Os Reis Magos chegan ao concello de Castrelo de Miño procedentes de Ribadavia en tres maxestosas carrozas.

Paséanse na cabalgata polas aldeas do municipio, rodeados de nenos e demais veciños e, ao remate da xornada, atenden a tódolos rapaces do concello no pavillón do colexio, outorgándolle un agasallo a cada neno.

Ademais, pequenos e maiores gozan dunha festa animada con música e baile, acompañada de roscón de reis e cava.