Xestións DXT
O Concello firmou un convenio coa Dirección Xeral de Tráfico (DXT) e a Federación Española de Municipios e Provincias (FEMP) que permite que tódolos veciños do concello poidan facer de maneira gratuíta e nas dependencias do Concello, o cambio de domicilio no Rexistro de Condutores da DXT e a solicitude de duplicados do permiso de circulación por cambio de domicilio do titular.
Ter o domicilio actualizado é importante para recibir correctamente os permisos despois da renovación e para coñecer as sancións que poidamos ter, acolléndonos a descontos por pronto pago e evitando recargas por recibi-la sanción en vía de apremio. Estas tramitacións pódense facer nas oficinas municipais do Concello de luns a venres de 9 a 14 horas.