/2011: Alteracións na estrada OU-402 pola celebración da XIII carreira pedestre de San Silvestre

| Concello Castrelo de Miño — Tue, 27 Dec 2011 00:47:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que con motivo da celebración da
XIII Carreira Pedestre de San Silvestre do Concello de Castrelo de Miño o sábado 31 de decembro, produciranse alteracións na circulación da estrada
Ou-402 (Ourense – Cortegada) dende as 16:00 horas ata as 18:30 horas no tramo entre Santo Estevo e A Ponte. O que se fai público para xeral coñecemento. Castrelo de Miño, 21 de decembro de 2011 Xurxo Rodríguez Méndez

Fotografías da Feira de Castrelo adicada O Apalpador

| Concello Castrelo de Miño — Tue, 27 Dec 2011 00:07:00 +0100

Xa tedes no Facebook do Concello as fotos da Feira do mes de decembro.

O Concello de Castrelo de Miño organizou o 25 de decembro, a habitual Feira de Castrelo de Miño no entorno do Parque Náutico. Nesta ocasión a protagonista foi O Apalpador. No Facebook do Concello podedes botarlle unha ollada as fotografías deste evento.

Bando 31/2011: Apertura plazo para a solicitude de recoñecemento da experiencia laboral

| Concello Castrelo de Miño — Tue, 20 Dec 2011 15:59:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a Consellería de Traballo e Benestar mediante resolución do 23 de novembro de 2011, publicada no DOG Núm. 229 de 30 de novembro de 2011 abriu o prazo polo que se realiza a convocatoria pública do recoñecemento das competencias profesionais adquiridas a través da experiencia laboral en determinadas unidades de competencia do Catálogo nacional de cualificacións profesionais, para as seguintes categorías:

Atención sociosanitaria a persoas no domicilio: Fin prazo de solicitude: 31 de decembro de 2011
Atención sociosanitaria a persoas dependentes en institucións sociais. Fin prazo de solicitude: 31 de decembro de 2011.
Confección e mantemento de artes e aparellos. Fin prazo de solicitude: 31 de decembro de 2011.
Fabricación e montaxe de instalacións de tubaxe industrial: Prazo de solicitude dende o 1 de marzo de 2012 ata o 31 de marzo de 2012.
Operacións básicas de restaurante bar: Prazo de solicitude dende o 1 de marzo de 2012 ata o 31 de marzo de 2012.

Para obter máis información ou cursar a solicitude os interesados poden dirixirse as oficinas municipais en horario de 9:00 a 14:00. O que se fai público para xeral coñecemento. Castrelo de Miño, 20 de decembro de 2011 Xurxo Rodríguez Méndez

Bando 30/2011: Visita a Pazolandia

| Concello Castrelo de Miño — Tue, 20 Dec 2011 13:29:00 +0100

XURXO RODRÍGUEZ MÉNDEZ ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que este concello organiza, o día 29 de decembro de 2011, unha visita para os nenos e nenas do concello ó parque de atraccións PAZOLANDIA, sito no pazo dos deportes Paco Paz de Ourense. O concello correrá cos gastos de desprazamento e da entrada. Para apuntarse deben chamar ó concello (teléfono: 988-49-30-00) ata o día 27 de decembro, en horario de oficina de 9 a 14 horas. O que se fai público para xeral coñecemento. Castrelo de Miño, 19 de decembro de 2011 Xurxo Rodríguez Méndez

Festas en Santo Estevo

| Concello Castrelo de Miño — Tue, 20 Dec 2011 01:40:00 +0100

O día 26 de decembro.

O día 26 de decembro festas na honra o Santo Estevo. Pola mañá Pasarrúas a cargo da Banda de Música " A Lira" de Ribadavia. Ás 12:00 Misa solemne con Procesión. A partir das 18:00 horas Festa amenizada pola Orquestra Marimba. Haberá orella para tódolos asistentes. O campo estará cuberto.

Feira de Castrelo: O Apalpador

| Concello Castrelo de Miño — Tue, 20 Dec 2011 01:36:00 +0100

O derradeiro domingo de cada mes celébrase a tradicional feira de Castrelo. Aproveitando a...

O derradeiro domingo de cada mes celébrase a tradicional feira de Castrelo. Aproveitando a coincidencia do día de Nadal, a feira deste mes estará adicada ao Nadal. Os cativos e cativas expoñerán os traballos que realizaron no taller de manualidades e recibirán a visita do Apalpador, o tradicional personaxe galego do Nadal. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Concerto da Coral Polifónica do Avia

| Concello Castrelo de Miño — Mon, 19 Dec 2011 18:26:00 +0100

O domingo 19 tivo lugar na igrexa de Prado de Miño.

O domingo 19 tivo lugar na igrexa de Prado de Miño, a actuación da Coral Val do Avia de Leiro. Foi un repertorio de panxoliñas populares de distintos países traducidas o galego. No Facebook do Concello poden verse as fotografías do evento.

Vídeo e galería fotográfica do evento "En galego agora e sempre"

| Concello Castrelo de Miño — Sun, 18 Dec 2011 00:15:00 +0100

O evento celebrouse en Macendo o día 27 de novembro.

A igrexa da parroquia de Santa Maria de Macendo foi o escenario elixido pola Asociación de Funcionarios para a Normalización Lingüística para poñer fin ás actividades, que durante todo o mes de santos, se viñeron desenvolvendo en moitos concellos de Galicia para fomentar o uso da lingua galega na liturxia, nas necróloxicas e mesmamente nas lápidas funerarias. Xa están a vosa disposición o vídeo e maila galería fotográfica deste evento celebrado en Macendo.

O Concello de Castrelo de Miño organiza un extenso programa de actividades culturais, deportivas, musicais, educativas e festivas para rematar o ano 2011 e comezar o vindeiro 2012 en Castrelo de Miño

| Concello Castrelo de Miño — Thu, 15 Dec 2011 15:48:00 +0100

Programa de actividades culturais, deportivas, musicais, educativas e festivas para rematar o ano...

Programa de Actividades culturais, deportivas, educativas, musicais e festivas.

OBRADOIRO DE TEATRO

Data: Todos os sábados de novembro e decembro. Hora: De 19:00 a 21:00 horas Lugar: Centro de Dia de Castrelo de Miño – Vide. Veciñas e veciños de Castrelo de Miño ensaian a obra de teatro que estrearán na Festa de Reis o 6 de Xaneiro de 2012.

OBRADOIRO DE MANUALIDADES PARA OS ALUMNOS DO CEIP CASTRELO DE MIÑO

Data: Sábado 17 de Decembro Hora: De 17:00 a 20:00 horas Lugar: Centro de Dia de Castrelo de Miño – Vide. Os traballos realizados serán expostos na próxima Feira de Nadal que se celebrará o vindeiro 25 de decembro.

FÚTBOL SALA FEMININO – DERBI: Castrelo – Cartelle

Data: Sábado 17 de Decembro Hora: 19:00 horas Lugar: Pavillón Municipal de Castrelo de Miño - Astariz O sábado 17, ás 19: 00 horas no pavillón municipal de Astariz, disputarase o encontro da liga provincial de fútbol sala feminino que enfronta ao equipo de Castrelo de Miño coas veciñas do municipio colindante de Cartelle.

CONCERTOS DE NADAL: CORAL POLIFÓNICA VAL DO AVIA

Data: Domingo 18 de Decembro Hora: 17:00 horas Lugar: Igrexa de Prado de Miño Continuando cos concertos que o Concello de Castrelo de Miño realizará nas igrexas de todas as parroquias, e que comezou con éxito o pasado domingo 27 de novembro coa actuación da Banda A Lira na igrexa de Macendo, este vindeiro domingo 18 de decembro ás 17: 00 horas, a Coral Polifónica Val do Avia dará un concerto na igrexa de Prado de Miño.

TALLER DE ESTIMULACIÓN DA MEMORIA

Data de Inicio: Luns 19 de Decembro Hora: De 16:30 a 19:00 horas (luns, mércores e xoves) Lugar: Centro de Dia de Castrelo de Miño – Vide. Curso gratuito que se impartirá no Centro de día de Vide os luns, mércores e xoves a partir do próximo luns 19 de decembro, en horario de 16:30 a 19:00; cunha duración total de 30 horas. Está destinado a todos os públicos, pero principalmente a mulleres maiores de 55 anos.

EDUCAMOBIL

Data: Luns 19 de Decembro Hora: A partires das 16:30 horas. Lugar: CEIP Castrelo de Miño - Astariz O luns 19 de decembro, a partir das 16: 30 horas, estará no patio do CEIP de Castrelo de Miño o “Espacio Móbil de atención á infancia”, proxecto levado acabo pola Deputación Provincial de Ourense dirixido ás familias con nenos/as de entre 4 e 11 anos.

FEIRA DE CASTRELO – FEIRA DE NADAL

Data: Domingo 25 de Decembro Hora: Pola mañá Lugar: Campo da Feira no Parque Náutico en Cortiñas. O derradeiro domingo de cada mes celébrase a tradicional feira de Castrelo. Aproveitando a coincidencia do día de Nadal, a feira deste mes estará adicada ao Nadal. Os cativos e cativas expoñerán os traballos que realizaron no taller de manualidades e recibirán a visita do Apalpador, o tradicional personaxe galego do Nadal.

VISITA A PAZOLANDIA

Data: Xoves 29 de decembro Hora: De 17:00 a 20:00 horas Lugar: Centro de Dia de Castrelo de Miño – Vide. Como todos os anos, o concello de Castrelo de Miño realiza unha visita organizada ao parque de atraccións de Pazolandia, sito no pazo dos deportes Paco Paz. O Concello recollerá nun autobús a todos os rapaces interesados en asistir. Será preciso anotarse nas oficinas municipais.

XIII SAN SILVESTRE DE CASTRELO DE MIÑO

Data: Sábado 31 de Decembro Hora: 16:30 horas. Lugar: Parque Náutico de Castrelo de Miño A tradicional carreira de fin de ano terá a saída no Parque Náutico de Galicia ás 16: 30 horas.

FESTA DE FIN DE ANO

Data: Sábado 31 de Decembro Hora: A partires das 00:30 horas Lugar: Centro de Dia de Castrelo de Miño – Vide. A partir das 00: 30 horas no Centro de día de Vide: Música, baile, cotillón,cava, chocolate con churros e moita festa!!

FESTA DE REIS

Data: Venres 6 de Xaneiro de 2012 Hora: Á tardiña Lugar: Pavillón Municipal de Deportes de Castrelo de Miño – Astariz. Os reis magos visitarán Castrelo de Miño en catro maxestuosas carrozas. Entrarán en Castrelo de Miño por Santa María, e desfilarán hasta o pavillón municipal do Colexio, en Astariz, onde recibirán a todos os nenos de Castrelo de Miño e lle entregarán agasallos a cada un deles. O Obradoiro de Teatro Municipal de Castrelo de Miño, formado por veciños e veciñas de Castrelo, representará a primeira obra de teatro da temporada 2012. Ao remate haberá música, festa, roscón de reis, cava, chocolate…

Visita a Pazolandia

| Concello Castrelo de Miño — Thu, 15 Dec 2011 15:47:00 +0100

O xoves 29 de decembro.

Como todos os anos, o concello de Castrelo de Miño realiza unha visita organizada ao parque de atraccións de Pazolandia, sito no pazo dos deportes Paco Paz. O Concello recollerá nun autobús a todos os rapaces interesados en asistir. Será preciso anotarse nas oficinas municipais.

Obradoiro de manualidades para os alumnos do CEIP Castrelo de Miño

| Concello Castrelo de Miño — Thu, 15 Dec 2011 15:42:00 +0100

Os traballos realizados serán expostos na próxima Feira de Nadal que se celebrará o vindeiro 25 de...

Os traballos realizados serán expostos na próxima Feira de Nadal que se celebrará o vindeiro 25 de decembro no Parque Náutico de Castrelo de Miño.

Educamobil

| Concello Castrelo de Miño — Thu, 15 Dec 2011 15:36:00 +0100

O luns 19 a partir das 16:30 horas no patio do CEIP de Castrelo de Miño.

O luns 19 de decembro, a partir das 16:30 horas, estará no patio do CEIP de Castrelo de Miño o “Espacio Móbil de atención á infancia”, proxecto levado a cabo pola Deputación Provincial de Ourense dirixido ás familias con nenos/as de entre 4 e 11 anos.

A Coral Polifónica do Avia dará un concerto na Igrexa de Prado de Miño.

| Concello Castrelo de Miño — Thu, 15 Dec 2011 13:27:00 +0100

A Coral Polifónica do Avia dará un concerto o vindeiro domingo a partires das 17:00 horas na Igrexa...

Continuando cos concertos que o Concello de Castrelo de Miño realizará nas igrexas de todas as parroquias, e que comezou con éxito o pasado domingo 27 de novembro coa actuación da Banda A Lira na igrexa de Macendo, este vindeiro domingo 18 de decembro ás 17: 00 horas, a Coral Polifónica Val do Avia dará un concerto na igrexa de Prado de Miño.

Curso de Estimulación da Memoria

| Concello Castrelo de Miño — Tue, 13 Dec 2011 17:58:00 +0100

No Centro de día de Vide

Curso gratuito que se impartirá no Centro de día de Vide os luns, mércores e xoves a partir do próximo luns 19 de decembro, en horario de 16: 30 a 19: 00; cunha duración total de 30 horas. Está destinado a todos os públicos, pero principalmente para mulleres maiores de 55 anos.

O sábado disputarase o encontro entre o Castrelo FSF e o Cartelle FSF

| Concello Castrelo de Miño — Tue, 13 Dec 2011 16:01:00 +0100

O sábado 17 de decembro, o derbi Castrelo FSF – Cartelle FSF

O sábado 17, ás 19:00 horas no pavillón municipal de Astariz, disputarase o encontro da liga provincial de fútbol sala feminino que enfronta ao equipo de Castrelo de Miño coas veciñas do municipio colindante de Cartelle.

