Para isto foron necesarias unha serie de reparacións, xa que tanto o teito como a recollida de augas estaban en moi malas condicións; houbo que repintar as pistas, mellorar as instalacións e os vestiarios, e adquirir novo material deportivo.

O Pavillón Municipal de Castrelo de Miño sito nas inmediacións do Colexio de Castrelo de Miño (Astariz) permanece aberto de luns a venres de 18:00 a 22:00 horas. Dentro dos servizos do Pavillón Municipal atópanse as escolas deportivas de Atletismo, Fútbol Sala Feminino e Masculino, Baloncesto e Ciclismo.

Tamén hai clases de Ximnasia Suave os martes e xoves ás 18:30 horas, Ximnasia de Mantemento tódolos martes e xoves ás 19:30 e 20:30 horas e Taichi os luns ás 19:00 horas.

Pero o Pavillón non é soamente para o deporte senón que é un espazo multiusos no que celebran ó acollido festas como o fin de ano, o magosto ou a festa de Reis; e eventos musicais coma o Ribeiro Rock.

Mellora de equipamentos

As melloras no equipamento do pavillón son evidentes, e na actualidade conta con auga quente nas duchas, saunas nos vestiarios masculino e feminino, steps para a práctica de ximnasia, un completoxogo de pesas, unha máquina de pesas multiusos e no 2011 incorpóranse unha serie de máquinas para exercicios cardiovasculares, en concreto 2 cintas de carreira, 2 bicicletas estáticas, 2 elípticas e 2 plataformas vibratorias.

Xogos Biosaludables

Os xogos biosaudables son unha serie de aparatos orientados a práctica do exercicio físico, dun xeito sinxelo, divertido e accesible a todo o mundo. Hai diversos aparatos para exercitar as distintas partes do corpo e as diferentes calidades como a forza, a coordinación, a resistencia ou a flexibilidade, destacando sempre a facilidade no seu uso.

A zona de xogos biosaudables está situada a carón do pavillón municipal de deportes, e como os aparatos están ó aire libre poden utilizarse en calquera momento, sen limitación de horarios. Así, poden ser un complemento ou unha alternativa ás escolas e actividades deportivas que se desenvolven no propio pavillón municipal.

A práctica de deporte de xeito habitual axuda a previr e coidar diversas doenzas e a mellorar a calidade de vida das persoas, así que fai deporte!

Ximnasia de mantemento

Esta foi a actividade que mellor acollemento tivo e máis participación mantén. Comezaron a organizarse no ano 2008 e participan veciñas e veciños de tódalas idades, habendo grupos específicos para os maiores.

Para isto foi necesaria unha ampla reforma que se levou a cabo en varias fases durante esta lexislatura, que incluíu obras externas como a plantación de novo céspede, arranxo e substitución de vallas exteriores ou a creación de zona de sombra.

E tamén foi necesario realizar melloras na caldeira de auga quente, pintado de paredes e substitución de portas, mellora no sistema de filtrado, reforma completa da piscina de cativos, selado dos vasos e a instalación de secamáns, dispensadores de xabón e papeleiras nos vestiarios.

O estado actual da piscina provoca que sexa tamén elixida por xente doutros concellos veciños que queren gozar deste entorno á beira do encoro.

Cursos de natación e Ximnauga

Durante os meses de apertura da piscina as actividades de ximnasia que habitualmente se realizan no pavillón municipal trasládanse á piscina.

A ximnauga é unha das actividades favoritas dos maiores do noso concello.

Para os máis novos tamén se organizan cursos para aprender a nadar e para mellorar a técnica de natación.

O elemento máis destacado é a pista olímpica de remo, unha pista de 2000 metros que permite albergar competicións de primeiro nivel e da que só existen dúas máis das súas características en toda España. No ano 2009 foi preciso cambiar os pantaláns, xa que as malas condicións nas que se atopaban os anteriores facía inviable a celebración de probas. Esta inversión foi posible grazas ao convenio asinado entre a Conselleira de Cultura e Deporte do anterior goberno autonómico e o actual Alcalde do Concello de Castrelo de Miño por un importe de 120.000 euros.

No encoro de Castrelo de Miño tamén se pode practicar o piragüismo, a pesca deportiva ou a vela.

A pé de pista existe un edificio multiusos que conta cun albergue de 60 prazas, un restaurante, unha cafetería, unha aula informática con vista directa da pista de remo e que se utiliza como sala de prensa durante as competicións e aparcamento para uns 100 vehículos. Moi cerca deste edificio atópanse dúas naves para gardar embarcacións e o taller para reparalas.

Completan as instalacións as piscinas municipais, pistas polideportivas e unha serie de espazos abertos ós que se lles poden dar distintas utilidades segundo as necesidades, e que habitualmente son utilizados nas competicións para as embarcacións e como aparcamentos para remolques e autobuses.

Pista Polideportiva Exterior

O Concello de Castrelo de Miño segue a engadir servizos ao Parque Náutico de Galicia e a comezos do ano 2011 farase a inauguración dunha nova pista polideportiva exterior. Trátase dunha pista de 40 x 20 metros, con superficie de céspede artificial, que dispón de porterías e canastras de baloncesto e que supuxo unha inversión de 60.000 euros.

Ocio

O Club Náutico Castrelo de Miño oferta unha grande variedade de alternativas de ocio acuático, como o aluguer de kaiaks, paseos en lancha, banana, windsurf, vela lixeira ou pedaletas.

Competición

O Club conta con equipos federados nas especialidades de remo e vela que na actualidade contan con 25 deportistas guiados por adestradores profesionais capaces de maximizar os resultados nas competicions nas que se participan, de carácter provincial, autonómico, nacional e internacional.

Os equipos están coordinados polo Director Técnico Deportivo, Gabriel Fernández e os adestradores Rubén Vieira (remo), Héctor Regueiro, Daniel Conde, Paola Sanjuán (Optimist) e Simón Fernández (Hobie Cat 15 e Windsurf).

Palmarés

• Campionato Galego de Remo Indoor (2011): 3º posto en infantil masculino. Adrián Hermida Peña
• Campionato Galego Alevín, Infantil e Cadete (2010): 2º posto en 2x alevín masculino. Lucas Hermida Peña y Joel Fernández Vázquez
• Campionato Galego Xuvenil, Sub-23, Senior y Veterano (2010): 3º posto en 1x Sub-23 femenino. Verónica Regueiro Reza
• Campionato de España de Remo (2009): 7º en 1x alevín masculino. Lucas Tabarés- Costa López
• IV Regata Internacional Ponte da Amizade (2009): 1º posto en 1x alevín masculino. Lucas Tabarés-Costa López
• Campionato Galego Juvenil, Sub-23, Senior e Veterano (2009): 2º posto en 1x xuvenil feminino e 4º posto en Sub-23 masculino. Verónica e Héctor Regueiro Reza
• Campionato Galego Alevín, Infantil e Cadete (2005): 4º posto en 1x alevín. Jonathan González Domínguez