Os rapaces do concello participaron no Programa Xogade

| Concello Castrelo de Miño — Fri, 02 Dec 2011 18:14:00 +0100

Está destinado a fomentar e estender a practica da actividade físico deportiva.

Hoxe os nosos cativos participaron por primeira vez no programa Xogade, que consiste en xogos deportivos en idade escolar, está destinado a fomentar e estender a practica da actividade físico deportiva, baixo parámetros educativos e saudables, a toda a poboación escolar. Co incremento da practica de actividades física, o fomento dos valores educativos que achega o xogo e o deporte, e o acercamento dos mozos e mozas a estrutura deportiva da súa localidade, avanzarase cara a un dos principais obxectivos, lograr unha Galicia saudable. Por iso dende o concello creáronse estas escolas deportivas, coas que nos achegamos a programas de este tipo. Hoxe tocounos Leiro coma rival, e a próxima cita será en febreiro. Manterémosvos informados. Tódalas fotos do evento podedes velas no Facebook do Concello.

Festas en Traveso

| Concello Castrelo de Miño — Wed, 30 Nov 2011 16:25:00 +0100

Os días 10 e 13 de decembro.

Os días 10 e 13 de decembro festas en Traveso na honra de Santa Lucía. A programación é a seguinte: - Día 10:

Ás 12:00 horas, Misa solemne con procesión.
Ás 19:00 horas, comezo da festa amenizada pola orquestra Los Españoles. Haberá para tódolos asistentes xamón asado e unha gran chocolatada.

- Día 13:

Pola mañá Pasarrúas a cargo dunha charanga.
Ás 12 horas, Misa solemne con procesión e de seguido Sesión Vermú amenizada pola Charanga.

Fotografías da Feira de Castrelo do mes de novembro

| Concello Castrelo de Miño — Mon, 28 Nov 2011 17:09:00 +0100

A Feira estivo adicada a cestería.

O Concello de Castrelo de Miño organizou o 27 de novembro, a habitual Feira de Castrelo de Miño no entorno do Parque Náutico. Nesta ocasión a protagonista foi a cestería. No Facebook do Concello podedes botarlle unha ollada as fotografías deste evento.

Cuarta xornada do Castrelo FSF

| Concello Castrelo de Miño — Mon, 28 Nov 2011 15:56:00 +0100

Celanova FSF vs Castrelo FSF

Este sábado día 26 o Castrelo FSF desprazouse ata Celanova con tódolos nosos seareiros a disputar o partido contra as rapazas de esta localidade. Antes de saír o campo o noso equipo tivo que cambiar de porteira por lesión de Rocío (fractura do dedo maimiño). Neste partido debutaron dúas das nosas rapazas, María e Nerea. O Castrelo FSF saíu con forza, marcando o primeiro tanto os poucos minutos, obra de Flavia de cabeza. Cun final de partido moi disputado o partido rematou cun resultado de 3 a 2 para o Celanova. Dende aquí queremos mandar unha mensaxe de animo o noso equipo: Imos Castrelo que podemos. E recordade a liga non é como comeza, senón como finaliza. No Facebook do Concello podedes ver as fotos deste encontro.

A Feira do mes de novembro estará adicada a cestería

| Concello Castrelo de Miño — Wed, 23 Nov 2011 19:39:00 +0100

O domingo no Parque Náutico de Castrelo.

O Concello de Castrelo de Miño organiza o 27 de novembro, último domingo de mes, a habitual Feira de Castrelo no entorno do Parque Náutico. Neste mes de novembro a cestería será a protagonista da Feira de Castrelo. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

En galego agora e sempre

| Concello Castrelo de Miño — Wed, 23 Nov 2011 19:37:00 +0100

Na igrexa de Santa María de Macendo o domingo 27 de novembro ás 16:30 horas.

Actividades da aula de dinamización no mes de decembro

| Concello Castrelo de Miño — Wed, 23 Nov 2011 19:36:00 +0100

Lembramos que o horario da aula é de 16:00 a 20:00 horas.

As actividades previstas para o mes de decembro son as seguintes:

Grupo 1 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 12 ata o xoves 15 de decembro en horario de 18:00 a 20:00 horas.

Grupo 2 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 19 ata o xoves 22 de decembro en horario de 18:00 a 20:00 horas. Para novas inscripcións chamar o telefono da aula 988493225, pasar pola aula en horario de 16 a 20 horas ou enviar un correo electrónico a dirección dinamiza@castrelo.org.

Terceira xornada do Castrelo FSF

| Concello Castrelo de Miño — Wed, 23 Nov 2011 19:35:00 +0100

Castrelo FSF VS Nogueira de Ramuín.

O sabado día 19 disputouse a terceira xornada de liga provincial feminina, no noso campo enfrentandonos contra o Nogueira de Ramuín. Sairon o campo como equipo inicial Laura, Flavia, Rut, Rocio na porta e Ana como a nosa capitana. Foi un partido duro, xa que as nosas rivais eran fortes nas entradas. Na primeira parte demostrouse a superioridade táctica do Castrelo FSF, marcando o primeiro tanto. No segundo tempo sairon con ganas as nosas rivais, empatando o encontro. A uns minutos do final adiantamonos no marcador, pero ante unha arbitraxe un tanto dubidosa o gol foi anulado, asi que o partido rematou con empate a un tanto. Podedes ver as fotos do partido no Facebook do Concello.

Segunda xornada do Castrelo FSF

| Concello Castrelo de Miño — Wed, 23 Nov 2011 19:34:00 +0100

Carballiño FSF VS Castrelo FSF

O sabado día 12 disputouse a 2ª xornada do equipo das rapazas do Castrelo FSF, que foron xogar ata Carballiño. O encontro pronosticabase complicado xa que o Carballiño FSF ten un gran equipo. O encontro desenvolveuse cun gran xogo por parte dos dous equipos, tendo unha morea de oportunidades de marcar gol, pero sin sorte. O resultado final foi de 6 a 1 a prol do Carballiño FSF. Podedes ver as fotos do partido no Facebook do Concello.

Fotografías da Andaina de Castrelo

| Concello Castrelo de Miño — Tue, 22 Nov 2011 18:40:00 +0100

O domingo día 13 de novembro celebrouse a 4ª Marcha a pé de Castrelo e a 1ª Andaina canina.

O domingo día 13 de novembro celebrouse a 4ª marcha a pé de Castrelo e a 1ª Andaina canina, cun gran éxito de participación. O principio había unha prescripción de 90 persoas, sumándose o mesmo día da proba 25 persoas máis. Ás 8:50 comenzaron a chegar os primeiros participantes, e ás 10:05 emprendeuse a saída do percorrido. O primeiro dos participantes chegou ás 12:20. O groso dos participantes da andaina chegaron a partires das 13 horas. Despois da andaina tódolos participantes desfrutaron dun xantar. Podedes ollar as fotografías do evento no Facebook do Concello.

Fotografías do Magosto

| Concello Castrelo de Miño — Tue, 22 Nov 2011 18:38:00 +0100

Celebrouse o pasado martes no pavillón de Astariz.

O martes pasado pola tarde, como tódolos anos celebrouse o magosto das persoas participantes na actividade de ximnasia. Como sempre puideronse degustar chourizos, churrasco e castañas, e dende logo os postres das nosas mulleres, que ano tras ano se convirte case que no prato principal. Podedes ver as fotografías do evento no Facebook do Concello.

Fotografías do curso de cestería

| Concello Castrelo de Miño — Tue, 22 Nov 2011 00:12:00 +0100

Xa podedes ver no Facebook do Concello as fotos do curso de cestería que se está impartindo no noso...

Xa podedes ver no Facebook do Concello as fotos do curso de cestería que se está impartindo no noso Concello.

Bando 29/2011: "Xuntos polo Nadal"

| Concello Castrelo de Miño — Thu, 17 Nov 2011 13:07:00 +0100

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que dirixido as persoas maiores que valéndose por si mesmas e contando con escasos recursos económicos, non teñan con quen pasar este Nadal, a Dirección Xeral da Dependencia e Autonomía Persoal organiza o Programa “Xuntos polo Nadal”. Este programa é totalmente gratuíto, vaise desenvolver dende o día 23 de decembro de 2011 pola maña, ata o 1 de xaneiro de 2012, pola tarde, nas Residencias de Tempo Libre dependentes da Consellería de Traballo e Benestar. Os participantes aloxaranse, en habitacións compartidas, na residencia de Tempo libre de Panxón. Para solicitalo dirixirse ós servizos sociais do Concello de Castrelo de Miño antes do 30 de novembro de 2011. O que se fai público para xeral coñecemento. Castrelo de Miño, 16 de novembro 2011 O alcalde, Xurxo Rodríguez Méndez

Bando 28/2011: Transporte institucional para Eleccións Xerais

| Concello Castrelo de Miño — Thu, 17 Nov 2011 13:02:00 +0100

O 20 de Novembro de 2011

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). FAGO SABER que co motivo das eleccións xerais do 20 de novembro de 2011 a Subdelegación do Goberno de Ourense pon a disposición dos veciños un Vehículo que percorrerá o concello, seguindo os itinerarios e horarios que a continuación se indican, sendo o traslado das persoas que utilicen o servizo de ida e volta:

MESA ELECTORAL	PERCORRIDO E HORARIO
Local escola de Fondo de Vila (Macendo)	Saída ás 9:00 e ás 16:00 de A Bouza, pasando por A Hermida, Casardeita, As Bouzas e Fondo de Vila. Saída ás 9:30 e ás 16:30 de Ramiras, pasando por Señorín, Vilela, Meizo, Tallón, Albín, Covelas, Souto e San Pedro.
Colexio Público (Astariz)	Saída ás 10:00 e ás 17:00 de Freás, pasando por Troncoso e Astariz. Saída ás 10:30 e ás 17:30 de Prado, pasando por Vide.
Colexio Público (Astariz)
Centro saúde Paradela (Barral)	Saída ás 11:00 e ás 18:00 de Oleiros, pasando por A Frieira, Parada, Souto, Santo Estevo e Barral. Saída ás 11:30 e ás 18:30 de Reigoso, pasando por Traveso, Noallo de Arriba, Noallo de Abaixo, O Foxo e Barral.
Centro saúde Paradela (Barral)
Club Náutico (Cortiñas)	Saída ás 12:00 e ás 19:00 de A Carixa, pasando por A Ponte, Santa María, O Padreiro, O Pazo Cortiñas. Saída ás 12:30 e ás 19:30 de O Rial, pasando por O Toledo, A Costa, Nogueiredo e Cortiñas.

O que se fai público para xeral coñecemento. Castrelo de Miño de Miño, 15 de novembro 2011 Xurxo Rodríguez Méndez

Castrelo en Marcha: 4º Marcha a pé de Castrelo de Miño

| Concello Castrelo de Miño — Fri, 11 Nov 2011 15:00:00 +0100

Inscríbete na Casa do Concello ou no Pavillón Municipal.

O vindeiro domingo 13 de novembro celebrarase a 4º edición da marcha a pé de Castrelo de Miño. A saída da andaina será dende o Pavillón Municipal de Castrelo en Astariz ás 10 da mañá. Poderedes recoller o voso dorsal a partires das 9:30.

A Ruta Oficial terá un percorrido de 20 quilómetros mentres que a Ruta Curta constará de 4 quilómetros.

As inscricións deben facerse na Casa do Concello de Castrelo de Miño ou no Pavillón Municipal e realizando un ingreso de 10€ en Novacaixagalicia na conta do clube deportivo Castrum Minei 2080 5289 29 3040003623, indicando o voso nome, apelidos e teléfono. A data de inscrición será do día 1 ao 10 de novembro de 2011. Tódolos participantes disfrutarán de avituallamento durante a proba, xantar o remate e un agasallo conmemorativo.

Animádevos a vir e si tendes unha mascota tamén pode participar. A mascota terá tamén un agasallo.

Magosto e concerto de rock no Parque Náutico de Castrelo de Miño

| Concello Castrelo de Miño — Fri, 11 Nov 2011 12:00:00 +0100

Polo seu interese publicamos información sobre o magosto e o concerto de rock que organizará o...

Polo seu interese publicamos información sobre o magosto e o concerto de rock que organizará o café-bar do Parque Náutico de Galicia en Castrelo de Miño o vindeiro sábado 12 de novembro de 2011.

Inscríbete no obradoiro de teatro do Concello de Castrelo de Miño

| Concello Castrelo de Miño — Thu, 10 Nov 2011 15:00:00 +0100

Tódolos sábados de 19:00 a 21:00 horas no Centro de Día.

Inscríbete no obradoiro de teatro no concello de Castrelo de Miño. Ti es o protagonista. Anímate a participar nunha obra representada polos veciños e veciñas de Castrelo de Miño. Os ensaios serán os sábados de 7 a 9 da tarde no Centro de Día do Concello no pobo de Vide. Apúntate na Casa do Concello ou chamando ao 988 493 000 e achégate a participar canto antes nesta actividade. Podedes ver as fotos dos ensaios no Facebook do Concello.

Victoria do Castrelo FSF este fin de semana

| Concello Castrelo de Miño — Thu, 10 Nov 2011 14:02:00 +0100

O partido entre o Castrelo FSF e Taboadela FSF foi suspendido por incomparecencia das rapazas do...

O domingo dia 6 de novembro, comezou a liga provincial femenina de futbol sala, co debut das rapazas do Castrelo FSF.

O partido Castrelo FSF contra o Taboadela FSF estaba previsto para as 11 horas da maña no pavillon municipal de Castrelo de Miño en Astariz. O encontro non se disputou pola incomparecencia das contrincantes, deixando as rapazas do Castrelo decepcionadas por non poder xogar o seu primeiro partido. Para satisfacer a todo o publico que se encontraba no pavillón, xogouse un partidillo entre as rapazas do Castrelo FSF. Vista a acta do encontro e tendo en conta o disposto polo Réxime Disciplinario da Delegación Ourensá de Fútbol Sala, este Comité acordou sancionar o clube Taboadela FSF coa perda do encontro por 3-0, privación dun punto na clasificación xeral e multa na cuantía de 50 euros por incurrir no suposto de incomparecencia, o non presentarse á disputa do referido partido no día e hora sinalados pola Delegación Ourensá de Fútbol Sala. Podedes ver as fotos do evento no Facebook do Concello.

Fotos da Quedada BTT

| Concello Castrelo de Miño — Thu, 10 Nov 2011 13:41:00 +0100

A Quedada contou cunha participación de 43 persoas.

O domingo día 30 de outubro, coincidindo coa feira mensual organizouse unha Quedada BTT, cunha participación de 43 persoas, facendo un percorrido de 40km por todo o concello. A saída produciuse ás 9 da maña, retornando o Parque Náutico o redor das 14 horas para xantar todos xuntos. Podedes ver as fotos do evento no Facebook do Concello.

Novo horario da Aula de Novas Tecnoloxías

| Concello Castrelo de Miño — Tue, 08 Nov 2011 17:35:00 +0100

O horario pasará a ser de 16:00 a 20:00 horas.

A partir do mércores 9 de Novembro o horario da Aula de Dinamización pasará a ser de 16:00 a 20:00 horas, sendo as dúas primeiras horas de acceso libre e as dúas seguintes para accións formativas.

Fotografías da V Concentración de vehículos clásicos Castrelo de Miño

| Concello Castrelo de Miño — Mon, 31 Oct 2011 19:13:00 +0100

Celebrouse nas inmediacións do Parque Náutico de Castrelo.

No seguinte enlace de Clásicos Rentauto podedes ver as fotos da V Concentración de vehículos Clásicos de Castrelo de Miño.

Un técnico municipal de Castrelo de Miño pasará unhas "Vacacións con Traballo" en Nicaragua.

| Concello Castrelo de Miño — Mon, 31 Oct 2011 14:24:00 +0100

Colaborará durante un mes cos parceiros do Fondo Galego de Cooperación e Solidariedade en...

Colaborará durante un mes cos parceiros do Fondo Galego de Cooperación e Solidariedade en Totogalpa, no distrito de Madriz, para o desenvolvemento turístico desta zona. Compartirá a experiencia con participantes da Deputación de Pontevedra e Concello de Ourense que se desprazarán a Cabo Verde. A súa experiencia poderá seguirse a través do blog: http://novembroentotogalpa.blogspot.com/ Castrelo de Miño, outubro de 2011. ‘Vacacións con Traballo’ é un programa de voluntariado internacional do Fondo Galego de Cooperación e Solidariedade. A iniciativa, dirixida ás técnicas e técnicos das Administracións locais e provinciais socias da entidade, ofertaba este ano tres prazas en Cabo Verde e unha en Nicaragua. As persoas seleccionadas investirán o seu mes de descanso colaborando cos parceiros do Fondo Galego nestes países, onde compartirán coñecementos teóricos e prácticos. Para esta sexta edición, foi seleccionado Diego Sánchez Calviño, empregado do departamento de Turismo no Concello de Castrelo de Miño (Ourense), que colaborará co Instituto de Promoción Humana (INPRHU) en Nicaragua, parceiro tradicional do Fondo Galego, ao que apoiará como técnico de turismo. Da Deputación de Pontevedra participarán un técnico e unha técnica. Joaquín Lede, coordinador de proxectos europeos na administración provincial, vai colaborar coa Cámara Municipal de Brava, e María José Pérez González, arquitecta da Unidade de Promoción e Desenvolvemento, realizará o voluntariado na Cámara Municipal do Paúl. A derradeira vacante en Cabo Verde cóbrea Cristina Moreiras, técnica de Medio Ambiente no Concello de Ourense que cooperará tamén coa Cámara Municipal do Paúl, desenvolvendo o seu labor como técnica ambiental. Xornada formativa e blog Antes da viaxe, as candidatas e candidatos seleccionados para participar no programa ‘Vacacións con Traballo’ tiveron unha xornada formativa. Foi o 23 de xuño na Illa de San Simón, onde se atopa a sede do Instituto Galego de Análise e Documentación Internacional (IGADI), que exerce a Secretaría Técnica do Fondo Galego de Cooperación e Solidariedade. Durante a súa estadía, os catro voluntarios e voluntarias levarán cadanseu blog onde darán conta das súas vivencias. Á volta, difundirán a súa experiencia participando en distintas actividades e nunha publicación que recollerá os seus testemuños. Trátase de potenciar así a dimensión sensibilizadora do programa ‘Vacacións con Traballo’ para concienciar sobre a realidade nestes países. Á vez, mellórase a visibilidade e transparencia dos proxectos de cooperación ao desenvolvemento que alí se cofinancian. O Fondo Galego O Fondo Galego de Cooperación e Solidariedade é unha rede que engloba a 95 Concellos e ás catro Deputacións de Galicia. Fundouse en 1997 como un foro a través do que consensuar e concentrar os esforzos dos poderes locais galegos no eido da cooperación ao desenvolvemento. Trátase deste xeito de garantir unha xestión profesional e transparente, así como a realización de proxectos ambiciosos que teñan un verdadeiro impacto nos países do Sur e facilitar unha meirande sensibilización da sociedade galega a prol da solidariedade internacional. Desde a súa fundación, a asociación ten desenvolvido 135 proxectos en máis de 20 países, e organizado e editado multitude de actividades e materiais en relación aos desequilibrios existentes entre os países do Norte e do Sur. Ten garantido a presenza da solidariedade do pobo galego nas catástrofes que afectan a aqueles países do mundo con menor capacidade para as enfrontar, con proxectos de reconstrución (como os casos de Sri Lanka, despois do maremoto de 2004, Cuba, despois dos furacáns de 2008 ou Gaza, despois dos bombardeos israelitas de finais de 2008 e primeiros de 2009). Na actualidade está a implementar unha intervención de post-emerxencia no Haití.

Bando 27/2011: Plan de vivenda: Rexistro de vivendas e fincas en venda ou aluguer.

| Concello Castrelo de Miño — Thu, 27 Oct 2011 01:30:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). Fago saber...

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). Fago saber que todo aquel que teña unha vivenda, terreo ou finca en Castrelo de Miño e estea interesado na súa venda ou aluguer poderá publicitala no rexistro de propiedades que se está elaborando na casa do Concello. Todos os datos relacionados con ditas vivendas publicitaranse unha vez se teñan recompilado nun novo espazo da páxina web do Concello, que ten recibido máis de 150.000 visitas, así como en anuncios promocionais nunha campaña que se fará nos vindeiros meses. Todos aqueles que así o desexen poderán aportar fotografías e textos que reflictan fielmente as vivendas e terreos que desexen publicitar para a súa venda ou aluguer. Se algunha persoa non puidese aportar material fotográfico, o persoal do Concello achegaríase ata o lugar para realizar as fotografías necesarias. Aquelas persoas interesadas, poden achegarse á casa consistorial, en horario de oficina para facer dito rexistro.

O que se fai público para xeral coñecemento.

O alcalde,Xurxo Rodríguez Méndez

Castrelo de Miño, 25 de outubro de 2011

Bando 26/2011: Listas do SEAGA para persoal temporal.

| Concello Castrelo de Miño — Thu, 27 Oct 2011 01:13:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). FAGO SABER...

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). FAGO SABER que se abre o prazo de presentación de solicitudes para a incorporación ás listas previas de PERSOAL TEMPORAL da EMPRESA PÚBLICA DE SERVICIOS AGRARIOS GALEGOS S.A. (SEAGA) nas seguintes categorías profesionais: - Enxeñeiro de montes
- Enxeñeiro técnico forestal
- Capataz
- Xefe de brigada
- Peón especialista
- Peón
- Emisorista
- Oficial administrativo e auxiliar administrativo As bases poden atoparse na web www.epseaga.com así como na sede da empresa. Para poder participar en dito proceso deberan cubrir e enviar unha solicitude, segundo o modelo das bases da convocatoria, antes do 31 de outubro de 2011. A presentación de solicitudes pode facerse no rexistro da empresa de 9 a 14 horas, sito no Polígono San Cibrao das Viñas, Sector C, Rúa Ricardo Martín Esperanza (parcela 1-G, nave 3) 32911 San Cibrao das Viñas (Ourense) ou en Correos, mediante carta certificada con acuse de recibimento e remitindo o resgardo de correos e a copia da solicitude ao número de fax 881997334 O que se fai público para xeral coñecemento. Castrelo de Miño, 25 de outubro de 2011 O alcalde, Xurxo Rodríguez Méndez

Quedada BTT

| Concello Castrelo de Miño — Thu, 27 Oct 2011 00:59:00 +0200

O vindeiro domingo 30 de outubro no parque náutico de Galicia ás 10:00 da mañá.

A Feira de Castrelo do mes de outubro estará adicada ás BTT

| Concello Castrelo de Miño — Wed, 19 Oct 2011 21:34:00 +0200

O Concello de Castrelo de Miño organiza o 30 de outubro, último domingo de mes, a habitual Feira de...

O Concello de Castrelo de Miño organiza o 30 de outubro, último domingo de mes, a habitual Feira de Castrelo no entorno do Parque Náutico. Neste mes de outubro a BTT será a protagonista da Feira de Castrelo. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Actividades da Aula de Novas Tecnoloxías no mes de novembro

| Concello Castrelo de Miño — Wed, 19 Oct 2011 21:34:00 +0200

As actividades previstas no mes de novembro son as seguintes.

As actividades previstas para o mes de novembro son as seguintes:

Grupo 1 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 7 ata o xoves 10 de novembro en horario de 19:00 a 21:00 horas.

Grupo 2 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 14 ata o xoves 17 de novembro en horario de 19:00 a 21:00 horas.

Grupo 3 : Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 28 de novembro ata o xoves 1 de decembro en horario de 19:00 a 21:00 horas. Para novas inscripcións chamar o telefono da aula 988493225, pasar pola aula en horario de 17 a 21 horas ou enviar un correo electrónico a dirección dinamiza@castrelo.org.

Informamos tamén que a Aula de Dinamización permanecera pechada por vacacións a semana do 21 o 25 de Novembro, abrindo outra vez as súas portas o día 28.

Bando 25/2011: Inspección técnica de vehículos agrícolas

| Concello Castrelo de Miño — Wed, 19 Oct 2011 19:33:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a empresa Supervisión y Control, S.A., encargada da inspección técnica de vehículos, estará neste concello os días 16 e 17 de novembro co fin de pasa-las inspeccións periódicas ós vehículos agrícolas no lugar e co horario que a continuación se indican: DÍAS: 16 e 17 de novembro de 2011. HORARIO:

Mañá: de 09:00 a 13:30 horas. Tarde: de 15:30 a 18:00 horas.

LUGAR: Explanada do edificio de turismo náutico. Asígnarase día e hora de atención ó público chamando ó teléfono 881 920 980, directamente na unidade móbil tamén se dará cita ainda que teñen preferencia as persoas con cita previa. Cómpre indicar que é preciso que tódolos tractores agrícolas deberán ter incorporado o dispositivo de luz xiratoria (RD 1428/2003), xa que de non o presentar serán rexeitados. O que se fai público para xeral coñecemento. Castrelo de Miño, 17 outubro de 2011 O alcalde, Xurxo Rodríguez Méndez

Bando 24/2011: Curso de cestería

| Concello Castrelo de Miño — Wed, 19 Oct 2011 19:21:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que se impartirá un curso de cestería. Requisitos para inscrición: - Destinado a persoas que estean traballando (dadas de alta en algún réxime: Agraria ,autónomos ,réxime xeral) ou dadas de alta no paro. - Lugar de inscrición: Oficinas municipais. - Prazo de inscrición: Hasta o mércores 26 de outubro de 2011. - Documentación que hai que aportar:

· Fotocopia DNI.

· Fotocopia tarxeta sanitaria.

· Fotocopia nómina ,recibo de autónomos ou cartilla do paro.

- Lugar onde se impartirá o curso: Centro de Día do Concello , sito en Vide s/n - Datas de celebración: Os días 2,4,8,10,15,17,22,24,29 de novembro e 1 decembro de 2011. - Horario: Os martes e xoves de 17:00 H a 19:00 H. - Duración do curso: 20 horas. O que se fai público para xeral coñecemento. Castrelo de Miño, 17 de outubro de 2011 O alcalde, Xurxo Rodríguez Méndez

Os voluntarios de Protección Civil de Castrelo colaboran na extinción dos incendios

| Concello Castrelo de Miño — Tue, 18 Oct 2011 19:14:00 +0200

Onte estiveron no Concello de Padrenda.

Os voluntarios de Protección Civil do Concello de Castrelo de Miño, saíron a colaborar na extinción dos incendios que asolan a nosa provincia. Onte estiveron axudando en San Pedro de Rocas no Concello de Padrenda, preto de Pontedeva.

Concerto do gaiteiro bretón Patrick Molard na Igrexa de Santa María

| Concello Castrelo de Miño — Mon, 17 Oct 2011 19:31:00 +0200

O concerto comezará ás 20:00 horas e a entrada é de balde; ademais, desde as 17:00 haberá unha...

O vindeiro domingo 23 de outubro, o afamado gaiteiro bretón Patrick Molard dará un concerto na Igrexa de Santa María de Castrelo de Miño.O concerto comezará ás 20:00 horas e a entrada é gratuíta; ademais, desde as 17:00 haberá unha charla didáctica sobre dixitación e estilo das gaitas bretona e escocesa, aberta tanto a gaiteiros e gaiteiras como a calquera persoa interesada neste instrumento.

Comezan as escolas deportivas para todas as idades da temporada 2011-2012

| Concello Castrelo de Miño — Mon, 17 Oct 2011 19:20:00 +0200

Inscríbete antes do 24 de Outubro.

Xa está aberto o prazo para a inscrición nas escolas deportivas municipais. Ata o vindeiro 24 de outubro permanecerá aberto o prazo para apuntarse en Ximnasia suave, Ximnasia de mantemento, Fútbol Sala Feminino, Fútbol Sala Infantil ou Ximnasia Personalizada; que se desenvolverán a partir do 31 de outubro no Pavillón Municipal. Para participar nas escolas deportivas é imprescindible inscribirse, presentando no Concello a Folla de Inscrición debidamente cuberta. O sábado 29 de outubro, como apertura de ditas actividades celebraráse unha Festa do Deporte, dirixida a xente de todas as idades e onde se poderán coñecer distintas actividades deportivas como a batuka ou o baile entre outras.

Os voluntarios de Protección Civil de Castrelo colaboran na busca dun motorista desaparecido

| Concello Castrelo de Miño — Thu, 13 Oct 2011 19:49:00 +0200

O Concello de Castrelo de Miño quere agradecer os voluntarios de Protección Civil de Castrelo o seu...

Onte ás 19:45 horas, despois de que o 112 recibise unha chamada que alertaba de que o condutor dunha motocicleta caira por un terraplén tras perder o control do vehículo, organizouse un amplo dispositivo no que estaban integrados dez efectivos de Protección Civil de Castrelo de Miño. A vítima do sinistro puido contactar a través do seu teléfono móbil cos servizos de emerxencia aínda que o estar desorientado non puido proporcionar de forma certeira a súa localización. A busca iniciouse na Carixa trasladándose a medida que se coñecían os datos cara Cenlle, atopando o rapaz ás 22:30 horas. O Concello de Castrelo de Miño quere agradecer os voluntarios de Protección Civil de Castrelo o seu traballo e a súa habitual disposición a colaborar, así como tamén a tódolos mozos e mozas que os acompañaron e prestaron a súa axuda.

"Nanomaxias" do Mago Román en Astariz

| Concello Castrelo de Miño — Tue, 11 Oct 2011 15:00:00 +0200

O 15 de outubro ás 20:30 no Teleclube de Astariz.

"Nanomaxias" é un espectáculo de maxia de preto absolutamente sorprendente. Un espectáculo con cousas pequenas e emocións fortes, maxia a un palmo dos teus ollos ou mesmo nas túas propias mans. En "Nanomaxias" poderás asombrarte e divertirte coas historias máxicas e surrealistas do Mundial de Fútbol, os caníbales do Amazonas ou a viaxe á Lúa do capitán Fernández, entre outras. Cartas que cambian de cor, buratos viaxeiros, moedas que desaparecen e reaparecen en mans do espectador ou billetes que multiplican o seu valor son só algúns das pequenas milagres que poderás ver en "Nanomaxias". O Mago Román obtivo o "Primeiro Premio Nacional de Maxia de Preto", celebrado en Vitoria no ano 1996 e é colaborador habitual de variosprogramas televisivos, como o coñecido "Nada por aquí" da canle Cuatro. Non o perdas o 15 de outubro ás 20:30 no Teleclube de Astariz.

Valiosa intervención dos membros de Protección Civil de Castrelo no incendio deste fin de semana

| Concello Castrelo de Miño — Mon, 10 Oct 2011 19:23:00 +0200

Os rapaces de Protección Civil estiveron presentes tamén nun curso de rescate e busca en montaña.

A noite do venres ás 21:15 horas iniciouse un lume en Noallo de Arriba, saíndo cara o lugar os Voluntarios de Protección Civil de Castrelo de Miño, coa cisterna e o tractor dos que dispoñen. Tiveron que desaloxar un pobo pola proximidade do lume e asistir a xente maior do lugar, ademais das labores de extinción. As 6 da madrugada continuaba a alerta de nivel 1. O incendio deuse finalmente por extinguido ás 00.30 horas de este domingo. As estimacións provisionais elevan a superficie afectada a unhas 68 hectáreas arboradas. O paisaxe en canto amañeceu era desolador, como se pode comprobar nas seguintes fotografías. Ademais este fin de semana os rapaces de Protección Civil de Castrelo formáronse nun curso de rescate e busca en montaña. As clases foron impartidas por técnicos da Academia Galega de Seguridade Pública na Casa da Cultura de Vilar de Barrio e incluíron unha sesión práctica na Serra de San Mamede.

As rapazas do Castrelo FSF resultaron gañadoras do Trofeo Amieira

| Concello Castrelo de Miño — Mon, 10 Oct 2011 18:39:00 +0200

O pasado sábado xogáronse no pavillón de Astariz varios partidos de pretemporada.

O sábado día 1 de outubro o equipo feminino de fútbol sala recibiu no pavillón municipal de Astariz a tres equipos de liga provincial: Amoeiro, Castro Caldelas e Ribeira Sacra, cos cales fixeron varios partidos de adestramento previos o comezo da liga provincial. Nunha grata compaña e gran convivencia o noso equipo pasou a tarde do sábado. Hai que destacar a gran afluencia de publico que se congregou neste evento. O remate do torneo as rapazas do Castrelo FSF tiveron unha cea de confraternización todas xuntas. O día 8 as rapazas do Castrelo FSF resultaron gañadoras do Trofeo Amieira que se celebrou no Concello de Amoeiro. No Facebook do Concello podedes ver as fotos deste evento. Parabéns a todas elas pola consecución deste Trofeo.

Os alumnos/as do CEIP Castrelo de Miño visitaron á exposición " A Paz: Cuestión de Fondo"

| Concello Castrelo de Miño — Fri, 07 Oct 2011 15:13:00 +0200

A exposición pódese visitar no Centro de Día.

Os alumnos/as do CEIP Castrelo de Miño visitaron á exposición "A Paz: Cuestión de Fondo" que está exposta no Centro de Día de Castrelo de Miño. A visita durou uns 45 minutos aproximadamente. Nese tempo explicáronlles as 16 láminas e participaron activamente, dando a súa opinión e comentando o que eles apreciaban nas distintas viñetas. Tamén estiveron presentes os mestres durante todo o percorrido, facendo aclaracións e facilitando a comprensión das ilustracións. As fotos da visita poden visitarse no Facebook do Concello de Castrelo.

Programación do Centro de Día no mes de outubro

| Concello Castrelo de Miño — Tue, 04 Oct 2011 19:30:00 +0200

Este mes haberá obradoiros de cociña, manualidades ou de menciña entre outros.

A continuación móstranse as actividades que se desenvolveran no mes de outubro no centro de día de Castrelo de Miño.

Éxito de participación no Curso Básico de Protección Civil

| Concello Castrelo de Miño — Mon, 03 Oct 2011 12:03:00 +0200

O curso tivo lugar o primeiro fin de semana de outubro cun gran éxito de participación.

Este fin de semana pasado impartiuse no noso Concello un Curso Básico de Protección Civil. O curso celebrouse co horario de 19 a 22 o venres, de 9 a 14 e de 16 a 22 o sábado, e de 9 a 14 o domingo. Nel impartíronse cinco módulos:

Coñecemento de protección civil, con Jorge Llorente, Director Provincial de Protección Civil de Ourense.
Primeiros auxilios, con David Sánchez, médico do 061 en Ourense.
Extinción de incendios, con José Antonio Rodríguez, membro da Dirección Provincial de Protección Civil de Ourense.
Comunicacións, con Manuel Santos, Técnico en Telecomunicación da Xunta de Galicia.
Igualdade, con María, responsable de Igualdade da Consellería de Traballo e Benestar da Xunta de Galicia.

O curso contou con 28 asistentes, vidos de concellos de toda a provincia como Coles, Barbadás, Piñor, Avión, Ribadavia, e por suposto de Castrelo de Miño, o que demostra o éxito de participación.

No Facebook do Concello podedes ver as fotografías de este evento.

Festas en Macendo

| Concello Castrelo de Miño — Sat, 01 Oct 2011 00:00:00 +0200

Os días 13, 14, 16 e 17 de xaneiro.

Festas en Macendo na honra do San Antón os días 13, 14, 16 e 17.

O programa das festas é o seguinte:

Día 13.

Festa a cargo de Azalea.

Día 14.

Misa solemne ás 12 horas amenizada pola Charanga Monterrei. Ás 13:30 horas sesión vermouth a cargo da Orquestra Marimba. Festa pola noite amenizada pola Orquestra Marimba.

Día 16.

Procesión ás 16 horas na honra de San Antón a cargo da Charanga Viña Reboreda.

Día 17.

Misa solemne ás 12 horas amenizada pola Charanga Viña Reboreda. O campo estará cuberto cunha carpa e haberá calefacción. Haberá lacón e orella a fartar para tódolos asistentes.

V Concentración de vehículos clásicos Castrelo de Miño

| Concello Castrelo de Miño — Fri, 30 Sep 2011 21:48:00 +0200

Celebrarase o día 9 de outubro ás 12 horas.

Outro ano máis organizase a Concentración de Clásicos en Castrelo de Miño. O evento terá saída dende a localidade de Santa Cruz de Arrabaldo ás 11:00 horas. A chegada dos participantes ao Complexo de Turismo Náutico terá lugar o redor das 12:00 horas. Ademais da correspondente ruta haberá unha proba de habilidade nas inmediacións do Clube Náutico de Castrelo que comezará en torno ás 16:30 horas. Para realizala inscrición hai que poñerse en contacto coa organización no telefono 629 881 151.

O alcalde de Castrelo de Miño elexido membro do Consejo Territorial da Federación Española de Municipios e Provincias

| Concello Castrelo de Miño — Thu, 29 Sep 2011 02:41:00 +0200

O Alcalde de Castrelo de Miño formará parte do consello territorial xunto con outros alcaldes...

O Alcalde de Castrelo de Miño, Xurxo Rodríguez, é o único ourensán que formara parte do Consello Territorial da Federación Española de Municipios e Provincias. O noso alcalde integrarase nun grupo de 61 rexedores que representarán aos máis de sete mil que forman parte do organismo. Así se decidiu este domingo en Madrid, durante a celebración da décima asemblea xeral da federación. O alcalde participará no órgano encargado de desenvolver as resolucións aprobadas pola asemblea.

Fotografías da Feira de Castrelo do mes de setembro

| Concello Castrelo de Miño — Mon, 26 Sep 2011 19:12:00 +0200

A Feira do mes setembro foi adicada o Deporte Feminino

O Concello de Castrelo de Miño organizou o 25 de setembro, a habitual Feira de Castrelo de Miño no entorno do Parque Náutico. Nesta ocasión o protagonista foi o deporte feminino. No Facebook do Concello e de Castrelo Movese podedes botarlle unha ollada as fotografías deste evento.

Continúan en outubro as actividades da Aula de dinamización

| Concello Castrelo de Miño — Thu, 22 Sep 2011 17:00:00 +0200

Actividades previstas para o mes de outubro.

As actividades previstas para o mes de outubro son as seguintes:

Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 3 ata o xoves 13 de outubro en horario de 19:00 a 21:00 horas.

Curso de creación e administración de blogs.

De luns a xoves, dende o luns 17 ata o xoves 20 de outubro en horario de 19:00 a 21:00 horas.

Informamos tamén que a Aula de Dinamización permanecera pechada por vacacións a semana do 24 o 28 de Outubro, abrindo outra vez as súas portas o día 31.

A Feira de Castrelo estará adicada este mes ao Deporte Feminino

| Concello Castrelo de Miño — Tue, 20 Sep 2011 19:24:00 +0200

O 25 de Setembro na explanada do Parque Náutico.

O Concello de Castrelo de Miño organiza o 25 de setembro, último domingo de mes, a habitual Feira de Castrelo no entorno do Parque Náutico. Neste mes de setembro o Deporte Feminino será o protagonista da Feira de Castrelo. Entre outros deportes estarán representados o fútbol sala, o remo ou a ximnasia. E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Bando 23/2011: Traslado por reformas das oficinas do Concello

| Concello Castrelo de Miño — Thu, 08 Sep 2011 14:35:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que có motivo da inminente obra de reforma da casa consistorial trasládanse as oficinas do Concello, do Xulgado de Paz e do Rexistro Civil do Concello de Castrelo de Miño ao:

EDIFICIO DO ALBERGUE DO COMPLEXO TURISTICO NAUTICO DE CASTRELO DE MIÑO.

O que se fai público para xeral coñecemento. Castrelo de Miño, 6 de setembro de 2011. O alcalde, Xurxo Rodríguez Méndez.

Festas en Traveso

| Concello Castrelo de Miño — Thu, 01 Sep 2011 00:00:00 +0200

Os días 10 e 13 de decembro.

Os días 10 e 13 de decembro festas en Traveso na honra de Santa Lucía. A programación é a seguinte: - Día 10:

Ás 12:00 horas, Misa solemne con procesión.
Ás 19:00 horas, comezo da festa amenizada pola orquestra Los Españoles. Haberá para tódolos asistentes xamón asado e unha gran chocolatada.

- Día 13:

Pola mañá Pasarrúas a cargo dunha charanga.
Ás 12 horas, Misa solemne con procesión e de seguido Sesión Vermú amenizada pola Charanga.

XIV Concentración de escolas de vela de Galicia e Copa Deputación de Vela

| Concello Castrelo de Miño — Wed, 31 Aug 2011 23:11:00 +0200

Celebraranse os días 2, 3 e 4 de setembro.

O Clube Náutico Castrelo de Miño, coa colaboración do Concello de Castrelo de Miño, organiza a XIV Concentración de escolas de vela e a Regata Copa Deputación de Ourense da clase Optimist no encoro de Castrelo de Miño os días 2, 3 e 4 de Setembro de 2.011, tal e como figura no calendario oficial de regatas 2011 da Federación Galega de Vela.

Contos Vellos, Novos Finais

| Concello Castrelo de Miño — Wed, 31 Aug 2011 13:00:00 +0200

O 3 de setembro ás 20 horas no entorno das Piscinas Municipais.

O contacontos Caxoto presenta unha actuación dirixida aos rapaces, onde cada conto, cada cantiga, cada xogo se enfoca a rachar un estereotipo de xénero, a fomentar a coeducación, ... en definitiva a normalizar a igualdade entre as vindeiras xeracións. A experiencia adquirida en mais de 5 anos de traballo en contidos relativos á igualdade serven para crear unha sesión divertida, emotiva, fantasiosa,... na que nenos e nenas aprenden os beneficios de vivir en igualdade.

Actividades da Aula de Dinamización no mes de setembro

| Concello Castrelo de Miño — Sat, 27 Aug 2011 19:00:00 +0200

No mes de setembro impartiranse os seguintes cursos.

As actividades previstas para o mes de setembro son as seguintes:

Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 5 ata o xoves 15 de setembro en horario de 19:00 a 21:00 horas.

Curso de busqueda de emprego a través de internet (creación de Curriculum e carta de presentación, utilización dos recursos de Internet para buscar emprego, insertar os curriculums en diferentes páxinas web de emprego).

De luns a xoves, dende o luns 19 ata o xoves 22 de setembro en horario de 19:00 a 21:00 horas.

O sol será o protagonista da Feira de Castrelo este domingo

| Concello Castrelo de Miño — Wed, 24 Aug 2011 18:17:00 +0200

O lema da feira deste mes de agosto é "A Feira do Sol: Divulgación social e ambiental dos usos do...

O Concello de Castrelo de Miño organiza este 28 de agosto, último domingo de mes a habitual Feira de Castrelo no entorno do Parque Náutico. Neste mes de agosto o sol e as enerxías serán os protagonistas desta feira. Así realizaranse demostracións, obradoiros e enxeños sobre o uso da enerxía térmica e fotovoltaica, coa colaboración da Asociación Cultural Os Picos do Sol.

E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

Actuación da rapeira AÍD no Parque Náutico de Galicia

| Concello Castrelo de Miño — Mon, 22 Aug 2011 18:22:00 +0200

O vindeiro sábado 27 de agosto a partir das 20:00 horas na explanada do Parque Náutico de Galicia.

O vindeiro sábado 27 de agosto a partir das 20:00 horas a rapeira viguesa AID e maila súa crew, achegarán á explanada do Parque Náutico de Galicia tres actividades da coñecida como “cultura urbana”. Nunha actuación interactiva, en formato obradoiro, AID amosará como facer rimas co DJ Bruno González aos pratos; Rubén de Inthecisos Crew fará unha exhibición de breakdance e Sax mostrará o seu dominio do spray facendo grafiti. Aid é unha rapeira viguesa que leva rimando desde os 12 anos. Agora con 20 compaxinao cos estudos de Telecomunicacións na Universidade de Vigo, e colaboracións en radio e televisión. En 2004 con 14 anos, colgou a súa primeira maqueta “Demo”, coa sorpresa que causaba unha nena de 14 anos facendo rap. “Aquí Tenéis” foi a segunda maqueta, lanzada en xaneiro de 2007 e o 9 de Febreiro de 2009 sae ás rúas Jugando , o seu álbum debut. En tan so un ano a sua música logrou gran repercusión debido a un estilo que rexeita a delincuencia e os estereotipos rapeiros e que aposta por un rap limpo e de valores. PREMIOS: 2008: Gañadora do IV Festival Heineken Greenspace en Valencia, entre máis de 1300 grupos presentados, converténdose na primeira rapeira gañadora e na artista máis nova. 2009: "Boogie Vigo" é portada de Itunes como Latin Single of the Week. 2009: Artista do mes en Ones To Watch. 2010: Gañadora de Márcate un Squares de Kellogs.

III Open de Pesca de Carpa do Ribeiro

| Concello Castrelo de Miño — Fri, 19 Aug 2011 13:41:00 +0200

Celebrarase o vindeiro domingo 21 de agosto.

HORARIO:

08,00 h. Concentración de participantes e sorteo de postos no Clube Náutico de Castrelo de Miño.

09,00 h. Inicio da competición.

13,00 h. Remate da competición.

13,30 h. Reconto e pesada das pezas pilladas: Nos postos de pesca.

14,30 h. Xantar de irmandade no Restaurante A Quinza.

16,30 h. Entrega de trofeos e agasallos.

17,00 h. Remate do III Open Pesca Carpa do Ribeiro.

BASES:

A Participación e libre (aberto a todo pesco@).

Aparellos, cebos e capturas, serán os autorizados polo Regulamento de Pesca Fluvial.

Cada participante ten abriga de ter Licencia de Pesca Fluvial Vixente.

Reconto e pesada nos POSTOS.

Os postos de pesca estarán NUMERADOS e serán asignados por SORTEO.

A cuota de inscripción está fixada en 20 €, incluido xantar, trofeos e agasallos.

ESCENARIOS DE PESCA:

1º- Paseo fluvial do Clube Náutico de Castrelo de Miño.

2º- Postos de Pescastrelo en Prado de Miño.

PUNTUACIÓN:

Por cada peza válida 100 puntos, máis 1 punto por gramo de peso.

CATEGORÍAS E TROFEOS:

Tres (3): Xuventude: Ata 18 anos, Senior femenino e Senior masculino.

Once (11). Para os primeiros clasificados de cada categoría.

EN CASO DE EMPARELLAR RESOLVESE:

1º- O maior número de pezas.

2º- A peza de maior peso.

INSCRIPCIÓN E INFORMACIÓN: AD Natural Ribadavia.

Ata o 19 de Agosto. Gabriel Tlf.: 699 954 985 e-mail: gabriel@adnpescaribadavia.es

O Turista Madrileño visitará Prado de Miño

| Concello Castrelo de Miño — Sun, 14 Aug 2011 20:00:00 +0200

O 20 de agosto ás 22 horas en Prado de Miño.

“Yo una vez le pregunté a un gallego si subía o bajaba y me dijo que a mi qué cojones me importaba. Ese no era muy gallego, pa mi que había viajado algo porque si no, no me contesta así. El gallego puro, si le preguntas te responde "Nu sé" y se encoge de hombros”. Esta cita soamente pode vir do TURISTA MADRILEÑO, unha das personaxes televisivas máis necias nunca vistas. Evaristo Calvo (Mareas Vivas, Pratos Combinados, Piratas, Mofa e Befa, Matalobos, Xabarín Club,...) interpreta a este personaxe creado por Zopilotes, os artífices do programa de humor da Televisión de Galicia AIR GALICIA, gañador do Premio Mestre Mateo á mellor serie do audiovisual galego en 2008. O Turista Madrileño estará o sábado 20 de agosto no Local da Asociación O Penedo da Forca en Prado de Miño ás 22:00 horas co seu característico polo rosa, riñonera e gorra de España, para mostrar a súa particular visión do pobo galego.

IV Festa do Xarrete e Xarrote en Macendo

| Concello Castrelo de Miño — Fri, 12 Aug 2011 18:54:00 +0200

O domingo 14 a partir das 21:00 horas no Campo da Festa de Macendo.

O domingo 14 de agosto ás 21 horas celebrarase a IV Cea Popular do Xarrete e Xarrote amenizada pola Charanga Chunda Chunda.

A Concentración Mototurística Os Paxaros estará este fin de semana en Castrelo

| Concello Castrelo de Miño — Fri, 12 Aug 2011 17:29:00 +0200

O domingo ás 13 horas os moteiros chegarán o Clube Náutico de Castrelo de Miño e ofreceránselles...

O programa da Concentración é o seguinte:
O sábado 13 de Agosto ás 10:00 horas terá lugar a apertura de inscricións. Xa pola tarde, ás 18.00 horas producirase a saída para celebrala misa e a ofrenda floral ás 18:15 horas. O termo da mesma, sobre ás 19:00 horas saída á ruta para ás 19:30 horas visitar, pinchada e degustación de viño na Cooperativa Vitivinícola do Ribeiro, e seguir coa ruta ata ás 20:30 horas, momento no que terá lugar a actuación de Motor Show a cargo de Jakes Stunt. A cea será ás 22:00 horas e estará amenizada polos Magos do Ribeiro. Para finalizar os actos do día haberá un concerto de Doctor Zaius.

O domingo 14 a xornada comezará ás 10:00 horas coa apertura de inscricións e ás 12:00 horas será a saída á ruta para chegar sobre ás 13:00 horas o Clube Náutico de Castrelo de Miño e degustar uns aperitivos. A hora do xantar será ás 14:00 horas e ás 16:00 horas procederase a realizar os sorteos, entrega de trofeos e clausura ata o vindeiro ano.

"Os desvelos da Martiña" en Macendo

| Concello Castrelo de Miño — Wed, 10 Aug 2011 09:29:00 +0200

O día 13 de agosto as 22:00 horas no Campo da Festa de Macendo.

Durante as festas de Macendo, disfrutaremos coa obra teatral "Os desvelos da Martiña". Está é unha iniciativa do Obradoiro de teatro de Castrelo de Miño, polo que os actores son os veciños e veciñas de Castrelo. Se non vola queredes perder, acudide o día 13 de agosto ás 22:00 horas o Campo da Festa de Macendo.

Festas en Macendo

| Concello Castrelo de Miño — Mon, 08 Aug 2011 22:37:00 +0200

Grandes festas en Macendo os días 12,13,14,15 e 16 de agosto.

Grandes festas en Macendo os días 12,13,14,15 e 16 de agosto. A programación é a seguinte: - Venres 12 e sábado 13: Gran verbena a cargo de DJ Mario. - Domingo 14: Ás 21 horas IV Cea Popular do Xarrete e Xarrote amenizada pola Charanga Chunda Chunda. Ás 24 horas verbena a cargo das orquestras Ritmo Noche e Arabia. - Luns 15: Ás 12 horas Procesión e Misa solemne coa Banda Cultural de Arcade. Ás 13:30 horas Sesión Vermouth a cargo da Orquestra Bellas Farto. Verbena a cargo das orquestras Marimba e Bellas Farto. - Martes 16: Ás 12 horas Misa solemne acompañada pola Charanga Os Chispas. Ás 13:30 horas Sesión Vermouth a cargo da Orquestra Anduriña. Festa e verbena ca Orquestra Anduriña.

Inicio dos Campamentos de Verán

| Concello Castrelo de Miño — Fri, 29 Jul 2011 15:42:00 +0200

No Concello de Castrelo de Miño durante o mes de agosto.

O Concello de Castrelo de Miño organiza os Campamentos de Verán 2011. Comezarán o día 1 de agosto cun horario de 17:00 a 21:00 horas no pavillón de Astariz.

Actividades do Centro de Día no mes de agosto

| Concello Castrelo de Miño — Thu, 28 Jul 2011 19:40:00 +0200

Entre outras poderanse realizar actividades como zumoterapia, tai chi, obradoiros de memoria ou de...

Esta é a programación das actividades que se realizaran no Centro de Día de Castrelo de Miño-Vide durante o mes de agosto.

Este domingo Feira Tropical en Castrelo

| Concello Castrelo de Miño — Thu, 28 Jul 2011 19:39:00 +0200

O lema da Feira de Castrelo do mes de xullo é "Refréscate en Castrelo."

O Concello de Castrelo de Miño organiza este 31 de xullo, último domingo de mes a habitual Feira de Castrelo no entorno do Parque Náutico. Neste mes de xullo a Samba e as Caipirinhas serán as protagonistas desta feira.

E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

IX Festa da Codorniz en Cortiñas

| Concello Castrelo de Miño — Wed, 27 Jul 2011 10:04:00 +0200

Festas da Asunción e San Roque.

Os días 14, 15 e 16 de agosto celebrarase en Cortiñas a Festa da Codorniz. A partires das 20:00 horas poderase degustar unha braseira de codornices e empanada.

XVII Festa da Anguía en Barral

| Concello Castrelo de Miño — Wed, 27 Jul 2011 10:02:00 +0200

Festas en Barral os días 4,5 e 6 de agosto.

Outro ano máis e xa van 17, celebrarase en Barral a tradicional festa da anguía. Os tres días poderanse degustar anguías a partires das 20:00 horas.

A exposición 'Elas ensinan' pode visitarse estes días en Castrelo de Miño

| Concello Castrelo de Miño — Wed, 27 Jul 2011 10:01:00 +0200

O concello de Castrelo de Miño acolle, do 2 ao 15 de agosto no Centro de dia de Castrelo de Miño -...

Esta mostra recolle as historias de vida de dezaoito mestras galegas que compartiron o interese pola educación das xeracións máis novas, ás que serviron de modelo profesional e vital. Pero a mostra tamén apela ás lembranzas, aos sentimentos desa etapa na que se forxa a personalidade, na que se aprende todo o que as mestras nos transmiten, ciencias, letras, música, arte... na procura dunha formación humanista e integral. Unha homenaxe ás educadoras e pedagogas que lle impuxeron as condicións sociais, económicas, xeográficas e históricas de Galicia entre finais do XIX e o XX. Unha etapa que reflicte a longa dedicación histórica das mulleres ao campo do ensino, especialmente no eido das primeiras letras, o ensino infantil e o primario, para paulatinamente irse achegando aos demais niveis educativos ata acadar a situación de feminización docente que se está a vivir na actualidade. Mulleres innovadoras e decididas, sempre na procura de novos métodos pedagóxicos para mellorar a educación do seu alumnado por difícil que fose a situación e as características particulares de cada grupo, proporcionando a cerna para unha participación feminina máis ampla na educación superior e no mercado laboral. Un panel transformador da sociedade, a través da transmisión do coñecemento e da profunda pegada do seu traballo en todos e todas nós.

O novo Centro de Día de Castrelo de Miño acolle a exposición ‘A Paz Cuestión de Fondo’

| Concello Castrelo de Miño — Wed, 27 Jul 2011 00:10:00 +0200

O Concello organiza esta mostra de viñetas sobre racismo, pobreza e violencia en calidade de membro...

O novo Centro de Día de Castrelo acolle a partir de hoxe a exposición ‘A Paz Cuestión de Fondo’, organizada polo Concello en calidade de membro do Fondo Galego de Cooperación e Solidariedade. A mostra permanecerá na vila ourensá ata o mes de setembro, e estará aberta ao público de luns a venres en horarios de mañá e tarde, con entrada de balde. No edificio emprazado no lugar de Vide representouse tamén o domingo pasado o espectáculo de sensibilización ‘Contos coas mans abertas’, da Tropa de Trapo. A exposición, integrada por viñetas elaboradas por 28 autores de 16 países diferentes, convida a reflexionar sobre a pobreza como unha forma de inxustiza social que xera exclusión, racismo e violencia. Do mesmo xeito, a falta de oportunidades impídelle á sociedade medrar en condicións de dignidade, o que aumenta as diferenzas sociais e agudiza o abismo entre ricos e pobres. O Fondo Galego de Cooperación entende que o desenvolvemento sostible non é posible neste contexto, por iso quere contribuír a crear un clima de opinión favorable á promoción dunha nova orde económica internacional, sen excluídos nin perdedores. Os paneis da exposición ‘A Paz Cuestión de Fondo’ pretenden achegar á cidadanía os conceptos básicos necesarios para unha comprensión axeitada da paz nun sentido amplo, os factores que a ameazan e mais os instrumentos e actitudes que contribúen a promovela. Trátase de que nenos e adultos entendan que a paz non é só a ausencia de guerra, pois existen outros tipos de violencia que atentan contra ela. Ao mesmo tempo, inténtase desenvolver nos máis novos un espírito crítico coa realidade. O Fondo Galego. O Fondo Galego de Cooperación e Solidariedade é unha rede que engloba a 96 Concellos e ás catro Deputacións de Galicia. Fundouse en 1997 como un foro a través do que consensuar e concentrar os esforzos dos poderes locais galego no eido da cooperación ao desenvolvemento. Trátase deste xeito de garantir unha xestión profesional e transparente, así como a realización de proxectos ambiciosos que teñan un verdadeiro impacto nos países do Sur e facilitar unha meirande sensibilización da sociedade galega a prol da solidariedade internacional.

Continua a formación na Aula de Novas Tecnoloxías de Castrelo

| Concello Castrelo de Miño — Wed, 27 Jul 2011 00:01:00 +0200

Estes son os cursos previstos para o mes de agosto.

As actividades previstas para o mes de agosto son as seguintes:

Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 1 ata o xoves 11 de agosto en horario de 19:00 a 21:00 horas.

Curso de organización de viaxes (preparación dunha viaxe, reserva de aloxamentos e compra de billetes).

De luns a xoves, dende o luns 15 ata o xoves 18 de agosto en horario de 19:00 a 21:00 horas.

Festas en Parada os días 27 e 28 de Xullo

| Concello Castrelo de Miño — Tue, 26 Jul 2011 18:44:00 +0200

Os días 27 e 28 de xullo festas en Parada na honra a San Pantaleón.

Haberá gran sardiñada ámbolos dous días a partir das 20:00 horas.

Fotografías do espectáculo de contacontos "Contos coas mans abertas"

| Concello Castrelo de Miño — Tue, 26 Jul 2011 18:30:00 +0200

O espectáculo tivo lugar o día 24 de xullo no Centro de Día.

Xa podedes ver no facebook do Concello as fotografías do Contacontos "Contos coas mans abertas".

Bando 22/2011: Programa de desenvolvemento rural sostible 2010/2014

| Concello Castrelo de Miño — Sat, 23 Jul 2011 00:37:00 +0200

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE)

FAGO SABER que está a exposición pública o plan de actuación que ten previsto desenvolverse na zona de Miño central, na que se atopa o concello de Castrelo de Miño, dentro do programa de desenvolvemento rural sostible 2010-2011, para poder realizar suxestións e alegacións ata o vindeiro 30 de xullo. A información sobre o contido de dito plan de actuación esta a disposición dos interesados na web de Agader nas dependencias administrativas da antedita entidade sita na Rúa dos Camiños da Vida, s/n 2ª planta (edificio Witland) Salgueiriños-Santiago de Compostela e nas oficinas municipais do concello. O que se fai público para xeral coñecemento. Castrelo de Miño, 14 de xullo de 2011. O Alcalde, Xurxo Rodríguez Méndez.

Cursos de natación na piscina municipal de Castrelo

| Concello Castrelo de Miño — Fri, 22 Jul 2011 13:43:00 +0200

Haberá cursos de iniciación e perfeccionamento.

Do 26 de xullo ao 26 de agosto celebraranse na piscina municipal de Castrelo de Miño os cursos de natación. Haberá cursos de iniciación e perfeccionamento. Os interesados en recibir información sobre os cursos poden chamar ao teléfono 629 035 633.

Contacontos en Castrelo de Miño: "Contos coas mans abertas"

| Concello Castrelo de Miño — Tue, 19 Jul 2011 12:17:00 +0200

Contos con música en directo para público adulto.

A Tropa de Trapo e o Fondo Galego de Cooperación e Solidariedade presentan "Contos coas mans abertas". Tratase dun espectáculo de contacontos con musica en directo dirixido a un público adulto. Terá lugar o día 24 de xullo no Centro de Día de Castrelo de Miño (Vide) ás 21:00 horas.

Ximauga

| Concello Castrelo de Miño — Mon, 18 Jul 2011 12:34:00 +0200

Comezo o martes 19 de xullo ás 12:30.

O Concello de Castrelo de Miño organiza nas piscinas municipais as actividades Ximauga. Darán comezo o martes 19 de xullo ás 12:30 horas, e para apuntarse abondara con chamar ó 629 035 633 ou pasar directamente polas piscinas.

Curso de Formación Psicoeducativo

| Concello Castrelo de Miño — Mon, 18 Jul 2011 12:19:00 +0200

Do 18 ó 29 de xullo no Centro de Día de Castrelo de Miño-Vide.

O Sindicato Labrego Galego e a Asociación Solidaridad Intergeneracional organizan, coa colaboración do Concello de Castrelo de Miño, un Curso de Formación Psicoeducativo. O curso desenvolverase no Centro de Día de Castrelo de Miño-Vide dende o día 18 de xullo ata o 29 de xullo, no horario de 16 a 19:30 horas. O curso é de balde e outorgarase un diploma acreditativo a finalización das xornadas. O curso está destinado a maiores, familiares e coidadores.

O alcalde de Castrelo de Miño mantivo co Delegado Territorial da Xunta en Ourense unha reunión de traballo para analizar a posta en marcha de proxectos no concello

| Concello Castrelo de Miño — Thu, 14 Jul 2011 18:49:00 +0200

O Delegado Territorial escoitou as demandas do alcalde Xurxo Rodríguez, destacando os preto de 45...

O Delegado Territorial da Xunta en Ourense, Rogelio Martínez, mantivo, esta mañá, unha reunión institucional co alcalde do concello de Castrelo de Miño para manter un primeiro encontro tralas eleccións municipais. “Quero falar cos rexedores e rexedoras co obxectivo de coñecer cales son as súas demandas e proxectos para os próximos meses”. Durante a reunión, Rogelio Martínez amosoulle a Xurxo Rodríguez a súa disposición a colaborar para sacar adiante os principais proxectos desta zona. O rexedor solicitoulle ó delegado a mediación para sacar adiante varios proxectos relacionados coa mellora do Clube Náutico de Galicia ubicado neste concello, ó tempo que lle trasladou problemas de abastecemento e saneamento de varias parroquias do concello así como a necesidade dun punto de atención á infancia e melloras na rede viaria. O delegado territorial comprometeuse a estudar tódalas alternativas presentadas e sacar adiante os proxectos prioritarios tendo en conta a situación económica actual. Martínez lembroulle que no concello de Castrelo de Miño investíronse preto de 3.5 millóns nas obras de mellora da OU-402, a construción da ponte sobre o Miño e a mellora da OU-403. Plan de Cooperación A maiores, o delegado territorial destacou os preto de 45 mil euros que recibiu o concello de Castrelo de Miño este ano para contratar, a través do Plan de Cooperación da Xunta a 4 parados. “Trátase dun investimento moi importante porque non só permite reducilo número de parados na localidade senón que, ademais, facilita a realización de obras municipais de gran interese para todos os veciños, obras que, doutro xeito, ante a actual situación de crise económica, terían que esperar”, explicou Rogelio Martínez. Fonte: Xunta de Galicia

Festas en Prado de Miño este fin de semana

| Concello Castrelo de Miño — Tue, 12 Jul 2011 17:19:00 +0200

Este fin de semana grandes festas en Prado de Miño na honra a Virxe do Carme.

Os desvelos da Martiña

| Concello Castrelo de Miño — Mon, 11 Jul 2011 14:06:00 +0200

En Prado de Miño, durante a Cea do Carme, disfrutaremos coa obra teatral "Os desvelos da Martiña".

En Prado de Miño, durante a Cea do Carme, disfrutaremos coa obra teatral "Os desvelos da Martiña". Está é unha iniciativa do Obradoiro de teatro de Castrelo de Miño, polo que os actores son os veciños e veciñas de Castrelo. Se non vola queredes perder, acudide o día 16 de xullo ás 23:30 horas en Prado de Miño.

19ª Cea do Carme

| Concello Castrelo de Miño — Mon, 11 Jul 2011 13:39:00 +0200

A asociación cultural O Penedo da Forca organiza o sábado 16 de xullo, a partires das 22 horas, a...

A asociación cultural O Penedo da Forca organiza o sábado 16 de xullo, a partires das 22 horas, a tradicional Cea do Carme. A cea consistira en polbo á feira, carne o caldeiro, viño e pan, variando o prezo segundo o menú. Os tiques están xa a venda ata o día 14 de xullo nos seguintes lugares:

PRADO DE MIÑO: Tenda da Julia
VIDE: Bar Ludeiro
OLEIROS: Mirador ó Miño
MACENDO: Bar Adán e Bar O Cuco
CORTIÑAS: Bar Parque, Bar Novo e Bar Clube Náutico
A BOUZA: Panadería

A cea estará amenizada con música e cunha actuación teatral representada polas veciñas e veciños de Castrelo de Miño, "Os desvelos da Martiña".

O futuro do remo español, en Castrelo de Miño

| Concello Castrelo de Miño — Mon, 11 Jul 2011 01:22:00 +0200

O Campionato coroou o Club de Remo Guadalquivir 86 como mellor equipo español e pecha a tempada de...

O remo é un deporte con ferventes seguidores, e o seu maior esplendor desátase nas finais. Unha mañá chea de berros de apoio, aplausos, ovacións e bágoas, tanto de alegría coma de tristura na que os deportistas deixaron ata as súas últimas enerxías para alcanzar as anheladas medallas. E tras o esforzo chegou o recoñecemento, nunha cerimonia de entrega de medallas onde estas novas promesas recibiron o premio ao seu esforzo, da man das autoridades presentes. Medalla que lles escapou por tan só 3 segundos a Adrián Hermida e Lucas Tabarés, dobre skull infantil do Clube Náutico de Castrelo, tras unha gran carreira na que conseguiron o mesmo tempo co que se proclamaron campións galegos a semana pasada. O Campionato de España con maior participación da historia, despídese de Castrelo de Miño tras un éxito organizativo, demostrando o potencial do Parque Náutico de Galicia e reclamando o apoio institucional que lle axude a conseguir o financiamento necesario para cambiar a pista, o principal elemento para a celebración deste tipo de eventos. O remo galego segue traballando por mellorar a única pista de Galicia, e a organización aproveitou a entrega de medallas para recordar ás autoridades presentes a necesidade de continuar apoiando este deporte. Un deporte caro debido aos materiais técnicos e aos desprazamentos e que non pode obter ingresos por entradas debido ás súas características, pero que alcanza uns números de participación moi elevados e conta co seguimento fiel de moitos familiares, polo que resultan eventos que xeran unha gran dinamización económica no ámbito onde se celebran. Autoridades na entrega de medallas: Secretaria xeral do FROM: Isabel Hernández Encinas Presidente da Federación Española de Remo: Fernando Climent Subdelegado do Goberno en Ourense: Camilo Ocampo Presidente da Confederación Hidrográfica Miño – Sil: Francisco Fernández Liñares Senador por Ourense: Miguel Fidalgo Delegado Territorial da Xunta de Galicia en Ourense: Rogelio Martínez Federación Galega de Remo: José Prada Presidenta do Clube Náutico de Castrelo de Miño: Beatriz Alberte Alcalde de Castrelo de Miño: Xurxo Rodríguez

Xornada intensiva de remo no Parque Náutico de Galicia

| Concello Castrelo de Miño — Sun, 10 Jul 2011 17:09:00 +0200

O segundo día do Campionato de España en Castrelo de Miño deixou todo listo para as finais tras 11...

O Parque Náutico de Galicia amaneceu cos remeiros realizando os seus quecementos, xa que a primeira das repescas comezou puntualmente ás 9:00 horas. Unha mañá na que os deportistas loitaban por lograr as últimas prazas nos cuartos de final e la climatoloxía, ao igual que o día anterior non lles deu facilidades. Pero o bó tempo finalmente tamén quiso contribuír á boa organización da proba e fixo acto de presencia tras o descanso de mediodía, xusto para comezar cos cuartos de final e mantuvose ata que estiveron decididos os postos nas finais. O mais destacable da xornada foron os resultados do Real Club Náutico de Torrevieja, que logrou clasificar un representante en todas as finais A da categoría alevín. Tamén destacable será a final do cadete feminino individual, sendo a única na que todos os equipos clasificados son do norte de España. Por último, nos equipos galegos, o Real Club Náutico de Vigo conseguiu meter dúas tripulacións na final individual infantil masculino. En canto á participación local, o Club Náutico de Castrelo ten motivos de satisfacción, xa que os actuais campeóns galegos de dobre skull infantil Adrián Hermida e Lucas Tabarés clasificáronse para a final da súa categoría e contan con serias posibilidades de medalla nunha carreira que se disputará ás 10:50 horas. Tamén o dobre skull alevín de Lucas Hermida e Joel Fernández cumpliu co seu obxectivo, alcanzando a final B. A xornada dominical pechará o Campionato de España coa disputa das finais A e B en todas as categorías, comezando a xornada ás 9:00 horas e rematando ás 13:30 horas coa cerimonia de entrega de medallas, á que asistirán o Subdelegado do Gobierno en Ourense, o Delegado Territorial da Xunta de Galicia en Ourense, o Presidente da Federación Española de Remo, o Presidente da Federación Galega de Remo e o Alcalde de Castrelo de Miño que exercerá de anfitrión.

Castrelo de Miño rebosa remo

| Concello Castrelo de Miño — Sat, 09 Jul 2011 02:12:00 +0200

A primeira xornada do Campionato de España de Remo Olímpico enche o Parque Náutico de Galicia de...

O Parque Náutico de Galicia acolleu desde as 9:30 horas aos 75 clubes que finalmente competirán no Campionato de España, procedentes de todos os puntos de España e que foron chegando a Castrelo de Miño desde o pasado martes ata esta mesma mañá. As eliminatorias comezaron a disputarse as 12:00 horas, e a mañá resultou algo complexa debido as condicións metereolóxicas, con fortes rachas intermitentes de vento que fixeron que se produciran pequenos paróns nas tandas de alevins e infantís. Pola tarde as condicións melloraron para o turno dos cadetes, que con máis de 400 participantes supoñen a categoría máis numerosa. Pechou a xornada unha toma de tempos na categoría de remo adaptado, valedeira para a toma de calles nas carreiras de mañá sábado. A xornada do sábado comezará as 9:00 horas coas repescas, nas que os equipos que non conseguiron clasificarse nas eliminatorias do venres tentarán conseguir unha plaza nos cuartos de final que se celebrarán a partir das 15:00 horas e que darán paso ás semifinais, que pecharán un longo día de remo en Castrelo de Miño que rematará sobre as 21:30 horas.

Campionato de España de Remo Olímpico

| Concello Castrelo de Miño — Thu, 07 Jul 2011 16:13:00 +0200

Nas categorías alevín, infantil, cadete e remo adaptado. Do 8 ao 10 de xullo de 2011 no Parque...

O Campionato de España é un evento de tres días de duración no que participan arredor de 1.000 deportistas procedentes de máis de 70 clubs de toda España. Máis de 400 embarcacións achegaranse a Castrelo de Miño para competir nas distintas categorías, converténdose no Campionato con maior número de deportistas dos organizados pola Federación Española de Remo e nun dos eventos con maior número de participantes de todos os que se celebran na provincia de Ourense e mesmo en Galicia. Tratándose destas datas estivais e sendo unha competición de rapaces, agárdase a chegada de numerosos familiares para apoiar aos competidores, polo que estes días poderase gozar dun gran espectáculo deportivo no Parque Náutico de Galicia. O Campionato comezará o venres 8 de xullo coas roldas eliminatorias, que darán paso ás repescas na xornada matutina do sábado 9. Xa pola tarde, a partir das 15:00 horas disputaranse os cuartos de final e arredor das 17:45 horas comezarán as semifinais. As finais, tanto A como B, disputaranse na mañá do domingo, finalizando a competición coa entrega de medallas arredor das 13:30 horas.

Este Campionato de España consolida ao Parque Náutico de Galicia como lugar de celebración de eventos de primeiro nivel e convérteo nun centro xerador de visitas e dinamizador da economía do Concello de Castrelo, da Comarca do Ribeiro e de toda a provincia de Ourense. Convidamos a todo o mundo a vir esta fin de semana a Castrelo de Miño, pasar unhas xornadas gozando do deporte e de todo o que o noso concello ten que ofrecer. Para máis información contactar con:
Diego Sánchez Calviño
Técnico en Turismo do Concello de Castrelo de Miño
Teléfono: 678 413 523
E-mail: diegosanchezou@gmail.com

Presentación do campionato de España de remo alevín, infantil e cadete

| Concello Castrelo de Miño — Thu, 07 Jul 2011 16:00:00 +0200

O Salón de Actos da Subdelegación do Goberno en Ourense acolleu a presentación á que asistiron...

Abriu a presentación D. Manuel Arias Carral, Secretario Xeral da Subdelegación do Goberno, mostrando a súa satisfacción pola realización deste campionato que conta co patrocinio do Ministerio de Medio Ambiente e Medio Rural e Mariño a través do FROM. Resaltou o Campionato como un evento que sitúa a Ourense no panorama deportivo nacional e lembrou o seu compromiso co Parque Náutico de Galicia e con estes eventos, xa que a Subdelegación do Goberno forma parte do Padroado do Parque Náutico de Galicia. En representación da Federación Galega de Remo falou o seu Presidente. D. José Prada Álvarez, que salientou o esforzo que realiza esta Federación por traer campionatos deste nivel a Galicia, competindo coas outras pistas (Sevilla e Banyoles) moito máis equipadas e profesionalizadas, polo que realizou un chamamento a todas as administracións para que aposten por mellorar as condicións desta pista. O Director Técnico do Club Náutico de Castrelo de Miño Gabriel Fernández Vázquez, comentou que o Club está sempre disposto a colaborar na celebración de este tipo de eventos e no mantemento das instalacións deportivas, que agarda nun futuro próximo poidan mellorar e sirvan de centro de adestramento de primeiro nivel. Salientou tamén no apartado deportivo que será o campionato onde teña maior representación o Club Náutico, xa que 6 remeiros competiran no dobre Skull nas categorías alevín, infantil e cadete. Pechou a rolda de prensa, o Alcalde de Castrelo de Miño, Xurxo Rodríguez Méndez, salientou a creación do Padroado do Parque Náutico de Galicia como o primeiro e importante paso para a cooperación entre administracións e empresas privadas para o desenvolvemento de ditas instalacións e agradeceu a súa colaboración no Campionato á Subdelegación do Goberno; o Grupo Especial de Actividades Subacuáticas da Garda Civil e Protección Civil de Castrelo de Miño que traballan nas tarefas de socorrismo e salvamento acuático e de regulación do tráfico; ao Club Náutico de Castrelo pola súa axuda nas tarefas técnicas e a Gas Natural Fenosa polo esforzo realizado para o mantemento dun nivel de auga no encoro que permita a celebración do Campionato nunha condicións óptimas, nun momento de escaso aporte hídrico na conca do Miño.

Fotografías da actuación do Mago Gusi en Macendo

| Concello Castrelo de Miño — Tue, 05 Jul 2011 02:13:00 +0200

O sábado 2 de xullo o Mago Gusi sorprendeunos cos seus trucos.

Xa podes ver no facebook do Concello as fotografías do espectáculo do Mago Gusi 2010+1 xeitos de sorprenderte...

Fotografías da Feira de Castrelo do mes de xuño

| Concello Castrelo de Miño — Tue, 05 Jul 2011 02:10:00 +0200

O catamarán foi o gran protagonista na Feira do mes de xuño.

O Concello de Castrelo de Miño organizou o 26 de xuño, a habitual Feira de Castrelo de Miño no entorno do Parque Náutico. Nesta ocasión o protagonista foi o catamarán. No Facebook do Concello podedes botarlle unha ollada as fotografías deste evento.

O xornal portugués Gazeta Da Beira publica unha reportaxe sobre Castrelo de Miño

| Concello Castrelo de Miño — Mon, 04 Jul 2011 21:21:00 +0200

Recolle a visita de labregos portugueses ao polígono agrario de asociación As Bouzas.

As novas sobre Castrelo de Miño transcenden fronteiras. O xornal portugués Gazeta Da Beira publicou o 18 de abril un artigo sobre a visita dun grupo de agricultores do Concello de Vouzela ó Polígono Agrario de Asociación "As Bouzas". Este grupo de agricultores lusitanos tiñan como obxectivo observar experiencias innovadoras na resolución de problemas relativos a estrutura dos viñedos.

No Polígono Agrario de Asociación "As Bouzas" de Castrelo de Miño 60 propietarios de pequenas parcelas agrícolas uníronse para, en conxunto, proceder a reestruturación das súas viñas. Estes propietarios administran 30 hectáreas de viñedos, das cales o 50% forman parte de viñas antigas mentres que a restante son de novas plantacións en terreos que eran de reducidas dimensións e de accesos extremadamente difíciles. Trátase dun proxecto innovador de parcelamento agrícola que xa despertou o interese de varios países europeos e da Organización das Nacións Unidas para a Agricultura e Alimentación (FAO).

Os nosos visitantes portugueses tiveron tempo tamén para coñecer o proxecto do Banco Público de Terras de Galicia. Tratase doutro proxecto innovador que pretende flexibilizar e dar confianza ao mercado de arrendamentos de terras. Neste banco os propietarios poden inscribir as súas terras, a través dun contrato que lle garante a titularidade da terra e dunha renda polo seu aluguer, e onde os agricultores poden inscribirse para obter terras por arrendamento, para crear ou aumentar a súa explotación. Esta experiencia simple e innovadora, que na práctica funciona como un banco de diñeiro, resolve os problemas de acceso a terra por parte de quen a quere traballar, separando o uso da posesión da terra. No enlace podedes ver a reportaxe do xornal Gazeta da Beira.

O Mago Gusi presenta o seu espectáculo en Castrelo

| Concello Castrelo de Miño — Wed, 29 Jun 2011 18:17:00 +0200

En Macendo, o 2 de xullo as 21:00 horas, o Mago Gusi presentará o espectáculo “2010+1 Xeitos de...

O Mago Gusi presenta, o 2 de xullo as 21:00 horas en Macendo, un novo formato de espectáculo no que os espectadores non deixarán de participar e sorprenderse. Unha gran festa máxica pensada para que o mago se perda entre os asistentes e faga que a maxia suceda nas súas propias mans, todo mezclado con sorprendentes números de escena. Ese é o reto que quere propoñervos o Mago Gusi con 2010+1 xeitos de sorprenderte...

Os espectáculos de Camiños de Cultura chegan a Castrelo

| Concello Castrelo de Miño — Wed, 29 Jun 2011 17:55:00 +0200

Maxia, teatro, música e humor nun programa pensado para todas as idades e para todas as veciñas e...

Un total de cinco espectáculos programaranse en Castrelo grazas ao programa Camiños de Cultura, cofinanciado polo Concello de Castrelo de Miño e AGADIC (Asociación Galega das Industrias Culturais) en representación da Consellería de Cultura e Turismo da Xunta de Galicia. Comezarán o 2 de xullo en Macendo coa actuación do Mago Gusi, un vello coñecido que ten actuado varias veces en Castrelo, e desta vez presentará o espectáculo “2010+1 Xeitos de Sorprenderte”. O 20 de agosto, “O Turista Madrileño” visitará Prado de Miño. Esta personaxe do monologuista e actor Evaristo Calvo, fará que pasedes unha noite de risas a esgalla. E unha semana despois, no Parque Náutico de Galicia, o día 27 ás 20 horas, a rapeira viguesa AID dará un concerto acompañada por unha exhibición de grafiti e break dance, achegando estas mostras de cultura urbana á xuventude de Castrelo. O ciclo continuara DinamoTeatro, o 3 de setembro en Barral, cunha obra de teatro dirixida aos máis cativos “Contos vellos, novos finais”, onde os contos tradicionais se transforman en exemplos de igualdade. Xa no mes de outubro volverá a maxia. Será no Teleclube de Astariz o 15 de outubro ás 20:30 , da man do mago Román García e o seu espectáculo Nanomaxias, maxia de preto absolutamente sorprendente, que deixará aos espectadores abraiados. Animádevos a asistir!!

Bando 21/2011: Horario de apertura das piscinas municipais

| Concello Castrelo de Miño — Mon, 27 Jun 2011 23:31:00 +0200

O horario de apertura das piscinas municipais durante o período estival será de once a vinte e unha...

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE). FAGO SABER que con data 27 de xuño de 2011 se procederá á apertura das piscinas municipais, que permanecerán abertas en período estival, en horario de once (11:00) a vinte e unha (21:00) horas. O que se fai público para xeral coñecemento. Castrelo de Miño, 27 de xuño de 2011. O alcalde, Xurxo Rodríguez Méndez.

Bando 20/2011: Anuncio cobro de impostos

| Concello Castrelo de Miño — Thu, 23 Jun 2011 18:47:00 +0200

XURXO RODRÍGUEZ MÉNDEZ, ALCALDE DO CONCELLO DE CASTRELO DE MIÑO (OURENSE)

FAGO SABER que unha vez aprobadas as listas cobratorias do Imposto de Vehículos de Tracción Mecánica, Imposto de Bens Inmobles de natureza Urbana, Características Especiais e IBI Rústica do exercicio 2011, ponse en coñecemento dos contribuintes e demais interesados do Concello de Castrelo de Miño que dende o 1 de Xuño de 2011 ata o 20 de agosto de 2011 terá lugar o cobro en período voluntario. Forma de pago: Todos os recibos que non estén domiciliados en contas bancarias serán enviados por correo ós domicilios dos contribuintes para que éstos poidan facelos efectivos nas oficinas bancarias indicadas no mesmo. En caso de non recibilos nas datas sinaladas, deberán dirixirse ás oficinas de “Catoure S.L.”, sitas na Praza Maior nº 5 de Ribadavia. Medios de pago: En efectivo nos bancos indicados nos recibos ou mediante domiciliación bancaria. Advertencia: Transcorrido o período de pago voluntario, as deudas serán esixidas polo procedemento de apremio e aboarase o recargo correspondente, o interese de demora e no seu caso as costas que se produzan. A non recepción do documento de pago non exime da obriga do seu abono dentro do período fixado sendo obriga do contribuinte a solicitude do mesmo no caso de non recibilo. O que se fai público para xeral coñecemento. Castrelo de Miño, 22 de xuño de 2011 O alcalde, Xurxo Rodríguez Méndez

Actividade formativa da aula de novas tecnoloxías no mes de xullo

| Concello Castrelo de Miño — Thu, 23 Jun 2011 17:38:00 +0200

A actividade formativa na aula de novas tecnoloxías de Castrelo continua.

As actividades previstas para o mes de xullo son as seguintes:

Curso de iniciación a informática (iniciación a informática, correo electrónico, comunicación en tempo real a través de internet e outros recursos web).

De luns a xoves, dende o luns 4 ata o xoves 14 de xullo en horario de 19:00 a 21:00 horas.

Curso de fotografía (utilización de cámaras dixitais, uso de programas de visión e retoque de fotografías).

De luns a xoves, dende o luns 18 ata o xoves 21 de xullo en horario de 19:00 a 21:00 horas.

Para inscripcións e máis información: Complexo de Turismo Náutico, s/n. 1º Andar. Castrelo de Miño. Teléfono: 988493225 Correo electrónico: dinamiza@castrelo.org

O catamarán será o protagonista da Feira de Castrelo do mes de xuño

| Concello Castrelo de Miño — Wed, 22 Jun 2011 16:14:00 +0200

Realizará percorridos gratuitos de 5 minutos polo encoro entre as 11:00 e as 13:00 horas.

O Concello de Castrelo de Miño organiza este 26 de xuño, último domingo de mes a habitual Feira de Castrelo de Miño no entorno do Parque Náutico.

Neste mes de xuño o catamarán será o protagonista desta feira, xa que realizará percorridos gratuitos de 5 minutos polo encoro entre as 11:00 e as 13:00 horas.

E como xa é habitual no recinto feiral haberá:

Máis de 100 postos de comerciantes con todo tipo de Produtos (roupa, calzado, libros, musica, pan e doces, Froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega...)
25 postos de produtos naturais e artesanais de Castrelo de Miño.
Festival gastronómico cuberto para máis de 500 comensais.

DECRETO: Nomeamento proceso selectivo persoal piscinas 2011

| Concello Castrelo de Miño — Thu, 16 Jun 2011 17:37:00 +0200

Asunto: Nomeamento proceso selectivo persoal piscinas 2011

Acta do tribunal cualificador da contratación laboral temporal a tempo completo de catro traballadores para a obra/servizo "colaboración e xestión para a prestación do servizo público das piscinas municipais", polo sistema de concurso-oposición

| Concello Castrelo de Miño — Thu, 16 Jun 2011 17:25:00 +0200

Acta do tribunal cualificador da contratación laboral temporal a tempo completo de catro...

Acta do tribunal cualificador da contratación laboral temporal a tempo completo de catro traballadores para a obra/servizo "colaboración e xestión para a prestación do servizo público das piscinas municipais", polo sistema de concurso-oposición

XXXV Volta Ciclista O Ribeiro

| Concello Castrelo de Miño — Wed, 15 Jun 2011 14:54:00 +0200

Outro ano máis a Volta Ciclista O Ribeiro visita Castrelo de Miño

O sábado 18 de xuño a XXXV Volta Ciclista O Ribeiro percorrerá as estradas de Castrelo. Segundo o horario previsto pola organización os ciclistas entrarán a Castrelo as 19:02 horas a traves da Ponte sobre o Miño da estrada OU-403. A continuación pasarán polas poboacións de Santa María, Barral, Prado de Miño, Astariz, Macendo e A Bouza, regresando de novo a Barral pola estrada OU-404 as 19:46 horas aproximadamente.

44 Rallye de Ourense

| Concello Castrelo de Miño — Wed, 15 Jun 2011 14:48:00 +0200

O 44 Rallye de Ourense percorrerá este sábado as estradas de Castrelo

A 44 edición do Rallye de Ourense percorrerá este sábado 18 de xuño as estradas de Castrelo de Miño. Os automóbiles entrarán en Castrelo por Ramiras e dirixiranse cara Macendo, onde finaliza o tramo. A primeira pasada a este tramo producirase as 08:28 horas, pechándose a estrada o uso de vehículos as 06:58 horas da maña. A segunda pasada o tramo producirase as 11:27.

DECRETO: Lista definitiva de admitidos do proceso de contratación laboral para a obra/servizo "colaboración e xestión para a prestación do servizo público das piscinas municipais". Fixación do día e hora do proceso de oposición.

| Concello Castrelo de Miño — Tue, 14 Jun 2011 15:25:00 +0200

Lista definitiva de admitidos do proceso contratación laboral temporal a tempo completo de catro...

DECRETO.

Asunto: Lista definitiva de admitidos do proceso contratación laboral temporal a tempo completo de catro traballadores para a obra/servizo “colaboración e xestión para a prestación do servizo público das piscinas municipais”. Fixación de día e hora do proceso de oposición.

Vista o acta do tribunal selectivo constituído para a selección das prazas de referencia, RESOLVO:

PRIMEIRO: Aprobar a seguinte lista definitiva de admitidos:

· CELSO RODRIGUEZ DOMINGUEZ

· RUY DIEGO MARTINEZ LEON

· JOSE RAMON CABO GONZALEZ

· EMILIO JOSE RODRIGUEZ CASADO

· MARIA RITA VILLAR RODRIGUEZ

· PABLO JAVIER ESTEVEZ NIETO

· VANESA SANCHEZ ALVAREZ

· DOLORES PAJARIN CAMPOS

· SILVIA GONZALEZ SENRA

· DAVID OSORIO FERNANDEZ

· ROSA MARIA SANTOS VEGA

· NICOLETA TINCU

· FRANCISCO NIEVES MENDEZ

· MIGUEL MARIN MONTOYA

· CARMEN GONZALEZ MOHEDANO

· JAVIER CARRIZO ALVAREZ

· MARGARITA FENTE RODRIGUEZ

· MARIA CRISTINA ESTEVEZ CACHEIRO

· MARIA ROLINDES SUAREZ MENDEZ

· NEREA BARREIRO SEBASTIAN

· JONATHAN BARREIRO SEBASTIAN

· YVAN PAZ POUSA

· ANA ALONSO MARTINEZ

· JOSE AXIMO FERNANDEZ LORENZO

· MARIA TERESA ALVAREZ MENDEZ

· ANGEL ALONSO CARRIZO

SEGUNDO: Aprobar a seguinte lista definitiva de excluídos:

· NOELIA ALVAREZ VAZQUEZ

TERCEIRO: Así mesmo, propoñen á Alcadía convocar ós aspirantes para o vindeiro día 15 xuño de 2011 as 9 horas da mañá no salón de actos de AGÁN (Rúa Alejandro Ferrer s/n, Castrelo de Miño. Complexo Turístico Náutico de Castrelo de Miño) e posteriormente, aos que superen o primeiro exercicio, ao exame práctico as 12 horas nas instalacións das piscinas municipais.

CUARTO: Os aspirantes deberán vir provistos do DNI/Tarxeta de residencia.

QUINTO: Publicar esta resolución no Taboleiro de Anuncios do Concello e na paxina web do concello.

Castrelo de Miño, 14 de xuño de 2011.

Contra este acto, que esgota a vía administrativa, poderase interpoñer recurso contencioso-administrativo ante a sala de dita xurisdición do Tribunal Superior de Xustiza de Galicia con sede en A Coruña, ou ante o Xulgado do Contencioso-Administrativo con sede en Ourense unicamente nos supostos a que fai referencia o artigo 8 da Lei 29/1998, do 13 de xullo, reguladora da xurisdición contencioso-administrativa, no prazo de DOUS MESES desde a publicación (art. 46.1 da Lei 29/1998, do 13 de xullo). Potestativamente, tamén se poderá interpoñer recurso de reposición no prazo de UN MES ante o mesmo órgano que ditou esta resolución (art. 116 e 117 da Lei 30/1992, modificada pola Lei 4/1999, do 14 de xaneiro).

DILIXENCIA: Póñoa eu, a secretaria, para facer constar que esta resolución foi publicada no taboleiro de anuncios do concello con data de 14 de xuño de 2011.

Bando 19/2011: Convocatoria sesión plenaria

| Concello Castrelo de Miño — Fri, 10 Jun 2011 17:57:00 +0200

XURXO RODRÍGUEZ MÉNDEZ, ALCALDE DO CONCELLO DE CASTRELO DE MIÑO (OURENSE)

FAGO SABER que de conformidade co establecido na lexislación vixente, faise público que por esta Alcaldía convocouse SESIÓN PÚBLICA EXTRAORDINARIA DO PLENO deste Concello a celebrar no Salón de Sesións da Casa do Concello na hora e data indicados e con sometemento á Orde do día que se expresa:

CLASE DE SESIÓN EXTRAORDINARIA E ESPECIAL DATA DA SESIÓN SÁBADO, 11.06.11 HORA DE CELEBRACIÓN EN 1ª CONVOCATORIA 20:00 ORDE DO DÍA 1º CONSTITUCIÓN DA MESA DE IDADE 2º CONSTITUCIÓN DA CORPORACIÓN 3º ELECCIÓN DE ALCALDE E TOMA DE POSESIÓN

O que se fai público para xeral coñecemento. Castrelo de Miño, 10 de Xuño de 2011 O alcalde Xurxo Rodríguez Méndez

XVII Rallye de Clásicos de Ourense

| Concello Castrelo de Miño — Fri, 10 Jun 2011 00:00:00 +0200

O Rallye de Clásicos de Ourense pasará por Castrelo

Ademáis do Rallye de Automóbiles Antigos que nos visita o sábado pola tarde, este sábado pola mañá o Rallye de Clásicos de Ourense tamén pasará polas estradas de Castrelo. Os automóbiles entrarán a Castrelo pola estrada OU-402 ata Prado, dirixindose cara as Bouzas, Fondo de Vila, Casardeita, Hermida, A Bouza e seguen cara Santomé.

VIII Rallye de Ourense de Automóbiles Antigos

| Concello Castrelo de Miño — Wed, 08 Jun 2011 18:23:00 +0200

O Rallye de Automóbiles Antigos pasará por Castrelo o vindeiro 11 de Xuño.

O Rallye de Automóbiles Antigos partirá o sábado as catro e media desde o Centro Comercial Ponte Vella cara Castrelo de Miño. O regreso está previsto para as 20:00 horas.

Bases xerais e específicas para contratación laboral temporal de catro traballadores para a obra/servizo "Colaboración e xestión para a prestación do servizo público das piscinas municipais",polo sistema de Concurso-Oposición

| Concello Castrelo de Miño — Tue, 07 Jun 2011 18:08:00 +0200

Bases xerais e específicas para contratación laboral temporal polo procedemento especial de...

Bases xerais e específicas para contratación laboral temporal polo procedemento especial de urxencia,a tempo completo de catro traballadores para a obra/servizo "Colaboración e xestión para a prestación do servizo público das piscinas municipais",polo sistema de Concurso-Oposición.

ANUNCIO: Nomeamento proceso selectivo animador sociocultural para a obra/servizo "Dinamización turística,sociocultural e deportiva dos recursos do concello"

| Concello Castrelo de Miño — Thu, 02 Jun 2011 17:04:00 +0200

ANUNCIO: Nomeamento proceso selectivo diplomado en turismo para a obra/servizo "Dinamización turística,sociocultural e deportiva dos recursos do concello"

| Concello Castrelo de Miño — Thu, 02 Jun 2011 17:03:00 +0200

Acta do tribunal cualificador para a contratación laboral temporal a tempo parcial de un traballador(Animador Sociocultural)para a obra/servizo "Dinamización turística,sociocultural e deportiva dos recursos do concello"

| Concello Castrelo de Miño — Thu, 02 Jun 2011 17:01:00 +0200

Acta do tribunal cualificador para a contratación laboral temporal a tempo parcial de un traballador(Diplomado en Turismo)para a obra/servizo "Dinamización turística,sociocultural e deportiva dos recursos do concello"

| Concello Castrelo de Miño — Thu, 02 Jun 2011 17:00:00 +0200

Festas de Souto 2011

| Concello Castrelo de Miño — Wed, 01 Jun 2011 08:48:00 +0200

Festa na honra á San Antón de Padua o 18 de xuño

Festa na honra dá San Antón de Padua o 18 de xuño. Ás 10:30 horas, pasarrúas polo pobo a cargo da Charanga Monterrey. Ás 11:30 horas, procesión e a continuación misa solemne. O remate sesión vermouth cosa Charanga Monterrey. Sobre ás 17:00 horas haberá xogos para os nenos. Ás 21:00 horas degustación de mexillóns e sardiñas para todos os asistentes acompañados polo grupo Novo Milenio e o Dúo Menta.